【深圳 Cafe / 打卡咖啡店推介】8 間人氣 Cafe（持續更新）
深圳而家好多咖啡廳都變咗網紅打卡點，佢哋既獨特裝潢、大型空間，啱曬去歎下午茶同埋影靚相。今次 Runhotel 就同大家介紹下環境靚、飲食品質又唔錯既深圳 Cafe 咖啡店，了解詳情：
有關深圳、大陸既旅遊討論，分享，大家可以加入「深圳大陸吃喝玩樂」 Facebook 群組：
https://www.facebook.com/groups/1413562572722892
其它深圳兒童景點介紹：【深圳室內兒童遊樂場指南】| 深圳親子景點、好去處 | 【深圳親子酒店大集合】全深圳最強 9 大親子酒店推介
深圳酒店推介：【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店| 【深圳康萊德酒店介紹】| 【深圳南山香格里拉】| 【深圳憬居酒店】【深圳四季酒店住宿優惠】| 【深圳親子酒店大集合】| 【深圳威尼斯英迪格酒店】
Cafe All 皆咖
咖啡廳既環境堪比五星級酒店，天氣好或者日落晚霞景觀都超靚，呢個價錢就可以享受星級酒店下午茶真係超值。佢地既下午茶套餐非常豐富，包一個顏值極高既花束摩天輪、甜點、飲品、小食等。
▼Cafe All 皆咖高空花藝下午茶係一間位於 48 樓高層既咖啡店，可以 270 度俯瞰深圳美景之餘仲可以歎到美食，回頭率超高！營業時間為早上 10 時至晚上 7 時，平日人唔多，好多位很都係靠落地窗㗎，就算不靠窗坐影相都好靚。
圖片來源自小紅書用戶 639695491 / 538765958 / zhaierbb0322
▼法式小甜點包括小盆栽蛋糕、小橘子慕斯、抹茶慕斯、奶酪芝士慕斯等，另外仲有一塊三角桂花慕斯。飲品方面包括氣泡果汁及咖啡，果汁酸甜清爽、咖啡拉花精緻香味濃郁。冰淇淋同花茶仲可以續加架！
圖片來源自小紅書用戶 639695491 / zhaierbb0322
Cafe All 皆咖 高空花藝下午茶
地址：深圳市福田區深南中路 3031 號漢國中心 48/F
（1 號線華強路站 B 出口）
BAFA CAFE
BAFA CAFE 係一間主打咖啡同蛋糕等下午茶食品既咖啡店，位於梧桐島園區（固戍地鐵附近）。一入園區就可以感受到舒適、清靜、悠閒既氛圍，湖入面既荷花盛開、湖內有鴨仔游水、周圍甚至有孔雀，風景如畫；等太陽落山，景色更加靚。
一般下午三至四點左右人比較多，6 點關門。呢度食物同飲品出品都唔錯，再加上呢個環境同價錢，性價比好高！
▼咖啡廳分為室內及室外兩部分；室外好啱打卡吹風，但夏天會有啲熱、室內環境裝修亦都好雅致。
圖片來源自小紅書用戶 104508768 / kathrynisw1231
▼BAFA CAFE
圖片來源自小紅書用戶 kathrynisw1231
BAFA CAFE
地址：深圳市寶安區泰華梧桐島野島上
Bang Bang 胖卡龍
深圳好少呢類型既咖啡廳，特別適合下午茶。店內裝修採用暖橙色，令人感覺特別溫馨，亦都啱曬打卡。此外，仲有提供冰美式、冰拿鐵等飲品，而馬卡龍同茶品更係好夾。咖啡廳營業時間為上午 11 時半至下午 7 時半。
▼佢哋既馬卡龍出名大大份，比平時見到既大一個 size、用料滿滿，口味偏微甜，非常適合甜食愛好者。
圖片來源自小紅書用戶 153940728
▼Bang Bang 胖卡龍係一間馬卡龍專門店及咖啡廳，風格相當可愛、充滿住各種可愛既公仔。
圖片來源自小紅書用戶 meimei0606
Bang Bang 胖卡龍
地址：深圳市南山區荔芳社區南山大道 2009 號億利達村 3 棟
（地鐵 11 號線南山站 H 口）
山海咖啡海景餐 Bar
