【萬麗酒店親子住宿體驗分享】有得玩電動車、遊樂場！最新還有 S.T.E.A.M. 工作坊、音樂劇、與行政總廚學烹飪
嚟緊暑假，一定好多家長會想搵一些多活動嘅親子酒店，方便帶小朋友去 Staycation。上次我地帶住 2 歲嘅仔仔，就入住咗香港萬麗海景酒店，香港萬麗海景酒店近期都新增咗不少好啱小朋友參加嘅活動，好似有電動車、又有 S.T.E.A.M. 、音樂劇工作坊參加，又或者可以參加下廚樂，而香港萬麗酒店仲係少數酒店設有專俾住客用既遊樂場，就等 Runhotel 為大家分享之前既入住體驗，等各位家長知道香港萬麗海景酒店有幾正啦！
▼ 香港萬麗酒店官網 ▼
https://bit.ly/3qn1pBn
萬麗酒店體驗
我地住過兩次香港萬麗海景酒店，第一次是住海景房，海景客房房間尚算闊落，一行入去就會見到大片維港景，勁靚！入門口後右邊係洗手間，左邊係衣櫃。洗手間乾濕分離，非常乾淨企理。房內有個小小嘅工作區同埋椅子，最搶眼當然係個無敵大海景啦，無論邊個角度、點望都會見到一望無際嘅維港景色，住過咁多間香港酒店既海景房，香港萬麗海景酒店個海景無 100 都有 90 幾分以上。
▼海景客房
▼房間非常闊落，一行入去就會見到大片維港景。
▼ 第二次入住我們就係住 Studio Suite 套房，套房浴室有個大人用嘅浴缸，同時仲準備咗小朋友都可以用嘅小浴盤，相當貼心，除此之外，酒店仲可以額為小朋友準備小童厠板，小朋友專用嘅洗漱用品，媽媽就可以唔使帶咁多嘢出街方便好多！
▼套房至於其他設備包括咖啡機同樣齊全，可以歎住咖啡睇靚景！
兒童玩樂設施
香港萬麗海景酒店早前加設咗一個兒童電動賽車場，一推出就相當受家長同埋小朋友歡迎！如果想玩電動車，一定要預訂 「美食馳騁住宿套餐 Weekend Culinary Adventure」，只限星期五、六、日、一及公眾假期入住，Package 會包兩張 Fast-pass，可以玩到兩次，每節約 10 至 15 分鐘，視乎想玩嘅小朋友人數。而電動車可以在辦理入住時先預約時間，當日我地星期日去住都唔使排隊，現場仲有頒獎台可以影下相添！
室內電動車場設於酒店低層大堂，電動車非常新淨，車款仲有迷你林寶堅尼、Bugatti 布加迪或平治 Mercedes，小朋友細細個就可以揸靚車喇！電動車有年齡體重和年齡限制，體重最重 25 KG（因為太重架車郁唔到），而年齡就 3 至 6 歲小朋友可以玩。當然酒店都唔會太嚴，謙謙只有 2 歲幾，當日都可以試玩，但因為 2 歲未識控制電動車，酒店酒店工作人員會 Remote 幫小朋友揸車，作為家長覺得這個安排十分之好，因為酒店工作人員控制，能夠確保安全（不會橫衝直撞），而一個 2 歲既小朋友，佢真係覺得係自己揸緊車架。(提多次，一定要預訂週末美食馳騁住宿套餐，先可以玩到電動車，官網預訂網址：https://bit.ly/3qn1pBn)
▼ 架架都係名車，有迷你林寶堅尼、Bugatti 布加迪或平治 Mercedes
▼ 酒店有職員會幫忙控制電動車
▼ 男仔真係特別鐘意揸車，謙謙玩左一節唔捨得走，好彩每人可以玩兩節。
▼ 第二節就轉第二架車揸下
遊樂場
除咗電動車之外，酒店都仲有其他遊樂設施，當中最正嘅就係遊樂場喇！遊樂場入場不用 Pass，只限住客使用，係免費入場的，入面超多滑梯，我地當日下午 5 點左右嚟到，雖然未至於包場，但人唔多。地方好大，有好多條滑梯、有韆鞦、好夠玩，絕對夠晒小朋友嚟放電，起碼夠小朋友玩番成個鐘。
泳池
酒店泳池同樣都係位於 11 樓，是恆溫泳池，面積夠晒大，泳池設計成不規則的長方型，一邊淺水，梯級一直斜向池底，另一邊也是淺水區，中間是深水區，同時也是暖水出水位。香港萬麗海景酒店泳池和旁邊的君悅酒店共用同一個泳池，加上泳池只限 walk-in，冇得預約一定要落去排隊，所以要有心理準備會難拎啲，建議大家要預早落去拎定飛！（最新嘅安排可以問番酒店，因為都係視乎政府人數限制之安排既）。
萬麗酒店行政酒廊 Club Lounge
行政酒廊 Club Lounge 位於 41 樓，景觀一流相當有誠意！酒店嘅行政酒廊樓高三層，好少酒店有幾層咁高，加上可以欣賞無敵維港海景，入黎 Hea 番陣真心舒服，一邊睇住日落一邊歎下午茶、和黃昏雞尾酒特選精美小吃，入住套房就可以享用喇！
▼ 各式酒類 
▼環境
萬麗海景酒店最新暑假親子活動
香港萬麗海景酒店暑假有多個親子住宿 Package，包括以上介紹過可以玩電動車、或有露營帳篷既親子童趣探索之旅，還新增可以參加音樂劇、又有 S.T.E.A.M. 工作坊參加，又或者可以下廚樂，這些親子 Package 只限萬豪官網先訂到，而每個 Package 亦會包 $1,000 餐飲消費額，萬麗親子住宿 Package Runhotel 在另一篇文章已介紹過，詳情可以參考：https://www.runhotel.hk/renaissance-summer
▼ 小朋友可以參加音樂劇場
▼ S.T.E.A.M 工作坊
▼與行政總廚 Owen 製作海鮮意大利飯(7 月)
自助晚餐
最後講講自助晚餐，剛才說過親子 Package 會包左 $1,000 餐飲消費額， 我地上次就用黎食自助晚餐，五至日及公眾假期自助晚餐收費成人 HK$ 718、 小童 HK$ 428。香港萬麗海景酒店嘅自助晚餐都唔錯，可以任食生蠔、有多款凍海鮮任食，包括有麵包蟹、長腳蟹、青口、翡翠螺、凍蝦等等 (上次食仲每位送一隻蒸龍蝦)。
▼生蠔
▼多款凍海鮮任食，包括有麵包蟹、長腳蟹、青口、翡翠螺、凍蝦
▼當晚既麵包蟹都好新鮮，雖然唔係話十分多膏，但都好足夠。
▼上次食送仲每位送一隻蒸龍蝦。
▼刺身就有 5 至 6 款選擇
▼熱盤
總結
香港萬麗海景酒店員工非常有善，酒店保養得好好，好新淨，軟硬件配套都很好，各位家長如果睇完呢篇覺得有興趣想訂，可以去這篇睇香港萬麗海景酒店最新 4 個親子住宿 Package：https://www.runhotel.hk/renaissance-summer
▼ 香港萬麗海景酒店官網 ▼
https://bit.ly/3qn1pBn
