實測深圳美憬閣酒店 (MGallery) 房價$1,380 包五星住宿、雙人自助早餐、雙人自助晚餐 ，仲免費升房
深圳美憬閣酒店 (MGallery) 2025 年先開業，喺歐洲知名酒店集團 Accor 喺廣東省首間五星級酒店， kkday 最新推出 $1,380 豪華園景客房，包雙人自助早餐及海鮮自助晚餐，以及交通補貼 package ，小編決定實測一下服務及質素。到埗個下已經率先體驗到五星級服務：Bell Boy 主動幫手開車門及打招呼，前台 Check In 快手，仲會介紹酒店設施及附近景點，確認 kkday package 後，俾張的士單禮賓部就會過番最多50元人民幣交通補貼（視乎訂的 Package 是否包補貼 ），手續尚算方便。
▼預訂網址▼
酒店大堂設計時尚，樓底高，設有迷你酒吧提供下午茶及 Happy Hour。小編今次住豪華園景客房，對正大浪石凹水庫，景觀開揚唔錯；房間寬敞舒適，面積有400幾呎，有獨立衣帽間、浴缸、浴室及洗手間，仲提供咖啡機、靚聲音響 JBL、無線叉電及 USB 頭及瑜珈蓆；電視有國內、香港及國際頻道，硬件環境真喺 5 星級。
▼ 400 幾呎房空間感充裕，仲有無線叉電
▼ 設施方面，有瑜珈房，泳池及 24 小時健身房，健身房器材種類多，啱晒鍾意做 gym 嘅朋友，但泳池仲維修緊未開。
▼ 健身房 24 小時開放，設備充裕
▼ Package 晚餐喺小火鍋加自助晚餐，由 6 點至 9 點左右，每人一個窩，有牛骨、冬蔭公或者麻辣湯底選擇，食物區有日本壽司及刺身區、熟食及海鮮區、甜品及火窩區，火窩區 20 款配料選擇，仲有師傅即場用機切牛肉及羊肉，海鮮比較少，好快無晒，以中菜較多，並提供即點即煮啫啫煲，但小編入住當晚 Full house ，食物 refill 速度比較慢，必需要有耐性。飲品多數喺內地牌子樽裝或者罐裝飲品，有紅白同啤酒供應，甜品都有十幾款，仲有一個糖果 corner ，放咗唔同種類軟糖、白兔糖等，幾受小朋友歡迎。早餐自助餐食物種類就同其他酒店分別唔大，開8點半至10點，小編去剛好有團，要排隊等位入，約10分鐘，人流安排可以做得好D。
(晚餐喺自助加小火窩 開放時間由6點至9點左右 中式菜式較多)
▼ 即叫即煮啫啫煲，需時等候
▼ 小編整體入住體驗唔錯，比較啱充電、避世嘅朋友，因為酒店位置喺龍華區比較遠嘅地方，交通時間長，由落馬洲地鐵去大浪小鎮站，再行過去差不多要個半小時。如用酒店的士 50 元人仔補貼，喺地鐵深圳北站轉的士，成個交通時間都要 1 小時，遇上塞車的士費有機會多過 50 元人仔，要自己補番少少。
▼ 酒店附近喺水庫同時裝產業園，唔近地鐵站，去最近商場壹方天地或匯邦天地，陽台山森林公園等景點都要搭10幾分鐘的士。小編就去咗匯邦天地，個度地庫成層有個愈欣書店，結合咖啡店、舞蹈、繪畫及瑜珈為一體，適合文青，附近亦有連鎖按摩店及食肆供享用。(愈欣書店咖啡室內都有好多書俾客人一邊飲一邊睇書)
交通方式
- 由高鐵西九龍站出發：搭高鐵到深圳北站，轉地鐵 6 號線到陽台山東站，從 C1 出口步行約 3 分鐘，轉乘 M301 巴士到大浪小鎮公共平台南站，步行 7 分鐘，全程約 1 小時 47 分鐘。
- 由福田口岸出發：搭地鐵 4 號線到紅山站，轉地鐵 6 號線到陽台山東站，從 C1 出口步行約 3 分鐘，轉乘 M301 巴士到大浪小鎮公共平台南站，步行 7 分鐘，全程約 1 小時 24 分鐘。
- 由羅湖口岸出發：搭地鐵 1 號線到科學館站，轉地鐵 6 號線到陽台山東站，從 C1 出口步行約 3 分鐘，轉乘 M301 巴士到大浪小鎮公共平台南站，步行 7 分鐘，全程約 1 小時 40 分鐘。
- 由深圳灣口岸出發：搭地鐵 13 號線到科苑站，轉地鐵 2 號線到香蜜站，從 B 出口步行約 4 分鐘，轉乘 28 巴士到浪寧路口站，步行 7 分鐘，全程約 1 小時 56 分鐘。
總結：
試咗kkday 嘅深圳美憬閣酒店(MGallery)早晚自助餐 package，間房超大，浴室連衣帽間同睡房差唔多大，坐係床度望住個靚景嘆咖啡，夜晚飲酒食住小食浸浴真喺好治癒。自助晚餐有海鮮同火窩，選擇都OK，但地點有點隔涉，搭的士有得 Claim 50元人仔貼番少少，如果酒店有 Shuttle Bus 喺主要地鐵站接客人會方便 D。
▼預訂網址▼
深圳酒店推介：【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店| 【深圳康萊德酒店介紹】| 【深圳南山香格里拉】| 【深圳憬居酒店】【深圳四季酒店住宿優惠】| 【深圳親子酒店大集合】| 【深圳威尼斯英迪格酒店】
相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！
新手讀懂 - 廣州長隆攻略文章
- 【廣州長隆攻略】套票邊度訂？ 點去最快？ 有幾多個樂園？住邊間酒店好？
- 廣州長隆三間酒店點揀好？一篇分析位置、設施和性價比！
- 【廣州長隆酒店介紹】附交通、酒店設施、房型介紹、套票選擇
- 長隆熊貓酒店詳盡入住遊記
- 【廣州長隆歡樂世界攻略】附門票 / 地圖 /必玩設施 / 交通方法 / 酒店 / 玩後感
- 【廣州長隆動物園攻略】香港點去長隆最方便？ 有咩動物睇？套票邊度買最便宜？
- 【廣州長隆國際大馬戲介紹】值唔值得睇？一等坐未必最好既位置
- 【廣州長隆水上樂園優惠】成人門票只需 HK$75、五一都有特惠門票，兒童/長者/青少年票 HK$75 起！
- 分享香港去廣州長隆 5 個交通方法
