【廣州長隆歡樂世界攻略】附門票 / 地圖 /必玩設施 / 交通方法 / 酒店 / 玩後感
廣州長隆歡樂世界係全國第四大嘅主題樂園，開業已超過十幾年，作為華南地區最大的主題公園之一，擁有超過 70 款各式各樣的刺激遊戲設施。廣州長隆歡樂世界內的標誌性遊樂設施，包括垂直過山車同埋打破健力士世界紀錄的十環過山車（連續 10 次空中轉圈），愛刺激同過山車的朋友必定要挑戰。此外，仲有大型特效影院同劇場表演，所以玩足一日都唔會悶。這篇攻略將全面介紹長隆歡樂世界的門票購買方法、地圖、交通指南及必玩景點，同埋提醒大家留到夜晚，因為歡樂時間夜晚更加靚，絕對會有驚喜！
▼廣州長隆歡樂世界門票購買網址▼
https://www.klook.com/zh-HK/activity/3172-chimelong-paradise-guang-zhou/
文章目錄
香港前往長隆歡樂世界交通方法
環島中港通直通巴士 – 成人單程約 HK$110 （視乎香港上車地點而定）
直通巴士是從香港去長隆最直接的方式之一。環島中港通提供全香港總共有 15 個上車地點，包括太子砵蘭街、尖沙咀海港城、大圍、沙田、荃灣德海街、將軍澳健明邨、將軍澳東港城、油塘大本型、牛頭角下邨、觀塘馬蹄徑、黃大仙中心、上環信德中心、灣仔史釗域道、銅鑼灣時代廣場，詳細上車地點，可以在下面購買網址查到。
時間：3 小時
好處：上車地點多，落車地點是長隆酒店，落車後可以去酒店先寄存行李，再由酒店步行去長隆歡樂世界，大約 10 分鐘左右。
購買車票網址：https://www.kkday.com/zh-hk/transportation/greater-bay-area
高鐵 – 單程 $250 再轉交通公具
坐香港高鐵是另一個快速且舒適的選擇。從香港西九龍站出發，乘坐高鐵直達廣州南站，車程大概一個鐘頭。到達廣州南站後，可以轉乘地鐵，坐 4 個站到達漢溪長隆站，E 出口步行 10 分鐘可到歡樂世界正門（或在漢溪長隆站坐園區免費穿梭巴士），或在廣州南站後直接坐的士，大約 25 分鐘，車費約 $28 元。
小編今次係去西九龍坐高鐵去到廣州南站，大概一個鐘頭，之後轉滴滴大概 15 分鐘，由西九龍出發去到廣州長隆酒店，連埋過關時間，全程一個半鐘就到啦，歡樂世界北門可以喺酒店二號大堂出去，過天橋就到啦。
更多去廣州長隆的交通方法，可參考這篇：分享香港去長隆 5 個交通方法
門票價錢
廣州長隆歡樂世界的門票價格為每位成人 HK$270，兒童票和長者票 HK$185，兒童票適用於 3 至 11 歲，12 歲需買成人票，65 歲以上為長者。身高 1米以下的兒童免費入場，於 Klook 購票，購買雙人門票比獨立買兩張單人門票更便宜，雙人門票只需 HK$445 （即平均每張 HK$222）。
另外，如果訂酒店連樂園一齊既套票，會平少少，一晚酒店連兩日入場門票，大約 HK$1,303 起，星期六入住大約 HK$1,555 起 ，近期 klook 有免費童行套餐，即每房送多兩張兒童門票，變相抵好多，最新價錢可以上 Klook 度睇番。
▼廣州長隆歡樂世界門票購買網址▼
https://www.klook.com/zh-HK/activity/3172-chimelong-paradise-guang-zhou/
▼廣州長隆酒店連樂園套票預訂網址 ▼
https://www.klook.com/zh-HK/activity/51640-chimelong-hotel-guang-zhou/
廣州長隆歡樂世界地圖
廣州長隆歡樂世界有兩個門口，南門同北門，如果係廣州長隆酒店住客通常喺北門出入，小朋友區係樂園個中間，有一個寶貝樂園係室內場嚟，有冷氣，小朋友可以放電，家長可以抖抖！ （按此放大地圖）