山海咖啡海景餐 Bar 係一個好浪漫同充滿異國風情既咖啡廳，被一線海景包圍之餘，可以一路睇海飲咖啡，享受旅遊勝地般既氛圍！此外，咖啡廳距離沙灘不到 30 米，可以好輕鬆前往沙灘玩。
▼值得一提既係仲設有一個巧妙設計既超大泳池；特別可以進入泳池底，個度影完相後加以修圖成品都幾靚。
圖片來源自小紅書用戶 weizihao / Helloccbibi
▼環境好似一個法式花園泳池風格 既 Cafe，仲會提供飄浮 Brunch，都幾適合親子度假歎下午茶。
圖片來源自小紅書用戶 lanilelam / 13719990184
山海咖啡海景餐 Bar
地址：深圳市較場尾二西八巷 6 號
川 • Cafe
川 • Cafe 係一間充滿韓系風格既咖啡廳，不論係度假天台、室內定係室外場景可啱曬取景打卡；整體裝潢非常乾淨整潔，出鏡效果好好。小編提提大家周末同假期黎既人真係會比較多，如果主要想影到靚相，最好係平日 5PM 左右，有埋日落更加靚！最後，川 • Cafe 營業時間為早上 10 點至晚上 8 點。
▼咖啡廳外觀
圖片來源自小紅書用戶 601951289
▼室內場景
圖片來源自小紅書用戶 633742012 / 492861288
川 • Cafe
地址：吉華街道布龍路龍景科技園 G 棟天台
Blue Concept Cafe & Farm
咖啡廳環境真係好有韓國風味，場地仲會定期更新場景，令人每次幫襯都有新鮮感。營業時間為上午 10 時至下午 9 時，價格已包含一杯飲品，亦可以選擇包括小食、蛋糕等既套餐。店內更有可租借既衣服，包括公主裙、韓式學生服等，租金每小時由 HK$60 起。
▼Blue Concept Cafe & Farm 係一間充滿浪漫氛圍既咖啡廳，店內環境被鮮花包圍，令人感覺置身於公主後花園中。此外，店內仲有兩隻非常可愛既羊驼，你可以係現場買餵羊驼既紅蘿蔔。
圖片來源自小紅書用戶 639695491 / Sleepmao
Blue Concept Cafe & Farm
地址：吉華街道布龍路 335 號（龍景科技園 D 棟天台）
Rtop CAFE
Rtop Cafe 真係超適合打卡，買完美點、香醇濃郁既飲品就可以係咖啡廳內享受下午茶，同時仲可以於足足三層樓空間內拍照。另外，店內亦有提供拍攝服務，費用每小時 HK$170，過程中仲會教擺 Pose 架！如果日光下打卡，拍攝效果會更加分。Rtop Cafe 開放時間係由早上 10 點至晚上 8 點，咖啡廳人都係比較少既。
▼咖啡廳既場景設計有一種歐洲度假小鎮或者空中城堡既風格，特別適合著黑白色調簡約穿搭去。
圖片來源自小紅書用戶 chin_qian / yakoyako
▼Rtop Cafe
圖片來源自小紅書用戶 chin_qian
Rtop Cafe
地址：廣東省深圳市南山區向南路 44 號貴航大廈 10 樓
Puzzle Cafe
咖啡廳營業時間係由早上 10 時至晚上 11 時，如果你想係呢度影相，建議四點後拍攝等埋日落景色。另外，佢地既飲品出品都唔錯，芝士紅茶、一顆檸檬、滿杯橙子、滿杯檸檬、蜜桃烏龍、水果茶等都值得推薦。Cafe 以購買門票包一杯免費飲品形式運營。
▼Puzzle Cafe 係一間色彩鮮明既咖啡店，感覺似一個小型既度假勝地，環境好似去咗旅行咁。佢佔地面積超過兩千平方米，現場擁有摩洛哥沙漠小鎮、紅城及藍色天堂捨夫沙萬等主題；環境好適合度假風或色彩鮮艷穿搭。
圖片來源自小紅書用戶 639695491
▼Puzzle Cafe
圖片來源自小紅書用戶 943268242
Puzzle Cafe
地址：深圳市龍崗區坂田街道龍景科技園 F 棟 901
（楊美 B 出口步行 15 分鐘）
相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！
