香港萬聖節酒店派對 2026｜6 間酒店狂歡活動 HK$196 起！泳池 Party、廣東歌 Disco、DJ 派對合集
今年萬聖節想約朋友出去玩，唔一定要去蘭桂坊！香港有 6 間酒店喺 10 月 30 日及 31 日推出唔同主題嘅 Halloween Party，W 酒店 Woo bar 入場費最平，門票只需 HK$196 起。由廣東歌 Disco、泳池啤酒節，到空中酒吧 DJ Party、暗黑主題派對都有，部分門票仲包飲品、宵夜自助餐或者指定酒水任飲，想簡單飲返杯，定係同朋友玩到凌晨，都有唔同選擇。
今次最平嘅係香港 W 酒店 WOOBAR，10 月 31 日會舉行「Hallo-Scream Festa」廣東歌派對，由 DJ Bobo 現場打碟，將廣東歌、國語流行金曲同復古節拍混埋一齊，鍾意聽經典金曲嘅朋友可以一邊飲嘢一邊跳舞。當晚 WOOBAR 仲會換上萬聖節主題佈置，配合霓虹燈效同神秘迎賓特調，酒店亦鼓勵大家扮鬼扮馬出席，可以參考荷里活或者嘉年華風格。單人門票 HK$196 起，另外仲有最多 4 人嘅派對套票，優惠價 HK$1,488 ，有埋 1 支指定香檳及 1 客水果拼盤，以 4 人計平均每位 HK$372。(預訂按此)
如果想一跟聽 Disco 廣東歌之餘，仲想食埋宵夜小食，九龍海逸君綽酒店都有一場「萬聖節廣東金曲 Disco Night」。派對喺 10 月 31 日晚上 9 時至翌日凌晨 12 時舉行，主打香港樂壇黃金年代嘅經典廣東歌，大家可以盛裝出席，邊聽歌邊跳舞。優惠價 HK$372，門票已經包埋宵夜小食（按此查看菜單），以及汽水、指定餐酒同啤酒無限暢飲，去到現場有得任飲唔洗再加錢堅抵。現場仲有「最佳服飾大獎」，如果約齊 5 位或以上朋友一齊訂，更加可以享有專屬預留座位 (先到先得，訂完可先致電酒店 2996 8041 留位)。想食埋晚餐先去 Party，九龍海逸君綽酒店亦有兩款套票可以揀，包括 Disco Night 連 The Promenade 自助晚餐，或者連炉端燒相樸手晚餐，兩款都係每位 HK$833。活動喺九龍海逸君綽酒店 1 樓宴會廳舉行，地址係九龍紅磡黃埔花園德豐街 20 號。(預訂按此)
唔想只係聽歌跳舞，想玩啲特別嘅話，香港海洋公園萬豪酒店就會喺 10 月 31 日舉行「血浴啤酒節」泳池狂歡派對，將萬聖節、德國啤酒節同泳池 Party 一次過結合。活動由下午 5 時玩到晚上 10 時，現場有萬聖節主題德式限定美食、特調飲品同派對遊戲，仲請嚟傳統德國樂隊 Die Hong Kong Oktoberfest Blaskapelle 現場演出。早鳥單人門票 HK$300，包括泳池通行證站立區入場同 2 杯標準飲品。如果想坐喺池邊食嘢，酒店仲準備咗二人冰鎮海鮮套餐，兩位 HK$1,600，平均每位 HK$800，包括池邊座位、雪場蟹腳、麵包蟹、海蝦、磯燒鮑魚、新西蘭青口、煙三文魚同 1 瓶香檳。四人斧頭扒套餐就係 HK$3,200，平均每位同樣 HK$800，包 1.2 公斤斧頭扒、德國豬手、德國香腸等美食、1 瓶香檳同 8 杯標準飲品換領代幣。(預訂按此)
如果鍾意去空中酒吧飲返杯，今年萬聖節都有兩場唔同風格嘅派對可以考慮。位於灣仔英皇駿景酒店 25 樓嘅 The Crown，10 月 31 日晚上 9 時至 11 時會舉行「Dark Gatsby 暗夜魅影派對」，以 1920 年代爵士黃金時代為靈感，將 Gatsby 復古奢華風格加入暗黑神秘元素。入場優惠價 HK$278 起，已包服務費，每位賓客可以獲得萬聖節限定飲品「凝視夜色」或者「金色浮華」一杯，現場仲有駐唱歌手演出靈魂樂同爵士音樂。The Crown 當晚仲有神秘塔羅占卜體驗，不過只限首 20 位登記賓客參加，先到先得。想飲得盡興啲，入場後可以另加 HK$158，升級 2 小時精選酒品無限暢飲。酒店地址係灣仔皇后大道東 373 號。(預訂按此)
