【2026 香港萬聖節活動】12 大 Halloween 好去處!廣東歌 Disco Night HK$196 起、泳池啤酒節、The Weeknd 主題 DJ Party+Dark Gatsby
發布日期 :
最後更新 :

2026 萬聖節去邊好?今年香港由主題樂園、戶外嘉年華到酒店 Halloween Party 都有唔少選擇,想一家大細去玩,可以去香港迪士尼樂園參加反派萬聖派對,或者去灣仔海濱 Spooky Halloween 睇巨型《進擊的巨人》及哥斯拉;鍾意刺激就可以挑戰海洋公園哈囉喂驚嚇體驗。想同朋友飲返晚,今年仲有多場廣東歌 Disco Night,香港 W 酒店 WOOBAR 萬聖節廣東歌派對門票 HK$196 起,九龍海逸君綽酒店亦有廣東金曲 Disco Night,門票 HK$372 起。啟德帝盛酒店更趁 The Weeknd 演唱會舉行期間推出 HalloWeeknd DJ Party,門票 HK$380(已連服務費),包 2 杯飲品及免費萬聖節化妝服務。另外仲有香港海洋公園萬豪酒店泳池啤酒節、英皇駿景酒店 Dark Gatsby,以及逸東酒店一連兩晚 Halloween Party。以下整理 2026 香港 12 大萬聖節活動、日期、門票價錢及預訂方法:
香港海洋公園萬豪酒店|10.31 血浴啤酒節泳池派對 HK$300 起
想萬聖節夜玩得再癲啲,香港海洋公園萬豪酒店會喺 10 月 31 日舉行「血浴啤酒節」泳池狂歡派對,一次過將萬聖節、德國啤酒節同泳池 Party 撈埋一齊!
活動由下午 5 時玩到晚上 10 時,現場有萬聖節主題德式限定美食、特調飲品及派對遊戲,仲邀請傳統德國樂隊 Die Hong Kong Oktoberfest Blaskapelle 現場演出。早鳥一人門票包括泳池通行證站立區及 2 杯標準飲品,優惠價 HK$300 一位。
想坐低食嘢就有二人冰鎮海鮮套餐,兩位 HK$1,600,平均每位 HK$800,包池邊座位、雪場蟹腳、麵包蟹、海蝦、磯燒鮑魚、新西蘭青口、煙三文魚及 1 瓶香檳;四人斧頭扒套餐四位 HK$3,200,平均每位 HK$800,包 1.2 公斤斧頭扒、德國豬手、德國香腸等美食、1 瓶香檳及 8 杯標準飲品換領代幣。
活動日期:2026 年 10 月 31 日
時間:17:00 – 22:00
地點:香港海洋公園萬豪酒店
▼預訂網址▼


香港 W 酒店 WOOBAR|萬聖節廣東歌派對 HK$196 起
今年萬聖節想聽廣東歌跳 Disco?位於九龍站的香港 W 酒店 WOOBAR 將於 10 月 31 日舉行「Hallo-Scream Festa」廣東歌派對,由 DJ Bobo 駐場打碟,將廣東歌、國語流行金曲及復古節拍混合,帶大家重溫經典金曲,邊飲邊跳舞,氣氛相當熱鬧!
當晚 WOOBAR 會換上萬聖節主題佈置,配合霓虹燈效及神秘迎賓特調,營造充滿節日氣氛的 Disco Night。酒店亦鼓勵參加者盛裝出席,可以參考荷里活風格或嘉年華主題服飾,約埋朋友一齊扮鬼扮馬。
單人門票 HK$196 起;另外亦有最多 4 位用派對套票,優惠價 HK$1,488 起,以 4 位計平均每位 HK$372。如果想搵個地方聽廣東歌、跳舞兼感受萬聖節氣氛,呢場酒店 Disco Party 都值得考慮。
活動日期:2026 年 10 月 31 日
活動地點:香港 W 酒店 WOOBAR
地址:九龍柯士甸道西 1 號環球貿易廣場
▼預訂網址▼

