上海奧林匹克俱樂部麗笙酒店（Radisson Blu Hotel, Shanghai Stadium） 2025 年開業
上海奧林匹克俱樂部麗笙酒店 2024 年下半年試業，2025 年正式開業，酒店位置喺正徐家匯上海體育場裡面，房間全部落到玻璃，可以睇到場館舉行嘅賽事或者演唱會，有少少似香港啟德體育園附近間酒店，啱晒喜歡文體旅遊或者睇show嘅朋友。
酒店提供200幾間客房，每間房都配備空氣凈化器，確保質素合格，而且房間隔音效果一流，唔怕夜晚開show嘈住瞓覺。不過，酒店地點唔近景點，打車去東方明珠塔或者豫園需要半小時以上。房價每晚連稅800港元起，適合鐘意去上海睇 show 或者賽事嘅朋友。
Runhotel 幫您搜尋最低價訂房網站
base-CAOHEJING Serviced Apartment 2025 年開業
base佰舍酒店式公寓（上海漕河涇店）位於徐匯區，距離虹漕路地鐵站9分鐘路程。酒店2025年先開業，設施新淨，設有有洗衣機及廚房，浴室有暖風機乾濕分離，適合一家大細，房價每晚約四百幾港元起。
由酒店搭30分鐘地鐵去衡山路站，個度有好多三、四十年代建成嘅高檔住宅及文人府第，打卡一流。搭去東方明珠塔及外灘就要一小時。
Runhotel 幫您搜尋最低價訂房網站
Hilton Shanghai Zhangjiang Science City 2025 年開業
上海張江科學城希爾頓酒店喺2025年新開酒店，步行可直達地鐵學林路站，喺附近唯一嘅五星級酒店。希爾頓品牌酒店質素一向有保證，前台服務良好，大堂寬敞有氣派，泳池及24小時健身房唔在講，房間仲有type C 和USB 插頭。
張江科學城喺國家重點開發科技園區，由呢度揸車20分鐘可抵達陸家嘴金融貿易中心或上海迪士尼度假區。房價每晚約1,100港元起。
Runhotel 幫您搜尋最低價訂房網站
Sofitel Shanghai North Bund 2024 年開業
上海北外灘金輝索菲特酒店喺2024年先開業嘅新酒店，雖然位處外灘，但距離主要景點，例如東方明珠塔及豫園都需要11分鐘車程。
呢間5星酒店有30層高，走歐式奢華風，房間寬敞，細房都有431平方呎；晚上可以叫車去VUE酒吧欣賞夜景及美酒，酒吧2樓露台的中間有一個按摩池，可以一邊泡腳一邊欣賞美景，被時代雜誌評為「在上海10件必做的事」之一。
Runhotel 幫您搜尋最低價訂房網站
Jinglai Selected Hotel – The Fourth People’s Hospital, West Yin’gao Road 2024 年開業
景萊酒店·臻選集團喺上海開咗唔少經濟型酒店，平均每晚200幾港元有交易。2024年除咗喺靜安區開咗新酒店，亦喺寶山區開咗景萊酒店·臻選(上海殷高西路第四人民醫院店），雖然價錢無得輸，但附近沒什麼小商店，而且叫車去附近最近景點上海玻璃博物館都要18分鐘，去新天地要44分鐘，地點唔太方便。酒店嘅早餐喺麥當勞，啱晒趕行程嘅朋友。
Runhotel 幫您搜尋最低價訂房網站
TUI BLUE Wusongkou Cruise Port 2024 年開業
上海吳淞口郵輪港途易藍酒店(TUI BLUE Wusongkou Cruise Port)係另一間喺上海吳淞口國際郵輪碼頭開業嘅新酒店，距離之前介紹嘅上海伊敦康得思酒店8分鐘路程，同樣5星級酒店，但房價就平好多，每晚連稅約400港元起，望到江景，仲有專車送去碼頭，性價比唔錯。網上讚佢哋嘅早餐幾好食，由酒店行去新地標海上世界大約12分鐘。
Runhotel 幫您搜尋最低價訂房網站
blinq Residences Shanghai Jing‘an 2024 年開業
想喺黃埔外灘搵間平少少嘅酒店? 可以諗吓2024年開業嘅上海靜安博鄰行政公寓，雖然叫車去外灘渡輪碼頭或東方明珠塔分別18及23分鐘，但房價差唔多平一半，連稅大約500港元就有交易，升級去Studio房間仲有700平方呎，包洗衣機、焗爐及小廳，適合一家大細。
