【長白山滑雪酒店優惠】4 日 3 晚兩大一小 HK$ 2,115 起！包滑雪、水樂園、溫泉及機場接送
長白山滑雪酒店有新優惠！想一家大細去長白山玩雪，可以留意今次萬達美華溫泉酒店推出嘅 4 日 3 晚住宿套餐，兩大一小合共 HK$2,115 起，平均每人只需 HK$705 起！套餐包括連住 3 晚豪華大床房、每日兩大一小早餐，仲包 滑雪門票、水樂園、溫泉、戲雪樂園及長白山機場拼車接送，一次過玩盡長白山冰雪活動，非常適合親子旅行！
長白山係中國東北其中一個人氣滑雪度假勝地，每年冬天都會變成一片白茫茫嘅冰雪世界，雪山、森林同厚厚積雪組成嘅景色非常靚，影相打卡一流！當中長白山萬達國際度假區設有多條不同難度嘅滑雪道，無論第一次學滑雪，定係本身有滑雪經驗，都可以搵到適合自己嘅雪道。
長白山滑雪季一般由 11 月中開始，一直去到翌年 3 月至 4 月初，雪季相對較長。最吸引係除咗滑雪，仲可以欣賞雪山同白雪覆蓋嘅森林美景，亦有親子戲雪、水樂園及溫泉等活動，就算唔識滑雪，都可以玩得好開心！
今次優惠酒店係「萬達美華溫泉酒店（長白山西景區旅遊服務中心店）」，4 日 3 晚套餐包括連續入住豪華大床房 3 晚，兩大一小合共 HK$2,115 起，平均每人約 HK$705。套餐包括每日兩大一小自助早餐或指定固定套餐，最吸引係已經包 兩大一小滑雪門票，每間房每晚一次，即係入住 3 晚期間，可以按套餐條款安排滑雪活動，唔使另外購買指定滑雪門票。除咗滑雪，仲包括 兩大一小水樂園門票及溫泉體驗，每間房每晚一次！日頭去滑雪、玩雪，之後仲可以浸溫泉放鬆，或者帶小朋友去水樂園玩，行程更加豐富。另外，套餐仲包 兩大一小哇酷戲雪樂園「大雪坡」項目，入住期間可使用一次，非常適合一家大細一齊玩雪。
交通方面，套餐已經包括 兩大一小長白山機場拼車接送服務，對於帶住小朋友同大件行李嘅家庭更加方便，毋須自行安排機場至酒店嘅交通，實際接送安排以預訂條款為準。入住期間仲有指定活動，包括金雞雪服及山頂能量補充套餐、電影票 3 張、下午茶，以及踏雪徒步等體驗。相關項目按套餐指定選項提供，部分權益只限入住期間使用一次。