九龍海逸君綽酒店|萬聖節廣東金曲 Disco Night HK$372 起 包宵夜自助餐+任飲
除咗香港 W 酒店,紅磡九龍海逸君綽酒店今年萬聖節亦有廣東歌派對!酒店將於 10 月 31 日晚上 9 時至凌晨 12 時舉行「萬聖節廣東金曲 Disco Night」,以香港樂壇黃金年代經典廣東歌為主題,大家可以約埋朋友盛裝赴會,一邊聽歌跳舞,一邊感受萬聖節狂歡氣氛。
今次派對其中一個賣點係門票已經包括宵夜自助餐(按此查看菜單),以及無限暢飲汽水、指定餐酒及啤酒,唔使另外安排宵夜。現場仲設有「最佳服飾大獎」,鼓勵大家悉心打扮參加。如果一班朋友一齊去,凡預訂 5 位或以上,更可享專屬預留座位,方便大家一齊食嘢、飲酒同聽歌。
價錢方面,單人 Disco Night 門票原價 HK$426,優惠價 HK$372。如果想先食晚餐再去 Party,亦可以選擇 Disco Night 連 The Promenade 自助晚餐,或者連炉端燒相樸手晚餐,兩款套票均只需 HK$833。對於想食埋晚餐再玩到凌晨的朋友,套票就更加方便。
活動日期:2026 年 10 月 31 日(星期六)
活動時間:21:00 – 00:00
活動地點:九龍海逸君綽酒店 1 樓
地址:九龍紅磡黃埔花園德豐街 20 號
▼預訂網址▼
https://www.klook.com/zh-HK/activity/193825-harbour-grand-kowloon-function-rooms/

香港啟德帝盛酒店|HalloWeeknd 萬聖節 DJ Party HK$380 包 2 杯飲品
今年萬聖節啟德都有 DJ Party!香港啟德帝盛酒店將於 10 月 31 日晚上 8 時至 11 時,在酒店 15 樓 Jin Bo Law 空中酒吧舉行「HalloWeeknd DJ Party」。當晚適逢巨星 The Weeknd 於鄰近啟德主場館舉行《After Hours Til Dawn》巡迴演唱會,酒店特別延續 The Weeknd 暗黑又充滿戲劇感的音樂風格,打造一場萬聖節空中酒吧派對。
派對邀請 DJ Fatty Cool 現場打碟,播放流行歌曲、R&B、Hip-Hop 及經典廣東歌,無論鍾意聽英文歌定廣東歌,都可以約埋朋友一齊去玩!現場仲會喺晚上 8 時 30 分至 10 時提供免費萬聖節化妝服務,由專業化妝師幫大家打造 Halloween 造型,影相打卡更加有氣氛。
門票每位 HK$380(已連服務費),包括入場及 2 杯自選飲品,可以揀萬聖節限定雞尾酒、紅白餐酒、氣泡酒、啤酒、烈酒調酒、果汁或汽水。另外,萬聖節盛裝出席人士、酒店住客,以及持有 The Weeknd《After Hours Til Dawn》演唱會門票的客人,更可享 9 折優惠,實際優惠以酒店條款為準。
除咗 DJ Party,酒店喺 10 月 17、24、25、30 及 31 日亦推出萬聖節限定優惠。凡以萬聖節造型到訪酒店餐廳,即可享 85 折餐飲優惠;而於上述指定日子預訂住宿、以節日裝扮於社交媒體打卡並辦理入住的住客,更可獲贈免費早餐。如果打算睇完演唱會或者參加完派對直接住一晚,都可以留意酒店住宿優惠。
活動日期:2026 年 10 月 31 日
活動時間:20:00 – 23:00
免費化妝時間:20:30 – 22:00
活動地點:香港啟德帝盛酒店 15 樓 Jin Bo Law 空中酒吧
▼預訂網址▼

英皇駿景酒店 The Crown|Dark Gatsby 暗夜魅影派對 HK$278 起
想著靚衫飲返杯,可以去英皇駿景酒店 25 樓空中酒吧 The Crown。10 月 31 日晚上會舉行限定「Dark Gatsby 暗夜魅影派對」,以 1920 年代爵士黃金時代為靈感,將 Gatsby 復古奢華風格加入暗黑神秘元素。
派對由晚上 9 時至 11 時舉行,入場優惠價 HK$278 起,已連服務費,每位賓客可獲萬聖節限定飲品「凝視夜色」或「金色浮華」一杯。當晚亦有駐唱歌手現場演出靈魂樂及爵士音樂。
另一賣點係現場設有神秘塔羅占卜體驗,只限首 20 位登記賓客參加,先到先得。如果想任飲,入場後另加 HK$158 可以升級 2 小時精選酒品無限暢飲。
活動日期:2026 年 10 月 31 日
時間:21:00 – 23:00
地址:灣仔皇后大道東 373 號英皇駿景酒店 25/F


