深圳康萊德酒店位於深圳南山區嘅前海深港合作區核心商業地帶——前海鴻榮源中心。坐地鐵 5 號線到「桂灣站」行 5 分鐘就到酒店，附近大型商場有前海卓悅 INTOWN、萬象前海等，坐地鐵沿 5 號線到前海印里、寶安壹方城都係 10 分鐘車程內！

▼預訂網址▼
Trip.com：https://hk.trip.com/hotels/shenzhen-hotel-detail-107779573/conrad-shenzhen/
Klook：https://www.klook.com/zh-HK/hotels/detail/1257637-conrad-shenzhen/

酒店介紹

深圳康萊德酒店 2023 年新開業，設計係由世界知名嘅設計公司 Yabu Pushelberg 負責，佢哋以「一個夢想家嘅故事」做靈感主題，你一行入酒店，就好似走進咗一個現代藝術嘅世界。大堂入面嘅懸浮樹同細水長流交織成景，為每位來訪嘅客人帶來一段都市中嘅隱世之旅。

▼深圳康萊德酒店酒店外觀

藝術品介紹

一去到間酒店就好似去咗博物館咁，大家慢慢睇都可以睇成個晏晝，酒店設計取靈感於深圳作為漁村嘅起源。設計師用藝術作品將漁村回憶呈現出來，讓客人感受到追夢人嘅靈感時光。

▼白夜位於酒店入口處，酒店想將「女人」換做「旅人」，希望每位旅行嘅朋友，喺酒店呢個「家」都感受到有人掛住佢哋嘅幸福。

▼熱情紅楓位於酒店一樓大堂，懸浮樹嘅大葉紅楓耐寒又堅韌，象徵熱情、堅毅、希望同埋思念。希望遠方嘅夢想家喺度留低難忘嘅記憶。

▼城韻位於酒店五樓前台，作品左邊由上至下分別展示咗海派、京派、蘇派、徽派，而右邊就係晉派、川派、京派四合院、閩派。通過解構同再創作呢啲特色，用現代線性藝術手法突顯深圳將各種城市文化融合嘅包容精神，係一個共同造夢、追夢、實現夢想嘅城市。

酒店設施介紹

酒店 7 樓有個 23 米嘅全景室內恆溫泳池，仲配備獨立嘅按摩池，另外 24 小時開放嘅健身中心，有各種有氧運動器械同健身設備。泳池同 Gym room 最正嘅地方係有落地大玻璃窗，訪客可以一邊做運動，一邊欣賞前海灣嘅景色。

▼23 米全景室內恆溫游泳池配獨立按摩池

▼ 24 小時開放的健身中心，擁有先進的有氧運動設備和健身器

客房介紹

酒店擁有 300 間客房，分成 8 種房型，有豪華客房、行政灣景客房、康萊德套房等等，最勁嘅總統套房大到 310 平方米，就算最細嘅客房都有 56 平方米。仲好好利用咗落地窗，唔止觀景視野一流，仲令到空間感覺更加好。

▼豪華客房，房間超大，56 平方米

▼咖啡機

▼每間客房都設有浴缸、雙洗手盆，使用智能馬桶。

▼豪華客房也是用 Dyson 風筒

▼ Mini Bar 入住首輪是免費的

▼行政灣景客房，超好view，望住成個前海灣景色

▼康萊德套房，大到開 party 都無問題

▼ 床頭放着限量版的 Conrad 熊

餐廳介紹

酒店一共有 4 間餐廳同酒吧，大堂嘅酒廊「壹尚」有特色下午茶、小吃、咖啡同雞尾酒等；「齊安」設喺酒店 5 樓，用西式煮法整各種肉類、海鮮同蔬菜；鍾意食中菜嘅顧客可以去「胤呈」食飯，仲有貴賓包廂，可以享受私密嘅用餐環境；最後嗰間食堂就係 5 樓嘅酒吧「徊」，提供露天燒烤同夜間酒吧，環境精緻又雅致，無論係同朋友閒聊定係做生意傾計都好啱。

▼大堂嘅酒廊「壹尚」有特色下午茶、小吃、咖啡同雞尾酒等

▼西餐廳「齊安」，廚師喺開放式廚房即場炮製烹飪美食，客人可以喺度享受法國美食同時令節嘅特色菜。

▼鍾意食中菜嘅顧客可以去「胤呈」食飯，仲有貴賓包廂，可以享受私密嘅用餐環境

附近景點

• 壹方滙（步行約 1 分鐘）
• 前海卓悦 INTOWN （步行約 3 分鐘）
• 萬象前海（步行約 3 分鐘）
• 深圳灣口岸（車程約 18 分鐘）
• 歡樂港灣摩天輪（車程約 10 分鐘）

房價

房價大約 2 千 2 百一晚，想去南山入住近商場（萬象前海、前海卓悦 INTOWN ）的高級酒店，不妨考慮一下。

▼預訂網址▼
Trip.com:https://hk.trip.com/hotels/shenzhen-hotel-detail-107779573/conrad-shenzhen/
Klook:https://www.klook.com/zh-HK/hotels/detail/1257637-conrad-shenzhen/

深圳康萊德酒店
地址：深圳康萊德酒店位於深圳市南山區聽海大道5001號

深圳酒店推介：【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店| 【深圳康萊德酒店介紹】| 【深圳南山香格里拉】| 【深圳憬居酒店】【深圳四季酒店住宿優惠】| 【深圳親子酒店大集合】| 【深圳威尼斯英迪格酒店】

相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！