【韓國樂高樂園 LegoLand 介紹】門票優惠/ 交通 / 酒店介紹 / 開放時間/ 行程安排
韓國樂高樂園 (Korea Legoland ) 是全球第 10 個 Legoland，於2022 年 5 月在韓國江原道春川開幕了，來韓國旅遊又多了一個親子景點。韓國樂高樂園 Legoland 位於衣岩湖河中島上，是全亞洲最大嘅 Legoland ，更係全球首個於島上興建嘅 Legoland 。樂園佔地 28 公頃，設有 7 大主題園區，逾 40 種遊樂設施，仲有韓國限定 Miniland，以積木搭建韓國標誌性景點，包括：景福宮、濟州島、海雲台、江原道等。大人或小朋友 LEGO 迷一定唔可以錯過！
▼ 門票購票網址 ▼
https://hk.trip.com/things-to-do/detail/45607870/?allianceid=
文章目錄 (可點擊目錄快速到達文章位置)
韓國 Legoland 開放時間
星期一至五開放時間為早上 10 點至晚上 6 點
星期六、日公眾假期開放時間為 10 點至晚上 7 點
開放時間有機會隨季節變動，有需要可以去官網確認開放時間表。
交通
韓國樂高樂園 Legoland 設有免費穿梭巴士，每日由春川站 Chuncheon Statation 1 號出口來回樂園，每 45 分鐘提供一次免費穿梭巴士服務。服務間為早上 9 點至晚上 8:30pm。
如由東大門站出發，坐京春線（경춘선）去春川站 Chuncheon Statation，大約需時 1 小時 30 分鐘。
如由明洞站出發，坐京春線（경춘선）去春川站 Chuncheon Statation，大約需時 1 小時 40 分鐘。
到達春川站之後，如果唔想等免費穿梭巴士，可在 2 號出口坐計程車前往，車程約 10 分鐘。
如自駕：可在河中島停車場泊車，收費 ₩18,000 一小時。泊車之後行 10 分鐘可到達韓國樂高樂園。
韓國樂高樂園跟南怡島只有 40 分鐘車程，去江村滑雪場只需 30 分鐘，文末有行程安排分享。
園區地圖
有需要可點擊這裏放大。建議家長入場前先看看一那一個區你們決定先去，人流多很多設施也需要排隊。
心得分享
提提大家，要玩盡成個樂高樂園 Legoland ，記得入場前先下載佢地個官方手機程式，好處係
- 可以睇到各個機動遊戲的排隊時間，方便知道要排幾耐
- 睇到表演時間
- 睇到餐廳 Menu
- 有地圖，方便知道點行
- 最重要，就係可以手機點餐 （大家以前入過迪士尼都知，要排隊叫野食其實等好耐，有手機點餐方便好多）
- 園內有 Locker，可以睇到邊度有 Locker
IOS 下載網址：
https://apps.apple.com/kr/app/legoland-korea-resort/id1592076860
Andriod 下載網址：
https://play.google.com/store/apps/details?id=kr.legoland.www&hl=zh_HK&gl=US
總之大家記得入場前下載左先。手機程式第二個 Tab，就可以睇到各機動遊戲的排隊時間
另外，樂園入面有玩水區，有水槍，建議帶定雨衣（成人和小朋友都需要）， 咁就可以在這個區大玩特玩。
韓國樂高樂園 7 大園內區域分為
- 「Brick Street 金磚街」、
- 「Bricktopia 積木王國」、
- 「LEGO Castle 樂高城堡」、
- 「LEGO City 樂高城市」、
- 「LEGO NINJAGO World 樂高忍者世界」、
- 「PIRATE SHORES 海盜之海」
- 及「Miniland 迷你樂園」
園內必玩設施
樂園觀景台
觀景台會 360 度旅轉，升到大約 43 呎的高空，睇晒整個樂園的全貌，因為每次可以坐到既人好多，所以唔洗排好耐。
過山車
