尖沙咀帝苑酒店雙 11 餐飲優惠 2026！Le Soleil 買一送一人均 HK$346、東來順及帝苑軒雙人套餐 HK$1,111
尖沙咀帝苑酒店推出雙 11 餐飲優惠！今年酒店旗下多間餐廳都有份，當中最抵係越南餐廳 Le Soleil 推出午市及晚市套餐買一送一，兩位連服務費只需 HK$691，平均每位 HK$346！另外，東來順及帝苑軒亦推出雙人套餐優惠，兩位只需 HK$1,111 起，可以食到松子菊花魚、蔥爆羊肉、蟹粉炒帶子等菜式。鍾意日本菜嘅朋友，四季菊日本餐廳九龍店及中環 IFC 香港店亦有每位 HK$1,111 嘅雙 11 限定套餐，當中包括宮崎和牛、北海道帆立貝、刺身及天婦羅等美食。優惠套餐供應日期為 2026 年 11 月 5 日至 11 月 11 日。
▼雙 11 優惠預訂網址▼
https://eshop.rghk.com.hk/zh-hant/product-category/festive-zh-hant/11-11-promotion-zh-hant/
Le Soleil 雙 11 優惠｜午市及晚市套餐買一送一，人均 HK$346
帝苑酒店越南餐廳 Le Soleil 推出雙 11 買一送一優惠，原價每位 HK$628，優惠期間只需支付一位價錢，就可以兩個人一齊享用午市或晚市套餐，兩位連服務費合共 HK$691，平均每位只需 HK$346。
套餐首先會送上越式頭盤拼盤，包括香脆西貢春卷、越式蒸粉包及牙車快沙律。主菜方面，可以食到越式手拆蟹肉咖喱配蒜蓉包、越南香茅豬扒及越式炒時蔬，之後仲可以選擇越南生熟牛肉湯河，或者菠蘿扎肉蝦醬炒飯，最後以甜品拼盤作結。（菜單按此查看）
今次買一送一優惠適用於午市及晚市，兩位客人必須同時使用套餐，而且要最少提前 1 日預訂。優惠適用日期為 2026 年 11 月 5 日至 11 月 11 日。
Le Soleil 預訂網址：
https://eshop.rghk.com.hk/zh-hant/product/le-soleil-double-11-lunch-dinner-set-menu-buy-1-get-1-free/
東來順雙 11 優惠｜雙人午市及晚市套餐 HK$1,111
尖沙咀帝苑酒店東來順推出雙 11 雙人套餐，優惠價只需 HK$1,111（連服務費 HK$1,250），平均每位 HK$625，午市及晚市均適用。
套餐有多款經典中式菜餚，首先有無錫脆鱔、花雕醉雞及蔥油海蜇頭三款前菜，之後仲有「鶴湖蟹影」，以蟹肉、龍蝦及蟹黃配鹹蛋黃製作，配上香脆米餅享用。另外亦包括文思豆腐羹、松子菊花魚、蔥爆羊肉及豆板時蔬等菜式。其中松子菊花魚以香脆炸魚柳配松子及酸甜醬汁，而蔥爆羊肉則係東來順嘅經典風味。主食方面有東來順餃子湯麵，最後以傳統京式甜品驢打滾作結，套餐已包括茶芥，適合鍾意京式料理嘅朋友。（菜單按此查看）
東來順預訂網址：
https://eshop.rghk.com.hk/zh-hant/product/dong-lai-shun-double-11-lunch-dinner-set-menu-for-two/
帝苑軒雙 11 優惠｜雙人套餐 HK$1,111，蟹粉炒帶子、香芒脆蝦球
帝苑酒店中菜廳帝苑軒同樣推出雙 11 雙人套餐，優惠價 兩位 HK$1,111（連服務費 HK$1,270），平均每位 HK$635，午市及晚市均適用。
套餐以多款精緻粵菜為主，首先有香芒貴妃脆蝦球及足料老火湯，之後仲有蟹粉炒帶子，以大閘蟹蟹粉配搭鮮嫩帶子。另外亦有鮮沙薑煎走地雞、方魚肉碎炒芥蘭，以及上湯浸菜遠雲吞生麵，菜式相當豐富。甜品更加一次過有齊薑汁撞奶、柚子杞子凍糕及合桃酥，鍾意食傳統粵菜及蟹粉菜式嘅朋友可以留意。套餐亦可以另外加 HK$268，配一枝 360ml 獺祭有氣濁酒 45 純米大吟釀。（菜單按此查看）
帝苑軒預訂網址：
https://eshop.rghk.com.hk/zh-hant/product/rgcr-double-11-lunch-dinner-set-menu-for-two/
四季菊日本餐廳（九龍店）｜宮崎和牛、北海道帆立貝及天婦羅套餐每位 HK$1,111
位於尖沙咀帝苑酒店嘅四季菊日本餐廳（九龍店），推出雙 11 天婦羅鐵板燒套餐，優惠價 每位 HK$1,111（連服務費 HK$1,279），午市及晚市均適用。
套餐首先有柚子番茄沙律，以及甘酢水雲、合鴨胸醬油煮及伊達卷等日式前菜。刺身方面包括金槍魚赤身、油甘魚及深海池魚，之後仲有花竹蝦 2 件、季節魚 2 件及季節野菜 4 件天婦羅。最吸引係鐵板燒部分，包括宮崎和牛厚燒及北海道帆立貝，可以一次過食到和牛及海鮮。主食可選稻庭烏冬或炒飯，最後仲有時令鮮果作甜品。鍾意食日本鐵板燒、刺身及天婦羅嘅朋友，可以趁雙 11 優惠試吓。（菜單按此查看）
四季菊日本餐廳（香港店）｜天婦羅懷石晚餐每位 HK$1,111
除咗尖沙咀九龍店，位於中環國際金融中心商場 4 樓嘅四季菊日本餐廳（香港店），同樣推出雙 11 限定優惠。天婦羅懷石晚市套餐優惠價 每位 HK$1,111（連服務費 HK$1,239）。
套餐主打日式天婦羅懷石料理，首先送上精選前菜、刺身及清湯，之後就可以品嚐多款即製天婦羅，包括活蝦 2 件、季節魚類 2 種、季節野菜 4 種，以及特選天婦羅 2 種，款式相當豐富。另外仲有日式茶碗蒸蛋，主食方面可以選擇迷你天婦羅蝦餅飯配麵豉湯及漬物，或者冷熱皆可嘅天婦羅蝦餅蕎麥麵，最後以精選季節甜品作結。（菜單按此查看）
留意呢間四季菊位於中環 IFC 商場，並非尖沙咀帝苑酒店內。
尖沙咀帝苑酒店
地址：九龍尖沙咀東部麽地道 69 號
四季菊日本餐廳（香港店）
地址：香港中環金融街 8 號國際金融中心商場 4 樓
▼雙 11 優惠預訂網址▼
https://eshop.rghk.com.hk/zh-hant/product-category/festive-zh-hant/11-11-promotion-zh-hant/
