海洋公園萬豪酒店 OPM 泳池狂歡派對 HK$300 入場，Cantomania DJ Fabsabs 打碟助陣
下星期將迎來全球四年一度萬眾矚目嘅足球盛事，香港海洋公園萬豪酒店將於 2026 年 6 月 13 日（星期六）喺上層泳池舉行「金盃之約」OPM 泳池狂歡派對。活動時間由下午 5 時至晚上 10 時，DJ 表演時段為晚上 6 時至 9 時，今次更特別邀請 Cantomania 嘅 DJ Fabsabs 現場打碟，以強勁音樂節奏帶領一眾球迷投入狂熱泳池派對氣氛，一齊慶祝足球盛事揭幕，並為接下來嘅精彩球賽喝采。門票最平 HK$300 入場，亦設有二人、四人及二十人派對套餐選擇。
▼ Runhotel 幫你搜尋最平預訂網站 ▼
近期好多酒店都有 Disco Party，Runhotel 亦會在這篇更新最新酒店 Disco 派對。
今次 OPM 泳池狂歡派對以「金盃之約」為主題，結合足球盛事、泳池派對及現場 DJ 音樂，集合一眾球迷喺酒店泳池旁邊飲酒、聽歌同投入派對氣氛。Cantomania DJ Fabsabs 將會以充滿節奏感嘅音樂炒熱現場，適合約埋朋友一齊慶祝盛事開幕。
門票方面，一人入場門票原價 HK$350，凡於 2026 年 6 月 10 日或之前購買可享早鳥優惠 HK$300，已包括泳池通行證（站立區）及 3 杯標準飲品。
二人冰鎮海鮮套餐售價 HK$1,600，包括泳池通行證（池邊座位）、二人冰鎮海鮮套餐（雪場蟹腳、麵包蟹、海蝦、磯燒鮑魚、新西蘭青口及煙三文魚）、1 瓶香檳及 2 杯標準飲品。
四人斧頭扒套餐售價 HK$3,200，包括泳池通行證（池邊座位）、斧頭扒四人套餐，餐點包括 1.2 公斤斧頭扒、德國豬手、德國香腸、德國酸菜、醃青瓜及燒烤蔬菜，另包 1 瓶香檳及 12 杯標準飲品換領券。
至於二十人燒烤套餐售價 HK$14,000，包括泳池通行證（池邊座位）、二十人燒烤套餐、1 瓶香檳、1 瓶紅酒或白酒，以及每人 3 杯標準飲品，適合公司聚會、朋友聚餐或一大班球迷一齊參加。
▼ Runhotel 幫你搜尋最平預訂網站 ▼
(adsbygoogle = window.adsbygoogle || []).push({});