逸東酒店 Halloween|連續兩晚派對 HK$250 起
佐敦逸東酒店今年 Halloween 一連兩晚都有 Party!10 月 30 日先有花樣年華「Halloween Hops & Spells」魔法主題啤酒派對,到 10 月 31 日 Terrible Baby 就化身「Liminal Hotel」,玩 Backrooms 主題萬聖節派對。
花樣年華早鳥門票 HK$250 起,包括 2 杯飲品及小食拼盤;HK$400 門票則包晚上 7 時至 10 時 3 小時指定啤酒任飲及小食拼盤。現場有 DJ,仲可以玩魔法版啤酒乒乓球「Quidditch Pong」。
10 月 31 日 Terrible Baby「Backrooms Halloween」由晚上 9 時玩到凌晨 2 時,早鳥 HK$400、正價 HK$440,現場購票 HK$500。場地會變身超現實「Liminal Hotel」,並由 D-Heezy、SINO、YENI 及 VSLORIA 等 DJ 現場打碟。晚上 9 時至午夜 12 時有 3 小時任飲,包括氣泡酒、紅白酒、mixers 及 Backrooms 主題雞尾酒。
活動日期:2026 年 10 月 30 日及 31 日
地址:佐敦彌敦道 380 號逸東酒店
▼花樣年華 10 月 30 日預訂▼
https://www.eventbrite.hk/e/halloween-hops-spells-beer-party-tickets-1999742775473?aff=runhotel
▼Terrible Baby 10 月 31 日預訂▼
https://www.eventbrite.hk/e/liminal-hotel-a-backrooms-halloween-at-eaton-hk-tickets-1999645146462?aff=runhotel


灣仔海濱 Spooky Halloween|進擊的巨人+哥斯拉+CLOT 百鬼夜行
萬聖節音樂嘉年華 Spooky Halloween 今年又有得去喇!活動場地超過 13 萬平方呎,由國際當代藝術家 Matt Gondek 擔任藝術總監,更有多個大型 IP 及潮流品牌聯乘。打卡位方面有高達 9 米嘅《進擊的巨人》「超大型巨人」,以及 4 米高哥斯拉現身灣仔海濱;CLOT 亦會打造沉浸式「百鬼夜行」潮流驚悚迷宮,將街頭美學加入東方恐怖元素。場內仲有萬聖節主題巨型充氣滑梯、南瓜造型彈床、主題遊戲攤位、限定飲品及街頭美食,大人細路都有嘢玩。成人入場門票每位 HK$187,17 歲以下青少年每位 HK$55;KKday 獨家二人同行套票 HK$308 兩位,平均每位 HK$154。另可加購 3 個遊戲代幣 HK$110。
地址:香港灣仔鴻興道 3 號
▼預訂網址▼

香港嘉里酒店啤酒節|3 小時無限暢飲 HK$350 起
唔一定要鬼屋先有萬聖節氣氛,如果想約成班朋友飲啤酒,香港嘉里酒店百味村由 9 月 28 日至 10 月 31 日逢星期五、六舉行啤酒節。活動有現場音樂表演、啤酒及多款趣味遊戲,購買無限暢飲套餐仲會送免費遊戲券一張,可以參加舉啤酒杯耐力賽、啤酒競飲大賽及推啤酒杯等遊戲。
3 小時無限暢飲啤酒套票每位 HK$350 起。
活動日期:2026 年 9 月 28 日至 10 月 31 日指定星期五、六
地址:九龍紅磡灣紅鸞道 38 號香港嘉里酒店 1 樓
▼預訂網址▼
https://www.kkday.com/zh-hk/product/152297


灣仔會展薈景|萬聖節海鮮自助晚餐 HK$720 起
想 Halloween 食餐好,可以去灣仔會展中心薈景。餐廳由 10 月 15 日至 31 日推出萬聖節海鮮自助晚餐,除咗即開生蠔、長腳蟹、加拿大波士頓龍蝦、紐西蘭青口及海蝦,仲加入一系列萬聖節主題美食。
當中包括「牛魔王」燒美國特級牛肉,以及「血池地獄」朱古力噴泉等,打卡效果十足。自助晚餐亦包括無限暢飲汽水、橙汁、咖啡及茶。
成人每位 HK$720 起,7 至 11 歲兒童 HK$435 起、65 歲或以上長者 HK$625 起。另外 1 位成人+1 位 6 歲或以下小童亦兩位只需 HK$720 起,即平均每位 HK$360 起。
萬聖節自助晚餐日期:2026 年 10 月 15 日至 31 日
地址:灣仔港灣道 1 號香港會議展覽中心
▼預訂網址▼
https://www.kkday.com/zh-hk/product/125425


