【深圳華僑城洲際酒店介紹】近市區地點的親子酒店，2,000 平方米沙灘、鄰近世界之窗、歡樂谷
喺深圳想搵間酒店渡假，但又想近市區有咩好選擇？深圳華僑城洲際酒店位於地鐵華僑城站，距離福田口岸只需 23 分車程，想去行街附近就可以去歡樂海岸、益田假日廣場 (深圳華僑城店)，真係地點超方便，而華僑城站距離好多商場和餐廳既「會展中心」站也只是 6 個站。
深圳華僑城洲際大酒店有咩咁特別呢？一間在市區內的酒店，竟然可以自帶椰林樹影，最重要是有一個 2,000 平方米的真沙白沙灘，原來這些真沙，是由三亞空運過嚟㗎，而私人沙灘只對住客開放，所以唔會有外人！深圳華僑城洲際酒店以西班牙主題為特色建造，離好遠就已經見到酒店嘅船，由酒店大堂到房間，到處都見到充滿鬥牛同西班牙嘅代表色紅。酒店擁有 10,000 平方米嘅加勒比海式花園，每間客房都有大落地玻璃窗、露台同大浴缸，而且房間好大，仲係愛馬仕配色，酒店距離世界之窗、歡樂谷附近景點都非常方便！酒店有 8 間餐廳同酒吧，就算全程留喺酒店都唔怕無嘢食！重點附近有個華僑城美食城，叫美團外賣都好方便好快！
▼預訂網址▼
https://www.ihg.com.cn/intercontinental/hotels/
住深圳華僑城洲際大酒店好處
- 如果要搵有渡假 Feel，又要近口岸或市區，就肯定係呢間
- 洲際品牌，酒店夠靚
- 絕對係親子酒店，勁多小朋友設施，有泳池仲有人造沙灘
- 如果想去行街，附近有歡樂海岸，入面仲有 Teamlab。
▼深圳華僑城洲際大酒店，酒店超大，有沙灘，有泳池，完全好似入左渡假村一樣，最特別就是酒店擁有一架超大既船。預訂網址：
https://www.ihg.com.cn/intercontinental/hotels/
▼ 酒店有 540 間客房，面積由 55 至 668 平方米，每間客房都有大落地玻璃窗、露台同大浴缸，今次小編住嘅客房景觀超好，唔講真係以為自己出咗國旅行！
▼ 圓形大浴缸，兩個人浸，或者一家大細一齊浸都夠位呀
▼窗外景觀
酒店泳池
酒店擁有 10,000 平方米嘅加勒比海式花園，擁有人造真沙沙灘同 2,000 平方米的戶外泳池，仲有喺岸邊嘅標志性帆船同錯落有致嘅棕櫚樹，可以同人講去咗加勒比海度假，哈哈。
▼10,000 平方米嘅加勒比海式花園，夜晚 7 點會有螢光晚會㗎，會有專人幫小朋友畫臉化妝
▼唔洗飛三亞，2,000 平方米真沙白沙灘，啲沙都係喺三亞空運過嚟㗎，私人沙灘只對住客開放！淺水池，而且有救生員睇住，放心比小朋友玩水啦！係深圳市中心地帶竟然可以有個沙灘 chill 下
▼酒店最有標誌性個瑪利亞號
▼水樂園，就算小朋友唔識游水，都可以玩，因為非常之淺水。多款好玩又刺激嘅水樂園遊樂項目：巨型水上滑梯、水花巨浪突襲嘅王牌翻水桶等
▼家長仲可以坐喺側邊涼亭傾住計睇住小朋友玩水
其它親子設施
▼奇趣烏托邦，小朋友可以一路食一路玩，playhouse 裡面仲有職員睇住小朋友，確保安全！分咗室內同室外兩區。不過這個 Playhouse 住客都要付費入場。
▼如果唔係買奇趣烏托邦酒店套票，可以直接現場買套票，可以一路食一路玩！
▼兒童俱樂部主題活動
▼奇趣烏托邦親子餐廳，小朋友可以一路玩一路食！份量好多，如果細食嘅朋友，兩個人食一碗麵都夠飽
▼室外區：旋轉木馬
▼仲有另一個新起嘅兒童playhouse，跟住仲會裝埋projector，小朋友可以喺裡面VR玩遊戲
▼酒店有一架小火車，出示房卡小朋友就可以免費坐，小朋友一邊坐，仲可以沿途欣賞優美的花園環境。
餐廳介紹
▼自助晚餐喺廣場咖啡廳食，有兩個空中閣樓，食物款式都非常多，最重要酒水係任飲！
▼自助早餐都係喺廣場咖啡廳食，返大陸住酒店，必食酒店個自助早餐，小編覺得種類同晚餐一樣咁多咁豐富
▼估唔到竟然有櫃桶腸粉食！
▼酒店華膳中餐廳主打精品粵菜，潮汕菜、點心等，小編覺得非常非常好食，勁高質！環境、食物都一流！
▼南瓜煎堆，好好食，小編可以食 10 個！
▼健身室
附近景點
▼仲可以去埋歡樂海岸
如果住 3 日 2 夜，仲可以搵一日去埋歡樂谷玩
交通
坐地鐵，去到華僑城站 C 出口，一出地鐵站就會見到酒店啦！由福田口岸去，8 個站可以到達華僑城站。
亦可以選擇由羅湖站去，坐一號線去華僑城站，不過就遠 D ，需要坐 12 個站，但好處是一號線直達華僑城站，就唔洗轉車咁麻煩。
▼預訂網址▼
https://www.ihg.com.cn/intercontinental/hotels/
深圳華僑城洲際大酒店
地址：華僑城深南大道9009號，南山區，深圳
其它深圳親子酒店推介還有：
