【深圳威尼斯英迪格酒店】讓你置身於威尼斯異國風情的渡假酒店!近地鐵站位置超方便,旁邊就是益田假日廣場、歡樂谷、世界之窗
位於深圳世界之窗及歡樂谷隔離就有一間新開業嘅酒店(正確說法應該是改名,再大番新後重開),而且係洲際集團旗下品牌於深圳首間精品酒店,講緊就係「深圳威尼斯英迪格酒店」!小編上星期入住咗一晚單卧套房,酒店全新名稱用了「威尼斯」三個字,好明顯就是想把酒店打造成歐洲「威尼斯」水都的感覺,很難得在深圳可以看見這樣的設計,這間酒店就是無論是情侶或是親子也是十分之適合。
番新後客房非常新淨,所有用品都是全新的,客房內提供免費 WiFi、盥洗用品同風筒,設有停車場。酒店擁有全年開放嘅室內泳池、依季節開放嘅室外泳池和健身中心。酒店距離皇崗口岸 15 分鐘車程,距離羅湖區 20 分鐘車程,酒店旁邊就是益田假日廣場,商場內勁多食店,小編當日搭地鐵去到世界之窗站 A 出口,行三分鐘就可以去到酒店!超方便。
如果想訂房,可以上 klook 網站,有包自助晚餐、或歡樂谷門票的套票訂,價錢平過美團添。
▼深圳威尼斯英迪格酒店預訂網址▼
Trip.com
https://hk.trip.com/hotels/shenzhen-hotel-detail-345037/venice-raytour-hotel/
Klook 酒店 Package 預訂網址 (包自助餐或歡樂谷門票)
https://www.klook.com/zh-HK/activity/91387-indigo-venice-shenzhen/
其它深圳兒童景點介紹:【深圳室內兒童遊樂場指南】| 深圳親子景點、好去處 | 【深圳親子酒店大集合】全深圳最強 9 大親子酒店推介
深圳酒店推介:【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店| 【深圳康萊德酒店介紹】| 【深圳南山香格里拉】| 【深圳憬居酒店】【深圳四季酒店住宿優惠】| 【深圳親子酒店大集合】| 【深圳威尼斯英迪格酒店】
文章目錄
深圳威尼斯英迪格酒店交通方法
由羅湖口岸出發
- 坐地鐵 1 號綫羅宝綫(機場東方向),坐 14 個站,到達世界之窗站 A 出口,再步行 500 米即到達,全程大約 36 分鐘。
由福田口岸出發
- 搭地鐵 4 號線(牛湖方向),搭 2 個站到會展中心站,轉 1 號線 (機場東方向),坐 7 個站到世界之窗站, A 出口再步行 500 米即到達,全程大約 34 分鐘。
▼ 出地鐵站後,離開益田假日廣場,已經見到深圳威尼斯英迪格酒店就在前方 。
有關深圳、大陸既旅遊討論,分享,大家可以加入「香港人深圳、大陸討論區」 :https://www.runhotel.hk/ask/
相關連結:【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介!
酒店介紹
酒店以「戲夢僑城」為設計理念,一入酒店大堂就見到充滿歐洲風情嘅裝修風格,圓拱型裝飾、天幕加上員工一身歐陸式打扮,絕對令你有置身於水城威尼斯嘅感覺!
▼酒店門口,入口左右旁邊有個小型水池,有兩個假船夫。
▼走進深圳威尼斯英迪格酒店大堂,整間酒店氛圍十分歐式、華麗,許多細節都有種歐式格調。
▼牆身做了圓拱造型的假窗框
▼為配合主題「威尼斯」,酒店環境用藍白色為主色調,其次就是綠色,這個襯色很舒服,當日留意到,服務人員穿的是水手裝,襯番主題。
▼ 成間酒店都超多打卡位!包括非常有特式的白色旋轉樓梯,好影到爆。
▼牆上掛上的,是一個 24 小時制的航海時鐘
▼我們 Checkin 當日人流不多,職員很也快就幫我們完成辦理入住手續,而房卡都設計得好靚!
▼連客房外走廊的牆紙,亦包含著航海的元素,
房間介紹
深圳威尼斯英迪格酒店番新後,全部房間都用藍和綠為主要襯色,加上大房間大量透明玻璃的設計,讓室內採光極佳,入到房就覺得好舒服!