過山車，位於地圖右上角，樂高城堡區域入面，你話好刺激當然唔會，但俾小朋友玩就好OK，可以俾佢地感受下過山車。
坐小火車 (位於 Lego City)
樂高樂園快車，呢個設施係地圖入口的右邊，建議大家唔好一入園就玩樂高樂園快車，玩樂高樂園快車係一個小火車，慢慢坐係度可以遊經整個樂園，建議大家玩左其它區先，通常行到攰，就過黎休息下坐小火車。
玩水區
海盜區就係玩水既，上面提過一定要帶雨衣。呢部份超好玩，小朋友一定唔捨得走。
積木開車學校 ( 位於LEGO City 樂高城市)
可以揸車，我估好多小朋友都一定鐘意，包括有自己小朋友都係。
講晒必玩既地方，就同大家詳細介紹 7 大園內區域
1. Brick Street 金磚街
Brick Street 及 LEGOLAND 酒店係進入樂園之前嘅必經之處，入到去首先會到達嘅地方就係Brick Street。設售票處、服務台、Cafe、拍照館 The Photo Shop 同埋樂園入面最大嘅周邊商店The Big Shop。呢條街全部設施，甚至係牆身，都係由一塊塊積木打造而成，一入到嚟就可以瘋狂打卡！另外，全亞洲首個LEGO® Factory Adventure Ride亦係喺呢區，帶乘客遊經LEGO誕生嘅過程。
2. LEGO City 樂高城市
樂園中最大的主題園區，設有消防學院 (Fire Academy )、衝浪先鋒 (Wave Racers)、LEGO CITY Airport 城市機場、開車學校 (Driving School)等不同職業嘅體驗遊樂設施，小朋友完成駕駛 LEGO 積木車之後仲可以拎到駕照作紀念品！另外有 4D 電影院，每日播放《樂高城4D：追擊官》，帶一眾LEGO迷一齊重溫經典動畫短片。
3. LEGO NINJAGO World 樂高忍者世界
最受曯目嘅LEGO NINJAGO World以日本寺廟設計為主，設有不同娛樂設施，例如：4D 過山車、按鈕遊戲Jay’s Lightning Drill、自轉設施Kai’s Fire Spinners等。園內有多個忍者LEGO卡通，打卡一流！
4. Bricktopia 積木王國
園內最多機動設施嘅區域，包括咖啡杯 (DJ’s Dizzy Disco Spin)、LEGO版旋轉木馬 (Brick Party)、積木火車 (DUPLO Express)，以及享受Free Fall快感嘅 Monkey Climb等等。而夏日炎炎，幼兒更可以到DUPLO® Splash玩水解暑。呢到嘅標誌性建築就係樂園觀景台 (LEGO® Lookout)，可以企係樂園最高處 (43米高) 360度俯瞰整個LEGOLAND。另外仲有每日固定時間演出嘅LEGO® NINJAGO® Live，如果撞啱時間不妨過嚟欣賞下表演！
5. LEGO Castle 樂高城堡
LEGO嘅經典獅子騎士城堡重現大家眼前！必玩嘅人氣設施雲霄飛車 (The Dragon)同埋梅林挑戰 (Merlin’s Challenge)都係呢區，而較為輕鬆、適合小朋友嘅機動設施就可以揀騎下木馬 (Royal Joust)或者玩梅林魔法啟動列車 (Merlin’s Flying Machines)。另外LEGO Castle更設Prize Every Time付費遊戲攤位，邊玩邊贏取公仔做紀念品！
6. PIRATE SHORES 海盜之海
以海盜為主題嘅園區，主打消暑嘅玩水遊樂設施。必玩Splash Battle水槍大戰，遊客可以坐上小小嘅海盜船，岸上岸下嚟返埋激烈嘅水仗！更設有巨型海盜船、積木鱷魚等藝術裝置俾大家影相打卡。
7. Miniland 迷你樂園
Miniland係每個LEGOLAND樂園嘅核心，入面嘅LEGO城市及旅遊景點積木象徵住LEGOLAND所在嘅國家，面位於韓國LEGOLAND嘅Miniland就充滿韓國特色啦！由馬來西亞的專員實地考察，花費一年半的時間，以 700 萬個積木打造韓國首爾景福宮、汝矣島、青瓦台、南山塔、釜山海雲台、慶州佛國寺及襄陽洛山寺、江原道、濟州島等多個城市的標誌性旅遊景點。嚟韓國LEGOLAND一定要去朝聖打卡！
