【廣州長隆酒店介紹】附交通、酒店設施、房型介紹、套票選擇
小編去咗廣州長隆三日兩日，住喺廣州長隆酒店，酒店本身都非常大，起碼要半日先參觀得曬！廣州長隆酒店每日早上 10:30 會有跳舞表演，仲會邀請小朋友一齊跳舞，11:00 會有非洲鼓表演，可以同非洲嘅朋友一齊跳舞打鼓，大概 20 分鐘。不過提提，入住大家要記得帶蚊怕水呀！
▼ 廣州長隆酒店預定網址▼
https://www.klook.com/zh-HK/activity/51640-chimelong-hotel-guang-zhou/?aid=16&aff_ext=gzchimelong-hotel
文章目錄
酒店介紹
廣州長隆酒店，係一間集休閒同娛樂於一體嘅五星級酒店，位於長隆旅遊度假區內。酒店提供超過 1,500 間主題客房，酒店最近水上樂園，直接係近到有通道可以通去水上樂園的東門。酒店亦步行距離可到長隆國際馬戲城和歡樂世界，長隆園區 3 間酒店，地點最方便就是這間了。但如果去包括長隆野生動物世界，就需要坐酒店免費穿梭巴士。
廣州長隆最出名是動物園，所以貴為主題酒店，酒店的裝修風格也是用上各種動物， 大的亮點之一在於酒店的中庭花園，花園裡除了綠植花卉，還可以睇到白虎和火烈鳥，未入動物園已經見到老虎喇，真係令人好興奮。
▼酒店外觀
▼長隆酒店大堂門口
▼一號大堂，check in 會喺呢個大堂
▼二號大堂，去歡樂世界會經過呢個大堂
▼一號大堂下一層有樂園嘅票務中心，因為酒店 3 點才能入住，一般透過 klook 買咗樂園套票嘅朋友，因為門票是包全日的，所以可以係呢度換樂園飛先，玩完夜晚先去酒店辦理入住。
客房介紹
▼小編今次係住 5 號樓嘅狩獵雙床房，房間超大，一家人（兩大兩細）入住都唔會覺得擁擠。雙床房本身張床好大，應該酒店本身都係預家長會同小朋友一齊住。
▼仲有細枕頭，可以比小朋友用
▼乾濕分離廁所
▼因為是親子酒店，盥洗用具也會有卡通圖案。
▼有香港插頭，唔洗帶轉插都無問題
▼除了狩獵房，酒店亦有提供上下格床的親子房。
▼親子房嘅廁所係有浴缸㗎！（部份房型）
酒店餐廳
如果套票唔包晚餐，大家去之前都可能擔心晚上那裏有餐廳食飯。廣州長隆酒店有 7 間餐廳，白虎自助餐廳就是自助餐廳，還有麒麟中餐廳同番禺香江風味小鎮，位於二號酒店首層，開到夜晚 9、10 點！所以唔洗怕會餓親。
▼早餐喺白虎自助餐廳食，餐廳有三個用餐區，共有 1,000 個用餐座位，餐廳位於 2 號大堂！
▼餐廳的窗外就係動物島，可以望住老虎、火烈鳥食早餐。不過當日食早餐既時候，隻老虎就訓咗覺，
▼早餐喺白虎自助餐廳食，食物種類超豐富。
▼麒麟中餐廳和番禺香江風味小鎮
▼想食日式仲有懷石料理，餐廳位於二號大堂四樓，開到 22:30，肚餓落嚟食個宵夜都得。
酒店設施
通常大部份人香港人去長隆，都會預全部時間喺樂園，未必會有時間留在酒店，如果你時間充足，可以去酒店室外或室內泳池游水。
▼室外泳池
▼恆慍泳池位於 3 號樓
▼ Gym room 位於 5 號樓地下，酒店住客可以免費使用
▼童趣樂園 (Playhouse )位於 1 號大堂地下一層，開放時間時間：11:00-20:00，非酒店住客價 $58 元一次
▼酒店裡面仲有鋪頭可以行街，帶唔夠衫都唔洗驚
▼連書店都有
▼仲有得夾公仔
酒店住客享受專用通道入園
入住酒店住客，會有專用通道入園。
- 水上樂園通道長隆酒店 VIP 專用通道位於酒店客房 5、6 號樓連廊，沿途標註「水上樂園」標識的指引通道。
- 歡樂世界長隆酒店 VIP 專用通道：歡樂世界北門入口 2 號通道。
- 長隆野生動物世界長隆酒店 VIP 專用通道：動物世界南門VIP通道。
▼水上樂園通道位於酒店客房 5、6 號樓連廊
住宿優惠和套票
如果想訂得精明啲，緊係套票咁買︳即酒店連樂園門票一齊訂，變相可以比散買平少少。Klook 網詀都有長隆套票預訂，現時還有港澳台及海外遊客專享優惠。
- 二人入住狩獵房 2 晚 HK$2,979 起（已連服務費），三人入住只需 HK$3,777 起（已連服務費），包 3 日無限暢玩 3 園（動物世界、歡樂世界、飛鳥樂園）、大馬戲、自助晚餐，4 月 20 起再送水上樂園門票！
- 二人入住野趣房 2 晚 HK$5,158 起（已連服務費），三人入住只需 HK$6,233 起（已連服務費），包 3 日無限暢玩 3 園（動物世界、歡樂世界、飛鳥樂園）、大馬戲及自助晚餐。
- 二人入住狩獵房 1 晚 HK$1,302 起（已連服務費），三人入住只需 HK$1,554 起（已連服務費），包 2 天無限暢玩 3 園（動物世界、歡樂世界、飛鳥樂園），4 月 20 起再送水上樂園門票！
交通
小編今次係去西九龍坐高鐵去到廣州南站，大概一個鐘頭，之後轉滴滴大概 15 分鐘，由西九龍出發去到廣州長隆酒店，連埋過關時間，全程一個半鐘就到啦！ 香港去廣州長隆 5 個交通方法可參閱以下網址。
香港去廣州長隆 5 個交通方法：https://www.runhotel.hk/bayarea/hk-to-chimelong-transport/
常見問題
問：點樣可以快啲搵到自己嘅房間？
答：房號係由四位數字組成，第一位數字代表邊座樓栋，第二位數字代表幾樓，第三同第四位數字就係房號。例如：7602，即係 7 號樓嘅 6 樓 02 號房。
問：由酒店點樣去長隆野生動物世界、長隆國際馬戲城、歡樂世界同飛鳥樂園？
答：歡樂世界北門同馬戲團可以喺酒店二號大堂出去，過天橋就到啦。動物園南門就可以搭穿梭巴士，由朝早 9 點嘅首班車到晚上 22 點嘅尾班車，每 15 分鐘一班。
問：可以提前check in嗎？
答：入住當日，朝早 7 點已經可以辦理入住，到咗下晝 3 點就可以正式入到房間。可以check in完寄存行李喺酒店，之後先去咗樂園玩，歡樂世界 10 點開門，動物世界同飛鳥樂園 9 點半開門。
問：入住和退房時間？
答：每日 15:00 之後入住，次日 12:00 之前退房
問：酒店有穿梭車去長隆野生動物世界嗎？
答：有，長隆酒店>長隆野生動物世界南門>地鐵站，08:50 至 22:00，約 15 分鐘一班
廣州長隆酒店
地址：漢溪大道東299號長隆旅遊度假區內, 番禺區, 廣州
▼ 廣州長隆酒店預定網址▼
https://www.klook.com/zh-HK/activity/51640-chimelong-hotel-guang-zhou/?aid=16&aff_ext=gzchimelong-hotel