▼今次小編入住嘅係單卧套客衞套房 (1 King 1 Bdrm Ste Lv Area Powder Room),開門後不禁嘩一聲,歐式風格,簡單得黎又覺得好華麗,進門後先到達客廳,再入就是睡房,整體的空間很大。
▼ 房間內相當寬敞,有一個半圓弧狀設計的沙發,非常搶眼。
▼ 套房的 mini Bar,當然也有提供膠囊咖啡機等設備。不過內裏的飲品是需要額外付費的,所以要看清楚先好取用。
▼這個套房有一個客廁,另一個廁所則在主人套房之內。
▼急不及待進房間看看,旁邊就是浴室了!浴室採半開放空間設計,你可在一邊浸浴一邊看電視,真寫意。
▼浴缸的視野正看到對面的世界之窗。
▼浴室就是這間,唯一缺點就是洗手盤不是雙洗手盤嘅設計。
▼盥洗用品都係用上海灘品牌
▼套房廁所係用 Dyson風筒
▼廁所係免治馬桶
酒店設施
▼ 酒店擁有兩個泳池,一個在室內另一個在室外。
▼室外泳池水深 1.2米,還有兩個小游泳池,一個 0.4 米的適合 BB ,另一個玩水池 1.3 米。泳池最特別是擺放了一艘貢多拉船,完全將威尼斯渡格風格,搬到來黎深圳。欣常酒店室外泳池有一個大帳篷做遮擋,中午時份游水也不怕陽光太晒。
▼ 健身室
餐廳
深圳威尼斯英迪格酒店內共有 5 間餐廳及酒吧,我們享用過下午茶、自助早餐和自助晚餐。自助晚餐非常出色,海鮮種類非常之多,亦有生蠔提供。
▼意華軒中餐廳
▼NINFA GALLERY 鄰芙花廊,如果預訂時選擇了下午茶,下午茶就會在這間廳廳享用。
▼全日制餐廳「鄰間餐廳」,早餐同晚餐就係喺度食!
▼自助早餐,食物款式非常多,好多都可以即叫即整!
自助晚餐體驗
▼餐廳內有超過 30 個唔同嘅檔位,海鮮有任食雪蟹腿、瀨尿蝦、九節蝦、紅花蟹、青口貝等。
▼燒臘、點心、壽司、刺身、甜品、飲料酒水全部任吃任飲
▼平時喺香港食魚生食得多, 好少見到可以即場煮嘅魚片
▼蒜蓉生蠔
▼現烤扒檔,澳洲肉眼牛排、牛仔骨等
▼深圳最大嘅 pizza 爐之一, 7 寸荔枝木煙薰披薩口味可自選,最多人揀係吞拿魚pizza。
▼喺香港好少見到啲cake會放甜品櫃,甜品控一定唔好錯過呀!
▼紅酒白酒都係任飲
酒店周邊
▼酒店旁邊就係益田假日廣場,裡面有條食街,基本上全部最 heat 嘅嘢食嘢飲係呢個商場都有!(包括有桂滿隴、四季椰子雞、湊湊火鍋、西貝莜面村、 Gaga 等都有)。
▼酒店對面就係歡樂谷和世界之窗,由酒店行去只需 2 分鐘。
總結
整個入住體驗就很滿意,床很舒服,員工的服務態度亦十分之好,可惜當天行程太忙,未有時間可以使用泳池,唯有下次再來。除了推介這間套房之外,也推介大家訂有陽台 (露台)的房型,酒店有 60% 的房間也有陽台的,可以在陽台望到世界之窗的夜景,都係一個幾好既體驗,預訂酒店可以去 Trip.com 或 Klook 有包自助晚餐或摩天輪門票的套票預訂。
▼預訂網址▼
Trip.com
https://hk.trip.com/hotels/shenzhen-hotel-detail-345037/venice-raytour-hotel/
Klook 酒店 Package 預訂網址 (包自助餐或歡樂谷門票)
https://www.klook.com/zh-HK/activity/91387-indigo-venice-shenzhen/
深圳威尼斯英迪格酒店
地址:深圳市南山區華僑城深南大道9026號