Runhotel 幫您搜尋最低價訂房網站
景莱酒店·精选（徐家汇中山医院店） 2024 年開業
徐家匯喺上海著名嘅商業圈，集購物、娛樂、辦公、商貿、休閑一身。景萊酒店·臻選（上海徐家匯交通大學店）距離徐家匯地鐵站6分鐘路程，附近有便利店及食肆，由酒店行12分鐘就到港匯恆隆廣場及中世紀哥德式建築嘅徐家匯天主堂。
酒店雖然三星，但設施齊全，仲有洗衣房、溫泉及租Wifi 蛋服務，樓下的蘇式麪館味道都唔錯，啱曬出差或旅遊嘅朋友。
Runhotel 幫您搜尋最低價訂房網站
Yinshu Lunasvilla Courtyard Garden Resort Hotel (Shanghai International Tourism Resort Branch) 2024 年開業
計劃去上海迪士尼嘅朋友唔可以錯過呢間酒店，隱墅·Lunas Villa庭院花園度假酒店（上海國際旅遊度假區店）2024年落成，地方闊落，有2000幾平方米，走園景風格，每間房都有花園景庭院，令人非常放鬆，房價每晚最平500幾港元有交易。
酒店亦提供迪士尼遊玩導覽及伴遊服務，幫埋客人Plan 行程，由酒店call 車14分鐘就到上海迪士尼樂園，慳咗嘅酒店錢就可以喺迪士尼食玩買喇。
Runhotel 幫您搜尋最低價訂房網站
Jinglai Selected Hotel – Shanghai North Xizang Road Metra Station Branch 2024 年開業
景萊酒店·臻選 (上海西藏北路地鐵站店) 嘅賣點係平！每晚平均200幾港元就有交易，而且位置距離地鐵8號線西藏北路站只係5-10分鐘路程，呢條線可以去到唔同景點，例如去外灘及豫園30分鐘多D，去迪士尼樂團就要1小時15分鐘。
酒店2024年開業，提供免費洗衣機及乾衣機，而且附近有食肆及超市，補給好方便，適合經濟型旅客，唯獨附近無咩著名景點，要搭番車出去。
Runhotel 幫您搜尋最低價訂房網站
Hilton Shanghai Hongqiao International Airport 2024 年開業
Hilton集團2024年喺上海開咗唔少新酒店，上海虹橋國際機場希爾頓酒店(Hilton Shanghai Hongqiao International Airport)喺其中一間。酒店部分房間對正對虹橋國際機場停機坪及跑道，飛機迷一定好開心，因為連個infinity pool都睇到飛機起降。
房間隔音唔錯，可隔絕大部分飛機升降聲，仲有咖啡機提供，酒店大堂可以直接通往T1客運大樓出發層，方便翌日出發嘅旅客。
Runhotel 幫您搜尋最低價訂房網站
Hilton Garden Inn Shanghai Jiading 2024 年開業
上海嘉定希爾頓花園酒店(Hilton Garden Inn) 走輕奢風格，行路就可以到達州橋老街及嘉定博物館了解當地名勝及歷史 。希爾頓品牌服務及設備一向有水準，唔使擔心服務不周，部分客人仲收到小禮物及水果。酒店早餐品種豐富，泳池、健身房設施齊全，有免費洗衣房及停車場，房價每晚400幾港元，性價比唔錯。
Runhotel 幫您搜尋最低價訂房網站
上海乡韵亲子酒店 2024 年開業
去上海迪士尼樂園又多一個住宿選擇！上海鄉韻親子酒店距離上海迪士尼樂園只喺7.1公里，酒店仲有安排免費機場及樂園接送，18分鐘就到達迪士尼樂園，慳番唔少交通時間，而且提供唔少免費項目，包括免費兒童樂園、免費定時騎馬拍照、免費行李寄存、免費智慧VIP巨幕影院、優惠樂園門票及導遊。其他康樂設備包括兒童無邊泳池、小動物園，布偶貓貓咖啡，園林，花草打卡，垂釣等，節目豐富，俾小朋友放電一流！
