【廣州長隆攻略】套票邊度訂? 點去最快? 有幾多個樂園?住邊間酒店好?

【廣州長隆攻略】套票邊度訂? 點去最快? 有幾多個樂園?住邊間酒店好?

廣州長隆係一個集合咗五個主題園區嘅大型度假區,包括長隆野生動物園、長隆歡樂世界、長隆飛鳥樂園、長隆大馬戲長隆水上樂園,非常適合親子遊,絕對係度假好去處。本篇文章,就是寫給從未去過廣州長隆,或已經有 10 年以上無去過長隆既讀者,長隆每年都有新變化,亦加入了很多新設施。小編最近就去了 長隆玩三日兩夜,長隆玩三日兩夜,雖然短暫,但每一刻都讓人難以忘懷,第一日去咗長隆動物世界,好似去咗非洲咁,可以見到好多大野獸包括獅子同老虎,真係好震撼!我哋好近距離咁望住佢哋,聽到獅子嘅吼叫聲,睇到老虎嘅眼神,覺得好刺激!之後睇咗馬戲團,開頭我以為馬戲團會好悶,點知睇落好精彩,令人眼前一亮!表演做嘅雜技同飛翔表演真係好厲害,全場拍晒手掌。所以我好推薦大家去廣州長隆旅遊,體驗完之後發覺完全超出了我的期待。

先同大家分享下我個 3 日 2 夜行程:

  • 第一日:朝早 8 點係香港出發,坐高鐵再轉的士,10:30 就到酒店啦!先 check in 同寄存行李之後就去食 lunch,食完 lunch 後就去歡樂世界玩。記得要玩足成日呀,記得夜晚都留喺歡樂世界,夜晚嘅樂園更加靚!
  • 第二日:食完酒店嘅自助早餐,就搭酒店嘅穿梭巴士去動物世界,係南門落車,雖然搭小火車嘅地方係北門,不過可以喺南門慢慢行過去,或者搭纜車去到天鵝湖站,再轉小火車遊覽動物園都得!重點既白虎表演今次因時間關係睇唔到,因為趕住去睇馬戲團表演,今次訂咗 16:30 嘅飛,建議大家馬戲團買 19:30 嘅飛!
  • 第三日:套票包咗兩日早餐,食完早餐就 check out 返香港啦,如果大家預咗多啲時間,可以將行李寄存喺酒店,去飛鳥樂園玩多半日再返香港!

 

 

香港前往廣州長隆交通方法

高鐵 – 單程 HK$250 再轉交通公具

香港高鐵係最快嘅方式。喺香港西九龍站出發,直接乘高鐵去到廣州南站,車程大約一個鐘頭。到咗廣州南站之後,可以轉乘地鐵,坐四個站到達漢溪長隆站,喺 E 出口行出嚟步行十分鐘就可以到達歡樂世界正門(或者喺漢溪長隆站搭乘園區免費穿梭巴士),又或者喺廣州南站直接坐的士,大約 25 分鐘車程,車費大概係 28 元。

小編今次係去西九龍坐高鐵去到廣州南站,大概一個鐘頭,之後轉滴滴大概 15 分鐘,由西九龍出發去到廣州長隆酒店,連埋過關時間,全程一個半鐘就到啦。

環島中港通直通巴士 – 成人單程約 HK$110 (視乎香港上車地點而定)

直通巴士係由香港去長隆最直接嘅方式之一。環島中港通提供全香港共有15個上車地點,包括太子砵蘭街、尖沙咀海港城、大圍、沙田、荃灣德海街、將軍澳健明邨、將軍澳東港城、油塘大本型、牛頭角下邨、觀塘馬蹄徑、黃大仙中心、上環信德中心、灣仔史釗域道、銅鑼灣時代廣場等。想知詳細嘅上車地點,可以去下面嘅購買網址查詢。

時間:3 小時
好處:上車地點多,落車地點是長隆酒店。
購買車票網址:https://www.kkday.com/zh-hk/transportation/greater-bay-area

更多去廣州長隆的交通方法,可參考這篇:分享香港去長隆 5 個交通方法

 

 

廣州長隆內有幾多間酒店?

