炎炎夏日，正好相約三五知己齊齊「食好西」！香港萬麗海景酒店嘅 Mirage Bar & Restaurant 最近就推出咗一系列夏日餐飲企劃，無論你想食個豐富午餐、歎個悠閒下午茶，定係嚟個浪漫晚聚，Mirage 都有驚喜優惠等緊你！最吸引嘅係，經萬麗網上商店預訂，隨時可以享有高達半價嘅震撼折扣，真係慳唔少！想喺呢個夏天盡情投入美食嘅懷抱，就要快啲睇下內文介紹喇！MIRAGE BAR & RESTAURANT 暢「饗」夏日午餐 半價後 HK$221（已連服務費）、「香檳留酣下午茶」兩位用半價後 HK$413（已連服務費）、「迷人晚聚」半價後 HK$377（已連服務費）。

暢「饗」夏日午餐 半價後 HK$221

想喺繁忙嘅中午叉足電，兼且對自己好啲？Mirage Bar & Restaurant 嘅暢「饗」夏日午餐就啱晒你喇！餐廳位於灣仔海濱，倚伴維多利亞港，猶如城市中嘅綠洲，環境舒適寫意，俾你暫時遠離煩囂，投入一場舌尖上嘅夏季逃逸之旅。呢個夏日午餐非常豐富，你可以無限量享用一系列精緻開胃小點、多款雅緻配菜，仲有甜品同埋特設嘅烤芝士專區，選擇多到令人花多眼亂！

如果想再豐富啲，仲可以加配鮮味十足嘅冰鎮海鮮塔（另加 HK$188），裡面有阿拉斯加雪蟹腳、海螺、大蝦同青口，啖啖都係海洋嘅鮮甜。仲未滿足？加埋主菜亦得，想食得奢華啲，可以揀龍蝦喇沙（另加 HK$88）或者香烤 M6-7 和牛西冷扒（8 安士，另加 HK$158）；而充滿東南亞風味嘅有海南雞飯（另加港幣$88）；另外唔使加錢嘅亦有烤挪威比目魚柳、西班牙杜洛克帶骨豬扒、油封鴨蕎麥麵等，選擇豐富，款款都各具特色，保證滿足到你嘅味蕾。

暢「饗」夏日午餐由即日起至 2025 年 9 月 16 日，中午 12 時至下午 2 時 30 分供應。記得快啲到萬麗網上商店預訂喇，因為高達半價嘅優惠隨時額滿即止！半自助午餐如果唔包主菜，原價係 HK$283.8，經網上商店預訂可享 75 折優惠，折實價為 HK$219.3（已連服務費）。如果係包含主菜嘅半自助午餐，原價港幣$404.8，網上商店提供半價優惠，只需 HK$220.8（已連服務費）；就算半價名額滿咗，都仲有 75 折優惠，折實價 HK$312.8（已連服務費），真係非常抵食！

預訂網址：https://www.renhongkong-eshop.com/tc/product/14Knz202uQ02/MIRAGE-BAR-&-RESTAURANT
(2025 年 5 月 14 日早上 11 點開賣)

Mirage Bar & Restaurant 新推出嘅暢「饗」夏日午餐非常豐富

無限量供應嘅開胃小點、雅緻配菜、誘人甜點仲有烤芝士專區

主菜選擇各有特色

香檳留酣下午茶 半價後 每兩位HK$413 起

午後想同閨密好友享受一個充滿法式情懷嘅下午茶？Mirage Bar & Restaurant 嘅「香檳留酣下午茶」就係你嘅不二之選。喺城市綠洲嘅和煦陽光下，一邊欣賞杯中凱歌香檳泛起嘅點點珠光，一邊細味一系列精緻鹹甜點，感受法國五月美食薈帶嚟嘅法式優雅。

鹹點方面，有可持續發展鰤魚、鵝肝醬、手指三文治二重奏，同埋蘑菇松露泡芙，款款都精緻可口。甜點更加吸引，特別以凱歌香檳入饌，昇華整體滋味，包括凱歌香檳啫喱配忌廉芝士慕斯、凱歌香檳忌廉泡芙、士多啤梨蛋糕配雲呢拿忌廉、合桃拿破崙、費南雪蛋糕，以及Valrhona 朱古力撻，每一啖都充滿驚喜。當然唔少得下午茶必備嘅鬆餅，有原味同提子乾兩款口味，配埋每位一杯香濃咖啡或清香茗茶，完美點綴呢個悠閒嘅午後時光。