酒店房間闊落、設計精美，3人套房最平200幾港元就有交易，仲包中式早餐，非常化算。
Runhotel 幫您搜尋最低價訂房網站
The Grace Hotel Shanghai Yexie 2024 年開業
格瑞斯皇家酒店上海葉榭店 (The Grace Hotel Shanghai Yexie)位於松江大學城區，喺2024年進行過翻新，設計有點懷舊，但提供SPA及桑拿設施。
酒店附近景點唔算多，打車去較近嘅上海影視樂園或者松江古城分別20及30分鐘，去番東方明珠塔打車都最少一小時以上，房價每晚400幾港元起。
Runhotel 幫您搜尋最低價訂房網站
Cordis Shanghai Seaworld 2024 年開業
康得思集團2024年喺上海寶山區推出上海伊敦康得思酒店(Cordis Shanghai Seaworld)。呢間5星級酒店喺正吳淞口國際郵輪碼頭附近，180度落地窗飽覽江景及鄰近嘅上海吳淞炮台灣國家濕地公園嘅自然景色。皇家加勒比國際遊輪海洋光譜號就喺呢個碼頭上船去日本，啱晒想遊完上海再享受郵輪假期嘅朋友。
酒店提供5星級裝修及24小時健身房設施，行6分鐘就到海上世界，呢個6.6萬平方米嘅新地標喺上海首個郵輪主題嘅購物中心，集合購物、休閒、文化與藝術於一身，仲有海洋主题親子樂園俾小朋友放電，適合一家大細去玩 ，但去其他市區景點例如東方明珠塔及豫園等，係友誼路地鐵站就要個幾小時，有辣有唔辣。酒店每晚房價連稅630港元起。
Runhotel 幫您搜尋最低價訂房網站
Dayin International Youth Hostel – People’s Square & Old Town 2024 年開業
Runhotel 幫您搜尋最低價訂房網站
Holiday Inn Express Shanghai Jing’an Temple 2024 年開業
上海靜安寺智選假日酒店(Holiday Inn Express Shanghai Jing’an Temple By IHG)地點方便，距離靜安寺站或南京西站十分鐘路程。酒店對面就是上海展覽中心，打車去新天地、豫園分別只需11及18分鐘，近晒景點，附近嘅靜安嘉里中心開設咗美國戶外休閑鞋品牌「KEEN 墾因」全國首家快閃店，有時間可以去尋寶。
酒店2024年啟用，設施新淨衛生，服務媲美5星級酒店，一樓有免費咖啡，並提供免費私人停車場及健身室，房價每晚連稅600幾港元起。
Runhotel 幫您搜尋最低價訂房網站
Four Points by Sheraton Shanghai Fengjing 2024 年開業
上海Legoland將於2025年7月正式開幕，主題樂園將有八大景區，成為Lego迷今個暑假朝聖熱景！上海楓涇福朋喜來登酒店 (Four Points by Sheraton Shanghai Fengjing) 位於上海市西南部的金山區，是著名化工企業重鎮，由呢度打車去Legoland 大約27分鐘，去楓涇古鎮就8分鐘車程，動靜活動都包含晒。
呢間4星酒店2024年啟用，有室內外泳池、健身房及自助洗衣設備，但呢度出番市區較遠，打車都要1小時以上，去完Legoland 再去其他景點就唔太方便。
Runhotel 幫您搜尋最低價訂房網站
SHANGHAI T+ HOTEL 上海梯加酒店 2024 年開業
上海T+酒店 (Shanghai T+ Hotel)在奉賢區，距離市中心有50分鐘的車程，附近亦沒有什麼景點，只有仲盛世界商城。酒店提供卡拉OK、桌球、瑜伽室、自助洗衣店等設施，同時提供日租房服務，但未有顯示過夜或日租房價。
Runhotel 幫您搜尋最低價訂房網站
Floral Hotel · Shanghai Pudong New Area Mingyu 2024 年開業
Runhotel 幫您搜尋最低價訂房網站