廣州長隆嘅住宿加樂園可以分為:
三間酒店:長隆酒店熊猫酒店、香江酒店
五大園區:三園(長隆動物園歡樂世界水上樂園)+飛鳥樂園(度假區外)、大馬戲(晚上表演)

三間酒店嘅位置如下:
度假區內:長隆酒店熊猫酒店
度假區外:香江酒店

廣州長隆三間酒店點揀好?一篇分析位置、設施和性價比!

 

 

住宿套票邊度訂?

如果想訂得更精明啲,當然係買套票啦!即係酒店連樂園門票一齊訂,咁樣可以比分開買平啲。Klook 網站都有提供長隆嘅套票預訂,而家仲有港澳台同海外遊客專享嘅優惠。

長隆酒店住宿套票

  • 二人入住狩獵房 2 晚 HK$2,979 起(已連服務費),三人入住只需 HK$3,777 起(已連服務費),包 3 日無限暢玩 3 園(動物世界歡樂世界、飛鳥樂園)、大馬戲、自助晚餐,4 月 20 起再送水上樂園門票!
  • 二人入住野趣房 2 晚 HK$5,158 起(已連服務費),三人入住只需 HK$6,233 起(已連服務費),包 3 日無限暢玩 3 園(動物世界歡樂世界、飛鳥樂園)、大馬戲及自助晚餐。
  • 二人入住狩獵房 1 晚 HK$1,302 起(已連服務費),三人入住只需 HK$1,554 起(已連服務費),包 2 天無限暢玩 3 園(動物世界歡樂世界、飛鳥樂園),4 月 20 起再送水上樂園門票!

▼長隆酒店預定網址▼
https://www.klook.com/zh-HK/activity/51640-chimelong-hotel-guang-zhou/?aid=16&aff_ext=gzchimelong-hotel

熊貓酒店住宿套票

▼熊貓酒店預定網址▼
https://www.klook.com/zh-HK/activity/52942-chimelong-panda-hotel-combo-guang-zhou/?aid=16&aff_ext=chimelong-hotel

香江酒店

  • 二人入住廣州長隆香江酒店大象房 1 晚只需 HK$1,404 起, 三人入住只需 HK$1,404 起,包無限暢玩 3 園(動物世界歡樂世界、飛鳥樂園)套票。

香江酒店預訂網址
https://www.klook.com/zh-HK/activity/51837-chimelong-hotel-combo-guang-zhou/?aid=16&aff_ext=chimelong-hotel

 

廣州長隆歡樂世界

廣州長隆歡樂世界係全國第四大嘅主題樂園,開業已超過十幾年,作為華南地區最大的主題公園之一,擁有超過 70 款各式各樣的刺激遊戲設施。廣州長隆歡樂世界內的標誌性遊樂設施,包括垂直過山車同埋打破健力士世界紀錄的十環過山車(連續 10 次空中轉圈),愛刺激同過山車的朋友必定要挑戰。此外,仲有大型特效影院同魔術表演,所以玩足一日都唔會悶。

鍾意玩激動機動遊戲嘅朋友一定唔可以錯過超級大擺錘、急流勇進、自由落體、飛天魔輪、十環過山車、U型滑板、颶風飛椅、龍捲風暴等,睇到相已經有離心力!好似小編唔鍾意玩機動遊戲嘅,都可以去睇下表演、打下卡影下相,都用咗全日呀,推薦大家一定要去睇魔術表演,其中一個魔術師超靚仔,一出場全場少女都尖叫!

