首爾近郊南怡島、晨靜樹木園一日遊，每位 HK$371，包來回交通、導遊、門票
闊別韓國兩三年，終於可以出走啦！今次行程喺10月頭至中，原本以為可以睇到銀杏或者有機會睇埋紅葉，所以 book 咗 kkday tour去南怡島同埋晨靜樹木園影靚相，每位 HK$371 ，但好可惜今年首爾楓葉季無咁早，要10月尾先開始有，不過好彩呢兩個景點一年四季都有唔同景色可以影。咁多個 Tour入邊，今次呢個留喺兩個景點嘅時間都比較長，有大約 2-3 個鐘，相信都足夠我同朋友瘋狂影相同行完成個地方，比較適合一啲唔想走馬看花、鍾意影相嘅朋友參加。
如果係自由行嘅話，由首爾市區前往晨靜樹木園大概為 1 小時，但係就需要搭地鐵之後再轉巴士。如果想去埋南怡島嚟返個一日影相之旅嘅話，交通就真係比較麻煩啦，仲未計等車塞車時間，所以都比較建議大家參加 one day tour 慳返啲交通時間，而且仲坐得舒服啲，可以喺車上瞓一瞓。
由於今次住嘅酒店鄰近明洞，KKday 網站預訂既 tour 有三個地點接載乘客，分別係弘大、明洞，以及東大門，所以朝早 8 點就會有旅遊巴於明洞指定地點接載我哋。行車大概 2 小時就到達我哋第一個目的地 — 晨靜樹木園！首先會喺呢度留兩個鐘，之後先出發去南怡島。
▼ 南怡島、晨靜樹木園一日遊預訂網址 ▼
kkday
https://www.kkday.com/zh-hk/product/126914?cid=2058&ud1=koreatrip
晨靜樹木園 (아침고요수목원)
晨靜樹木園 (아침고요수목원) 位於京畿道，擁有30,000平方米超大規模藝術庭園，由三育大學園藝系韓尚慶教授所創立，喺1996年5月正式開放，有著20多個栽種著各式美麗草坪和花圃的庭園，內有過千款群花盛開及松樹林間，呢個時間去更加可以睇到粉紅色芒草！
▼ 而且唔少著名韓劇都係喺呢度取景，包括《原來是美男》、《她很漂亮》、《學校 2017》、《現正分手中》同埋《雲畫的月光》等等。
▼ 呢個 one day tour 包哂入場費及交通費，所以到咗之後好快就可以入去。沿途會見到好多古色古香嘅傳統韓屋同埋外型奇特嘅樹木。
▼ 側邊就會有條天空吊橋，可以望到兩邊壯觀嘅山河同樹林。雖然橋好堅固，但係每行一步條橋都會震得好勁，如果細膽少少嘅話就建議沿另一條路行啦～不過都係一種體驗嚟！
▼ 走過吊橋後，向左邊行就會見到擁有千年歷史嘅「千年香」，可以話係晨靜樹木園嘅「鎮園之樹」。
▼ 行前少少就到咗「清晨廣場」，有好大片草地可以家庭樂野餐、玩數字球及散步等等。附近仲有唔同嘅歐式打卡位，彷彿置身童話故事入面一樣！
▼ 經過「清晨廣場」後向上行就會到達「天路」，兩旁種植咗各種色彩鮮艷嘅花，登頂後便有一座白色小教堂，《原來是美男》入面都曾經出現過！
▼ 喺小教堂打完卡之後，沿路去終點行會經過小橋流水、盆栽庭園、石庭園、傳統韓式庭園、韓屋及茅草屋等，有心嘅話可以租套韓服嚟慢慢影！
▼ 去到最遠就會見到「曙華淵」，亦係韓劇《雲畫的月光》嘅著名拍攝地，中間嘅荷花池及涼亭營造到韓式傳統亭閣嘅感覺，雖然無得行入去影相，但都好貼心地有好多打卡位俾遊客們慢慢影相，配埋呢個咁唯美嘅景色，一定要影返張！！！
▼ 仲有一個唔可以錯過嘅景點就係以韓國嘅錦繡河山為主題嘅「下景庭園」，有著一大片花海，將朝鮮半島嘅地圖模樣用花朵分隔，蘊含著南北韓希望統一的願望，非常有意義。
相信如果秋天嚟應該個景仲正，周圍都佈滿紅葉，而每逢冬季更會有「五色星光庭園展」燈光展睇。
晨靜樹木園 (아침고요수목원)
地址：京畿道加平郡上面樹木園路432
交通：從龍山站、清涼里站搭乘ITX青春號抵達清平站後，從1號出口旁的公車站牌，搭乘30-6號公車，大約25分鐘就會抵達晨靜樹木園。
門票：成人11,000 won、兒童7,500 won
園區地圖：中文版按此
南怡島 (남이섬)