設施
長隆歡樂世界內設有多樣化嘅遊戲設施，包括刺激嘅過山車、大擺鎚、自由落體等，適合鍾意挑戰刺激嘅遊客。另外，園內仲有親子遊樂區、各種表演，例如雜技、魔術同歌舞表演等。長隆歡樂世界有 9 間餐廳，包括有快餐店、特色餐廳同小吃攤。而且，園區內嘅環境設計有超多打卡位，唔鐘意玩激動遊戲嘅朋友，去打卡影相都可以影全日。
▼北門入口，入場之前要檢查手袋，可以帶水
場內 6 大園區介紹
廣州長隆歡樂世界位於長隆度假區中心，設有6大主題區包括叢林探險、律動天地、歡樂嘉年華、感動空間、尖叫地帶、星夢奇園等，超過 40 個遊樂設施同兩個大型表演廣場。鐘意刺激可以主攻「尖叫地帶」，帶住 3 至 7 歲小朋友，就可以去「歡樂嘉年華」。
廣州長隆歡樂世界分為六大主題區域：
- 律動天地：擁有垂直過山車、超級大擺錘、彈跳塔、歡樂摩天輪、激浪旋艇等機動遊戲設施。
- 叢林探險：設有飛馬家庭過山車、急流勇進、星際決戰、森林神廟、四維影院等遊玩設施。
- 感動空間：設有颶風飛椅、碰碰車、墨西哥草帽等遊玩設施。
- 尖叫地帶：設有十環過山車、龍捲風暴、極速跳躍、桑巴氣球等遊玩設施。
- 星夢奇園：設有旋轉木馬、飛虎隊、空中警察、轉轉杯等遊玩設施。
- 歡樂嘉年華：設有寶貝樂園、歡樂跳跳、搖擺屋、自由落體、滑翔飛翼、霹靂轉車、飛天魔輪、奇妙車隊等遊玩設施。
律動天地
▼垂直過山車，廣州長隆歡樂世界嘅「過山車之王」，落差高達 80 米，兩個 90 度嘅垂直俯衝，幾乎垂直的陡峭下降，這座過山車在極短時間內提供極速驚險的下滑感受。
▼超級大鐵鎚，失重感超強！
叢林探險
叢林探險：設有飛馬家庭過山車、急流勇進、星際決戰、森林神廟、四維影院等遊玩設施。
▼蹦跳車
▼急流勇進，記得帶多件衫嚟換，玩呢個著咗雨衣都會濕曬
▼星際決戰，每 15 分鐘一場
▼結合高科技特效的4D電影，提供視覺與聽覺的全方位刺激，讓觀眾彷彿置身於電影情節中。每半個鐘一場。
感動空間
感動空間：設有颶風飛椅、碰碰車、墨西哥草帽等遊玩設施。
▼墨西哥草帽
▼U型滑板，今次小編去就設施檢修緊，大家下次去玩完再留言話比讀者知好唔好玩！
尖叫地帶
廣州長隆有五種過山車，最主打就是「十環過山車」，顧名思義就是全程下來會歷經十個環，是目前世界上總長850米內翻滾次數最多的過山車。不過小編建議大家最後先玩，因為排隊排好耐，而且玩完之後會想嘔頭暈
▼ 十環過山車
▼龍捲風暴
▼極速跳躍
星夢樂園
設有旋轉木馬、飛虎隊、空中警察、轉轉杯等遊玩設施。
▼空中警察，小朋友都啱玩！
▼旋轉木馬，夜晚睇仲靚呀！
歡樂嘉年華
歡樂嘉年華：設有寶貝樂園、歡樂跳跳、搖擺屋、自由落體、滑翔飛翼、霹靂轉車、飛天魔輪、奇妙車隊等遊玩設施。
▼帶小朋友嘅朋友一定要去寶貝樂園呀，小朋友放電，自己又可以涼冷氣休息下，估唔到主提樂園裡面都會設有咁大嘅play house！
▼自由落體，歡樂世界就無跳樓機，但呢個激動遊戲就同跳樓機一樣，離心力超勁
▼飛天魔輪，360°交叉旋轉，上下立體翻轉，會被慣性同離心力刺激到，眩暈感比較強。
▼搖擺屋，可以帶埋上朋友一齊玩
▼飛虎隊，帶埋小朋友一齊登機出發啦！
其他設施介紹
▼一入樂園已經架花車
▼園區內嘅環境設計有超多打卡位，唔鐘意玩激動遊戲嘅朋友，去打卡影相都可以影全日。 
▼有埋男仔鍾意嘅巨型星際鐵甲打卡
▼仲有噴水池呀，天氣好熱，見到家長放埋小朋友去玩水
▼攤位遊戲
▼點少得買紀念品！
表演項目
表演時間：
- 極潮派：13:00 / 17:00
- 魔法奇幻之旅：13:30 / 15:40 / 17:30/19:30
- 只為寵妳大巡游：14:00
- 超級動物機甲大巡游：20:00
- 粉小琦的盛大派對：18:45