  • 日間開放:一般由朝早 9:30 或 10:00 開始,直至夜晚 18:00 或 19:00。喺旺季或特定假期,園區可能會延長開放時間,以容納更多遊客。
  • 特殊情況夜間開放:喺特定季節或節假日,長隆動物世界會舉辦夜間活動,例如夜間動物表演或節日慶典,開放時間可能會延至晚上 21:00 或 22:00。

更多詳情:【廣州長隆歡樂世界攻略】




▼急流勇進,記得帶多件衫嚟換,玩呢個著咗雨衣都會濕曬

▼超級大鐵鎚,失重感超強!

▼ 十環過山車

▼旋轉木馬,夜晚睇仲靚呀!

▼魔術奇幻之旅,小編睇咗兩次,超精彩,而且其中一個魔術師仲超靚仔,一出場全部少女都係度尖叫呀!

 

 

廣州長隆野生動物世界

廣州長隆野生動物世界係亞洲最大嘅私營野生動物園,館內飼養咗大約 500 種、超過 20,000 隻嘅野生動物。除咗步行同搭纜車遊覽動物園,仲可以揸車或者搭園區小火車親自近距離接觸各式各樣嘅野生動物!

如果一大早開始入園,可以先坐小火車遊園(排隊排咗一個鐘),全程唔使 40 分鐘,環遊非洲草原,有講解員,太早去到,好多動物都仲瞓緊覺,落咗小火車之後就到青龍山啦,白虎跳水 11:30 第一場表演,長頸鹿公園可以餵長頸鹿,50 蚊一份,仲可以同長頸鹿多影啲相!之後就去睇熊貓村,裝修得勁好,做國寶真係太幸福啦!可以喺熊貓樂園站可以揀環線(景區繞一圈)、非洲草原線、天鵝湖線,今次小編就好 lucky,上咗部透明嘅纜車!

詳細介紹:【廣州長隆野生動物世界】動物園攻略,套票邊度買最便宜?

▼非洲發現科普大講堂, 12:00/14:00/16:00/17:30 ,一共有四場,大家記得留意時間睇表演呀,喺 20 分鐘嘅講解過程中,可以了解到非洲大陸有咩生物同自然生態。

 

 

廣州長隆水上樂園

踏入夏天,又係時候去玩水喇!長隆水上樂園入面真係有超多嘢玩,包括 70 幾項世界巔峯水上游樂設備,有超級造浪池、急馳滑道、漂流河冒險、垂直極限、月亮按摩池、奇妙親子水城按摩池、合家歡滑道等等。

如果你想玩晒所有項目,最好早啲去,建議 10 點開園就入去,咁就唔使排隊。唔係嘅話下晝再去,可能要排兩個鐘頭,體驗得一分鐘!

必玩項目:

  • 垂直極限:三條完全唔同感覺嘅滑道,黃色滑道垂直度最高,最刺激;橙色次之;藍色最平緩。建議玩黃色
  • 超級大喇叭:從六層樓高嘅平台出發,失重感好強,速度快得好刺激
  • 搖滾巨輪:好似「滾筒洗衣機」咁,喺 360° 自行翻轉嘅巨型滑道,好玩又有啲刺激
  • 超級巨獸碗:同樣係失重感好強,非常刺激
  • 巨洪峽:跟隨大浪起伏,俾水浪推住行

廣州長隆水上樂園預訂網址:
https://www.klook.com/zh-HK/activity/112624-chimelong-water-park-ticket-in-guangzhou/?

 




廣州長隆飛鳥樂園

長隆飛鳥樂園有各種鳥類喺你面前飛過,有體型龐大嘅爬行動物,仲有小豬跳水表演,呢度係種類繁多嘅濕地公園,爬行動物展示公園種類齊全、數量眾多。亮點活動就是為火烈鳥制作食物並餵食,有證書,$100元。可餵其它動物例如鵜鶘,鸚鵡,河馬等。總體來說就是可以親近動物,可餵動物的樂園。

廣州長隆飛鳥樂園預訂網址:https://www.klook.com/zh-HK/activity/3106-chimelong-bird-park-guangzhou/