Holiday Inn Express Shanghai Changfeng Park 2024 年開業
Holiday Inn集團2024年在上海新開3間酒店，上海長風公園智選假日酒店(Holiday Inn Express Shanghai Changfeng Park) 是其中一間，距離梅嶺北路地鐵站6分鐘路程，周圍環境安靜，附近有個梅川梅花主題公園，種植50多種植物，每年1月下旬到4月上旬開花，景色唔錯。搭地鐵去上海城隍廟及東方明珠廣播電視塔約1小時。房價每晚連稅約400多港元起。
Runhotel 幫您搜尋最低價訂房網站
Caption By Hyatt Zhongshan Park Shanghai 2024 年開業
上海中山公園凱悅嘉薈酒店 (Caption By Hyatt Zhongshan Park Shanghai)位於市中心邊。由中山公園站搭地鐵去新天地或者外灘就大約半小時，亦可以選擇去地標吳康大廈，以及武康路歷史文化名街，拍攝具歐洲風情嘅法式、西班牙式及英式建築，以另一個角度欣賞上海景色，車程差不多。
酒店設計時尚，但洗手間與浴室結合，空間較細，附近有地下美食街與龍之夢商場提供不同類型餐飲選擇。房價每晚連稅600幾港元起。
Runhotel 幫您搜尋最低價訂房網站
Hyatt Centric Zhongshan Park Shanghai 2024 年開業
上海中山公園凱悅尚萃酒店 (Hyatt Centric Zhongshan Park Shanghai)同樣位於長寧區，喺正上海中山公園凱悅嘉薈酒店隔離。由於多咗半粒星，以及房間平均大百幾平方呎，價錢都稍為高D，房價每晚連稅700幾港元起。
酒店樓下就喺中山公園地鐵站及商場，附近有間食帝王蟹料理嘅餐廳，可以試吓。
由中山公園站搭地鐵去新天地或者外灘就大約半小時。
Runhotel 幫您搜尋最低價訂房網站
Holiday Inn Express Shanghai Gumei 2024 年開業
Holiday Inn集團2024年在上海新開3間酒店，上海古美智選假日酒店(Holiday Inn Express Shanghai Gumei By IHG)是其中一間，性價比高，有自助洗衣店，銀行自動提款機、食肆、24小時便利店步行即抵，而且房價每晚連稅300幾港元起，以一間新開四星酒店黎講算唔錯。唯一喺唔太就腳，距離顧戴路地鐵站12分鐘路程，搭地鐵去上海城隍廟及東方明珠廣播電視塔要1小時有多。
Runhotel 幫您搜尋最低價訂房網站
Fairfield by Marriott Shanghai Lingang Special Area 2024 年開業
上海滴水湖萬楓酒店(Fairfield by Marriott Shanghai Lingang Special Area) 鄰近海邊，整體風格偏商務人士，但中間有點小心機，部分房間有帳篷、滑滑梯及飛行棋，啱晒小朋友！聽聞房間長沙發可以瞓到2個小朋友，一家大細出行嘅朋友可以體驗吓。
滴水湖於2009年獲評為國家水利風景區，每年都會舉行煙花秀及季節性音樂會，由酒店步行15分鐘就到；去航海博物館都喺9分鐘路程，可以發掘一吓新去處，出番市中心景點或者去迪士尼樂團搭地鐵就要近2小時。
Runhotel 幫您搜尋最低價訂房網站
Intercity Hotel Shanghai Xizang South Road 2024 年開業
上海西藏南路城際酒店 (Intercity Hotel Shanghai Xizang South Road)近市中心，行5分鐘去由陸家濱路站搭地鐵去東方明珠塔或新天地大約半小時，打車去上海迪士尼都喺30分鐘左右，非常就腳。
酒店唔算大，洗手間及浴室乾濕分離，隔音唔錯，夠實用，附近有世紀聯華超市及蘭州拉麵，補給方便。房價每晚連稅600幾港元起。
Runhotel 幫您搜尋最低價訂房網站