因韓劇《冬季戀歌》而走紅嘅南怡島 (남이섬)可以話係去首爾必去嘅景點之一，坐落春川市南山面北漢江流域，係一個自然生態文化空間，島上以「童話國度，歌曲之島」為概念，定期舉辦各種音樂會與展覽。過去島上大部分都係以遊客為主，但自從疫情後，南怡島成為咗韓國民眾嘅熱門週末休閒勝地，吸引大量當地家庭、情侶或閨密前往。
入南怡島嘅方法有兩種，第一，於碼頭乘船，tour 包埋船票；第二，可選擇高空飛索 (Zipline)方式入島，需自費，全程不用 2 分鐘！不過當日 (10月8日) 咁啱撞正韓國嘅國慶日前夕，所以遊客人數比較多，排 zipline 都要 1-2 個鐘以上，所以好可惜地玩唔到呢個咁刺激嘅 Zipline。
▼ 渡輪每隔 15-30 分鐘就有一班，上船後大約 10 分鐘就到達南怡島。
南怡島其實面積都幾大，要行哂成個島至少都要花 3 至 4 個鐘。而最多人嚟嘅季節就一定係10月至11月秋季啦，因為可以睇到銀杏同埋紅葉。而冬季則可以睇到雪景，模擬《冬季戀歌》裡面浪漫嘅韓劇情景，春季就會有櫻花路。入面有大量嘅沿海散步徑、遊樂設施、餐廳及小商店，絕對夠大家喺到玩一整日，而且仲有酒店「靜觀樓」，有興趣都可以早啲book定留喺南怡島過夜。
▼ 呢條就係最為人所熟悉嘅知名打卡點「銀杏路」，不過未撞正銀杏盛開嘅時間，所以今次都係睇唔到滿佈銀杏黃葉嘅南怡島。
▼沿住「銀杏路」一直行，由於週末及節慶日子嘅關係，有一個當地小市集售賣韓國手作文創小品。
▼ 另外仲有印度主題民族市集，設有傳統舞蹈表演、小攤檔及相片展。
▼ 遊樂設施包埋島上空中小火車，可在高空觀賞沿途景色，帶小朋友嚟或情侶拍拖就啱哂！
▼ 提供單車及電動腳踏車租借服務，可自行駕車暢遊南怡島。
▼ 小編都係第一次揸呢種車！行得好快，超爽！
▼ 入啲其實都見到部分樹木開始轉黃！
行到攰可以到島上嘅餐廳食lunch或者high tea chill下，有韓式正餐「南門」、亞洲餐廳「東門」、韓式鐵盒便當「戀歌之家」、西式餐廳「Ddanji」、Cafe「南怡島書吧」及「Snow」，以及茶屋「茶談」等等。
而我就選擇咗韓式BBQ餐廳「 SEOMHYANGGI (섬향기)」，因為睇中佢有室外用餐區，可以一邊望住翠綠嘅樹林景一邊食嘢。
▼ 裡面仲有好多隱藏打卡位、景點及體驗活動等大家慢慢自己去探索遊歷，例如有荷花池、瀑布、溪間、韓式庭園、划船等等。
南怡島 (남이섬)
地址：京畿道加平郡加平邑北漢江邊路1024
交通：地鐵「加平站 (가평역)」，車站外轉乘的士或加平循環觀光巴士到「渡船口」下車。
門票：
– 成人16,000 won、小童10,000 won、長者13,000 won (含來回船票)
– 每人 49,900 won (Zipline)
地圖：
總括而言
我覺得如果之前有去過呢兩個地方嘅人想撞正其他季節去賞花嘅話，呢個 one day tour 絕對滿足到大家！如果大家有充裕時間，喜歡慢活、周圍探索，亦可考慮一下一日去一個地方，因為南怡島同晨靜樹木園都幾大幾多嘢睇，行足一日都絕對唔會覺得悶。
▼ 南怡島、晨靜樹木園一日遊預訂網址 ▼
kkday
https://www.kkday.com/zh-hk/product/126914?cid=2058&ud1=koreatrip
其它韓國自由行文章
- 韓國樂高樂園 LegoLand 介紹
- 首爾DMZ/板門店 Tour 和預訂方法
- DMZ (非武裝地帶) 和 JSA (板門店) 背景和行程前篇
- 【首爾洪川大明 Vivaldi Park 滑雪體驗】
- 【仁川機場接送】首爾機場超平包車接送體驗
- 首爾 5 大人氣滑雪場介紹
- 首爾明洞黃金鬱金香M酒店
- 韓國 (首爾、釜山) Wifi 蛋使用體驗、HK$12 一日、無限 4G上網不限速，接收良好
- 首爾近郊南怡島、晨靜樹木園一日遊
碼頭有停車場可泊車嗎?