九龍東如心酒店|萬聖節半自助晚餐 HK$390 起
想食得輕鬆啲,觀塘九龍東如心酒店 I-O-N 10 月全月推出萬聖節主題半自助晚餐,今次連菜式名都幾有 Halloween Feel,包括「十妖眼肉丸意粉」及「骷髏豬肋骨拼盤」。
即席烹調美食檔亦會輪流供應芝士番茄香草雲吞、熱帶水果配辣椒糖、水煮牛肉及玉桂糖西班牙油條;另外可以從烤戰斧牛扒、西班牙烤乳豬、芝士龍蝦寬條麵、燒蘋果木煙燻黑鱈魚配香檳牛油汁等招牌主菜中選擇。自助區就有沙律、芝士、冷肉、冰鎮海鮮、日式刺身、甜品及水果,Häagen-Dazs 雪糕亦可以任食。
萬聖節主題晚市半自助餐低至 75 折,每位 HK$390 起。如果想食午餐,星期一至五 85 折後 HK$234 起;星期六、日及公眾假期更加有買一送一,2 位 HK$478,平均每位 HK$239。
萬聖節主題菜式供應日期:2026 年 10 月 1 日至 31 日
地址:觀塘創業街 38 號九龍東如心酒店 2 樓 I-O-N
▼預訂網址▼
https://www.kkday.com/zh-hk/product/171835


香港迪士尼樂園萬聖節|迪士尼反派出巡+惡人舞動迪士尼
香港迪士尼樂園由 2026 年 9 月 17 日至 11 月 1 日舉行萬聖節活動,今年迪士尼反派再次出動!黑巫婆率領一眾迪士尼反派登場「惡人反轉大街派對」,今年陣容及遊行範圍進一步升級;另外仲有「惡人舞動迪士尼」歌舞匯演,烏蘇拉、霍博士、加斯頓等反派會輪流演唱代表歌曲。
下晝開始,庫伊拉、邪惡皇后、後母特曼妮夫人及兩位女兒亦會現身樂園不同角落,大家可以近距離見面影相。園內同時有「不給糖,就搗蛋!」活動及「阿 JACK 怪誕大餐」等限定美食,想由日玩到夜可以考慮 2 日門票。
KKday 限時優惠 2 日門票連 HK$40 商品優惠券,成人 HK$710 起、3 至 11 歲小童 HK$555 起;阿 JACK 怪誕大餐 2 位 HK$982 起,平均每位 HK$491。另外亦有迪士尼尊享卡,包括「惡人舞動迪士尼」、夜間匯演、8 項設施及 1 項表演通行,每位 HK$649。
活動日期:2026 年 9 月 17 日至 11 月 1 日
地址:香港迪士尼樂園
▼預訂網址▼


香港海洋公園哈囉喂|120+ 嘩鬼+三大驚嚇體驗 HK$238 起
鍾意玩恐怖體驗,今年海洋公園「哈囉喂全園祭」以「詭魅墓會」為主題,由 2026 年 10 月 9 日至 11 月 1 日指定 13 個夜晚開嚇,超過 120 隻嘩鬼進駐園內,並有四大驚嚇體驗、嘩鬼匯演及光影演出。
其中哈囉喂「驚」典組合門票可以一次挑戰「陰陽路之棺材仔」、「Voodoo Boo 惡靈遊樂場」及「詭域瘋人院」,每個體驗可入場一次,同日亦可以最多 5 次入場欣賞「Trip.com 呈獻:OPPA 魔界狂歡匯」。
非高峰日「驚」典組合門票 HK$238 一位,高峰日 HK$280 一位;「Under the Castle」Plus+「懼」星套票 HK$280/位。要留意以上門票均不包括海洋公園入園門票。如果未有入場門票,可以直接買「海洋公園門票+哈囉喂『驚』典組合門票」,KKday 優惠價 HK$708 一位。
活動日期:2026 年 10 月 9 日至 11 月 1 日指定日子
地址:香港海洋公園
▼預訂網址▼