*小貼士：唔使記住時間表睇巡遊或者表演，喺各種活動開始前 10 分鐘會廣播，成個園區都聽到嗰種聲量，大家可以放心去玩機動遊戲。
▼魔術奇幻之旅，小編睇咗兩次，超精彩，而且其中一個魔術師仲超靚仔，一出場全部少女都係度尖叫呀！
▼只為寵妳大巡遊，14:00 會喺樂園主幹道開始巡遊
▼極潮派，13:00 同 17:00 各有一場喺巨星劇場表演
▼粉小琦的盛大派對，18:45 位於中央演藝廣場開始，好似落咗club咁
▼超級動物機甲大巡遊係夜晚 20:00 於樂園主幹道開始巡遊，感覺上夜晚個巡遊仲好睇過日頭 
▼除咗以上嘅表演，園區各個舞台不定時都會有唱歌跳舞表演
▼沿途仲會有小丑表演
廣州長隆歡樂世界有什麼餐廳？
長隆歡樂世界內有10間餐廳，每個主要嘅園區都設有1至2間，方便大家玩到攰嗰陣去食嘢休息下。此外，園內仲有唔少小食亭，想邊玩邊食嘅話都有好多選擇！
▼古堡餐廳
▼叫咗個粉色迷你套餐，68 人民幣，味道都好好！
▼小食亭，價錢都合理，唔算太貴
▼椰林餐廳，食東南亞菜
▼歡樂世界美食街道
如何選酒店？那一間最近廣州長隆歡樂世界
廣州長隆有 3 間酒店，最近長隆歡樂世界是廣州長隆酒店，歡樂世界北門同大馬戲都可以喺酒店二號大堂出去，過天橋就到啦，另一間較親子是熊貓酒店，酒店 2018 年新裝修，房間都係熊貓主題！
詳細有關廣州長隆選酒店，可參考另文：「廣州長隆 3 間酒店如何選」
廣州長隆歡樂世界遊玩程推介
輕鬆帶小朋友路線：
霹靂轉車→花車巡遊→寶貝樂園→四維影院
▼大家記得記得入園就 Scan 長隆歡樂世界嘅小程式，裡面有齊地圖、等待時間、表演時間等。
▼南門同北門都各有個客戶服務中心，都可以借到 BB 車同寄存行李
玩後感
原本以為長隆開咗咁多年，設施會好舊好殘，但今次完全好驚喜，每個設施定期有做檢修，而且今次長隆搞咗粉小琦主題，勁適合打卡，勁夢幻少女！建議大家食完lunch先入園，然後玩到夜晚離開，夜晚園區嘅燈飾超浪漫！
▼春天的長隆（圖片轉自小紅書）
開放時間
- 日間開放：一般從早上9:30或10:00開始，直到晚上18:00或19:00。在旺季或特定假日，園區可能會延長開放時間以容納更多遊客。
- 特殊情況夜間開放：在特定季節或節假日，長隆歡樂世界會舉辦夜間活動，例如夜間動物表演或節日慶典，開放時間可能會延至晚上21:00或22:00。
- 建議在計劃前往前，查看長隆歡樂世界的官方網站獲取最新的開放時間和閉園時間。
廣州長隆歡樂世界
地址：廣州市番禺區迎賓路長隆旅遊度假區內
▼廣州長隆歡樂世界門票購買網址▼
https://www.klook.com/zh-HK/activity/3172-chimelong-paradise-guang-zhou/
▼廣州長隆酒店連樂園套票預訂網址 ▼
https://www.klook.com/zh-HK/activity/51640-chimelong-hotel-guang-zhou/
新手讀懂 - 廣州長隆攻略文章
- 【廣州長隆攻略】套票邊度訂？ 點去最快？ 有幾多個樂園？住邊間酒店好？
- 廣州長隆三間酒店點揀好？一篇分析位置、設施和性價比！
- 【廣州長隆酒店介紹】附交通、酒店設施、房型介紹、套票選擇
- 長隆熊貓酒店詳盡入住遊記
- 【廣州長隆歡樂世界攻略】附門票 / 地圖 /必玩設施 / 交通方法 / 酒店 / 玩後感
- 【廣州長隆動物園攻略】香港點去長隆最方便？ 有咩動物睇？套票邊度買最便宜？
- 【廣州長隆國際大馬戲介紹】值唔值得睇？一等坐未必最好既位置
- 【廣州長隆水上樂園優惠】成人門票只需 HK$75、五一都有特惠門票，兒童/長者/青少年票 HK$75 起！
- 分享香港去廣州長隆 5 個交通方法