以上圖片來自小紅書阿华甜旅行日记、nana

 

廣州長隆國際大馬戲

長隆國際大馬戲聲稱係世界最大嘅馬戲表演場,可以容納近 8,000 名觀眾同時欣賞。高規格嘅舞台設施同主題節目,匯聚咗來自超過 20 個國家嘅 300 名表演精英,再加超過 400 隻訓練有素嘅動物同臺演出。加入咗大量燈光同音響效果,表演遠遠超越傳統演出。空中飛人嘅自由穿梭、小丑精靈嘅搞怪逗趣、旋轉嘅火焰、跳動嘅音符,還有魔輪勇士同時速競賽嘅表演,絕對係一場視聽盛宴!

詳細介紹:【廣州長隆國際大馬戲介紹】值唔值得睇?一等坐未必最好既位置

根據小編經驗,上次我地買咗一等座,坐在一等座的第一行,結果太前了,不過就有機會同馬戲團表演者握手!反而其實普通位仲好,可以望到晒整個枱。

  • 普通座每張星期一至五 HK$380 、星期六日 HK$488
  • 一等座每張星期一至五 HK$472 、星期六日 HK$669
  • 普通座雙人票星期一至五 HK$604 、星期六日 HK$777
  • 兩大兩細普通座星期一至五 HK$718 、星期六日 HK$923

 

4大園區 +馬戲團遊玩攻略

  • 廣州長隆野生動物世界(建議玩一日)
    睇野超正,有好多展館、動物區可以參觀。觀光小火車係呢度嘅招牌項目,仲有空中纜車,一邊趕路一邊遊覽,勁正!
  • 廣州長隆歡樂世界(建議玩半日至一日)
    雖然大部分係機動遊戲項目,但都有個室內嘅寶貝樂園,啱晒各年齡層嘅小朋友玩,定時仲有巡遊活動。
  • 廣州長隆水上樂園(建議玩半日)
    係廣州最大嘅水上樂園,由朝玩到晚,晚上八點仲有電音節開始!
  • 廣州長隆飛鳥樂園(建議玩半日)
    喺呢度可以見到上百種珍稀鳥類,百鳥飛歌表演係呢度嘅招牌項目!
  •  廣州長隆國際大馬戲:驚險刺激嘅特技表演輪番上演,高空飛翔、杂技表演同馬術表演都展示咗演員嘅才藝同實力。

 

常問問題

問:喺廣州長隆夜晚有咩食?
答:可以喺酒店餐廳食晚餐,或者叫美團都好方便!小編今次住廣州長隆酒店,酒店有 7 間餐廳,白虎自助餐廳就是自助餐廳,還有麒麟中餐廳同番禺香江風味小鎮,位於二號酒店首層,開到夜晚 9、10 點!所以唔洗怕會餓親。廣州長隆度假區位於核心商圈,周邊嘅衣食住行都非常方便,食嘢真係唔洗愁!

  • 漢溪長隆站:時代·芳華裡係最近長隆嘅商業綜合體,周圍仲有好多性價比高嘅小店同小吃。
  • 南村萬博站:有番禺天河城、萬達廣場、四海城、海印又一城、番禺敏捷廣場、奧園國際中心、天河城奧特萊斯等等。
    其中四海城有好濃嘅藝術氛圍,仲設有恐龍公園,夜晚氣氛特別動人,室外用餐環境好有感覺(四海城有好多小酒館、日料店同西餐,但消費相對會較高)
  • 鐘村站:由地鐵站出嚟,200米範圍內就有「來回」系列嘅四間分店,來回咖啡、來回Kitchen、來回Factory、來回living,成個設計形成咗一個「閉環」。

 

廣州長隆其他文章:

加入 facebook 最大深圳吃喝玩樂群組,一齊討論食玩買攻略:https://www.facebook.com/groups/1413562572722892
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/ 由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

Leave a Reply

Your email address will not be published. Required fields are marked *