另一場空中酒吧派對就喺啟德帝盛酒店舉行，酒店會喺 10 月 31 日晚上 8 時至 11 時，於 15 樓 Jin Bo Law 空中酒吧舉辦「HalloWeeknd DJ Party」。當晚 The Weeknd 亦會喺附近嘅啟德主場館舉行《After Hours Til Dawn》巡迴演唱會，酒店特別以佢暗黑又充滿戲劇感嘅音樂風格為靈感，打造萬聖節派對。現場由 DJ Fatty Cool 打碟，播放流行歌曲、R&B、Hip-Hop 同經典廣東歌，晚上 8 時 30 分至 10 時仲有免費萬聖節化妝服務，由專業化妝師幫大家打造節日造型。啟德帝盛酒店派對門票每位 HK$380，已包服務費、入場同 2 杯自選飲品，可以揀萬聖節限定雞尾酒、紅白餐酒、氣泡酒、啤酒、烈酒調酒、果汁或者汽水。萬聖節盛裝出席人士、酒店住客，以及持有 The Weeknd《After Hours Til Dawn》演唱會門票嘅客人，仲可以享有 9 折優惠，實際安排以酒店條款為準。(預訂按此)
如果想由萬聖節前一晚已經開始玩，佐敦逸東酒店就一連兩晚都有 Party。10 月 30 日先由花樣年華舉行「Halloween Hops & Spells」魔法主題啤酒派對，早鳥門票 HK$250 起，包括 2 杯飲品同小食拼盤。如果想任飲啤酒，可以揀 HK$400 門票，包晚上 7 時至 10 時共 3 小時指定啤酒無限暢飲同小食拼盤。現場仲有 DJ，同埋魔法版啤酒乒乓球遊戲「Quidditch Pong」。
去到 10 月 31 日，逸東酒店 Terrible Baby 就會變身成超現實「Liminal Hotel」，舉行 Backrooms 主題萬聖節派對。活動由晚上 9 時玩到翌日凌晨 2 時，由 D-Heezy、SINO、YENI 同 VSLORIA 等 DJ 現場打碟。門票早鳥價 HK$400、正價 HK$440，現場購票就係 HK$500，已包括晚上 9 時至午夜 12 時共 3 小時指定飲品任飲，包括氣泡酒、紅白酒、mixers 同 Backrooms 主題雞尾酒。兩晚活動都喺佐敦彌敦道 380 號逸東酒店舉行。
▼預訂網址▼
香港 W 酒店 WOOBAR：
九龍海逸君綽酒店：
香港海洋公園萬豪酒店：
英皇駿景酒店 The Crown：
香港啟德帝盛酒店：
逸東酒店 10 月 30 日花樣年華派對：
https://www.eventbrite.hk/e/halloween-hops-spells-beer-party-tickets-1999742775473?aff=runhotel
逸東酒店 10 月 31 日 Terrible Baby 派對：
https://www.eventbrite.hk/e/liminal-hotel-a-backrooms-halloween-at-eaton-hk-tickets-1999645146462?aff=runhotel
想睇更多萬聖節活動，可以參考 Runhotel 整理嘅【2026 香港萬聖節活動】12 大 Halloween 好去處合集，除咗 HK$196 起廣東歌 Disco Night，仲有泳池啤酒節、The Weeknd 主題 DJ Party 同 Dark Gatsby 派對等選擇。