「香檳留酣下午茶」由即日起至 2025 年 6 月 30 日，下午 3 時至 5 時供應。價格方面，一位用原價港幣$437.8，網上商店 7 折優惠價為 HK$318.4；兩位用原價 HK$756.8，網上商店最抵有半價優惠，只需 HK$412.8（已連服務費）；即使半價名額已滿，都仲有 7 折優惠，折實價 HK$550.4（已連服務費），計落人均都只係二百幾蚊，性價比極高！

預訂網址：https://www.renhongkong-eshop.com/tc/product/14Knz202uQ02/MIRAGE-BAR-&-RESTAURANT?utm=runhotel
(2025 年 5 月 14 日早上 11 點開賣)

晚餐半價後 HK$377 起

當夜幕低垂，華燈初上，Mirage Bar & Restaurant 就會化身成一個充滿情調嘅晚聚熱點。餐廳精心準備咗「迷人晚聚」套餐，俾你喺浪漫氛圍下，細味廚師團隊嘅巧手廚藝同埋當中蘊藏嘅美學演繹，為你嘅特別慶典增添一抹亮麗色彩。值得一提嘅係，呢個套餐仲可以率先品嚐到酒店即將登場嘅新餐廳主打元素——以鮮甜海膽及魚子醬入饌嘅潮汐珍味，將成個晚宴體驗昇華到另一層次。

晚宴菜單非常豐富，頭盤有三文魚蓉魚子醬小金杯，然後可以揀大蝦他他，或者素食朋友都啱食嘅擔擔布拉塔水牛芝士，如果想再豪啲，仲可以加 HK$80 轉做海膽吞拿魚薄脆雲吞捲。湯品方面係香濃嘅法式龍蝦湯。主菜前仲有一道海膽意大利飯配魚子醬（另加 HK$180），啖啖都係矜貴滋味。主菜選擇亦都唔馬虎，有香烤和牛西冷扒、卡邦尼油麵，或者香烤鱸魚柳，任君選擇。最後以一道清新嘅香橘撻配雲尼拿蛋白餅作結，為呢個迷人晚宴畫上完美句號。

「迷人晚聚」由即日起至 2025 年 7 月 31 日，晚上 6 時至 9 時 30 分供應，萬麗網上商店預訂同樣享有高達半價優惠，額滿即止！5 道菜晚宴原價港幣$690.8，網上商店半價優惠只需HK$376.8（已連服務費），就算半價名額滿咗，都仲有 7 折優惠，折實價 HK$502.4（已連服務費）。如果想食得再豐富啲，可以揀 6 道菜晚宴，原價港幣$976.8，網上商店 7 折優惠價為 HK$710.4（已連服務費）。

預訂網址：https://www.renhongkong-eshop.com/tc/product/14Knz202uQ02/MIRAGE-BAR-&-RESTAURANT?utm=runhotel
(2025 年 5 月 14 日早上 11 點開賣)

六道菜迷人晚聚包括：三文魚蓉魚子醬小金杯、海膽吞拿魚薄脆雲吞捲、法式龍蝦湯、海膽意大利飯配魚子醬、香烤和牛西冷扒 或 卡邦尼油麵 或 香烤鱸魚柳、香橘撻配雲尼拿蛋白餅

五道菜迷人晚聚包括：三文魚蓉魚子醬小金杯、大蝦他他 或 擔擔布拉塔水牛芝士、法式龍蝦湯、香烤和牛西冷扒 或 卡邦尼油麵 或 香烤鱸魚柳、香橘撻配雲尼拿蛋白餅

香港萬麗海景酒店
地址：灣仔港灣道一號

▼預訂網址▼
https://www.renhongkong-eshop.com/tc/product/14Knz202uQ02/MIRAGE-BAR-&-RESTAURANT?utm=runhotel

────── 相關文章 ──────

【KKday 6 月大促銷】6 月 14 日至 7 月 1 日限時優惠！低至 1 折及多個優惠碼＋送機票/郵輪體驗！

【Rakuten Travel 夏日SUPER SALE 限時開搶！】折上折優惠！35% OFF 優惠券、12間精選日本酒店最低 5% OFF 起！