韓國樂高樂園門票優惠：
票價有分平日和星期六日，星期一至五入園會平一些，所以安排行程時，如果可以就平日黎，少啲人又可以平啲，而明洞、東大門購物區就可以安排星期六日先去逛。
1日門票
網上預約：平日成人₩50,000 (即約港幣 $288 ) 、小童₩40,000 (即約港幣 $230)。星期六、日成人₩60,000 (即約港幣 $330 )、小童₩45,000 (即約港幣 $261)
現場購買：成人₩60,000 、兒童₩50,000 （現場購買門票會比網上貴）
因為到達現場才買門票，票價會比網上買貴一些，而且只售當天餘下的名額，所以建議大家還是預早計劃行程，早一至二日上網預先買定飛，之後用 QR Code 就直接入到場。入場當天，未滿 2 歲（24個月）的嬰兒可以免費入場。13 歲以上就計成人票。
▼ 門票購票網址 ▼
https://hk.trip.com/things-to-do/detail/45607870/?allianceid=
行程安排
剛才在交通資訊的部份已提到，韓國樂高樂園 Legoland 離市中心的確幾遠，去到春川站仲要等 Shuttle Bus，計番最少要用 1.5 至 2 小時時間先可以入到樂園度玩。所以行程安排有幾個建議
- 提早一晚先去入住 Lego Land 酒店，咁第二朝就唔洗咁早起身，可以食完早餐，輕輕鬆鬆出發入園去玩。
- Klook 和 KKday 有韓國樂高樂園 Legoland 一日遊團，可以選擇跟團，行程早上會先去南怡島，下午才去韓國樂高樂園，好處係一日可以去晒兩個景點 （南怡島 + Legoland），而且有專車接送，行程早上 08:30 會由明洞出發，10 點到達南怡島自由活動，然後下午 2 點到達樂高樂園自由活動，晚上 6 點離開，大約晚上 7 點半返到明洞站/弘大入口站。好處係有專車坐，壞處就係樂高樂園 Legoland 只有半日玩，看看大家取捨了。
- 另一選擇是你可以包車，一次過去南怡島 + Legoland，跟上面的分別是，自己包一架車，唔需要有其它團的客人，包車一日價錢 HK$1,845，唔係平，但如果兩家人 Share 就唔貴，最多可坐 6 至 8 個人，就坐得舒服啲。
私人包車：https://www.kkday.com/zh-hk/product/102551?cid=2058&ud1=LEGOLANDKR
KLOOK
樂高樂園+南怡島/草泥馬樂園：HKD$724 (大小同價)
訂購網址：https://www.klook.com/zh-HK/activity/73276?aid=16&aff_ext=LEGOLANDKR
KKDAY
樂高樂園+南怡島：成人HKD$742、小童HKD$769
樂高樂園+草泥馬樂園：成人HKD$770、小童HKD$728
訂購網址：https://www.kkday.com/zh-tw/product/100160?cid=2058&ud1=LEGOLANDKR
LEGOLAND Korea Resort
地址：江原道春川市下中島街128 / 강원도 춘천시 하중도길 128
開放時間：週一至週四 10am-6pm / 週五至週日10am-7pm
官方網站：https://www.legoland.kr/en/
韓國樂高樂園酒店介紹 (LEGOLAND Korea Resort)
除咗樂園 Legoland 之外，位處正門 Brick Street 隔離仲有個樓高 4 層嘅 LEGOLAND 酒店，一共 154 間主題房，設置 4 個不同主題選擇，包括忍者、海盜、王國及 LEGO 好友。每晚房價約 HKD$2,300 起，套房HKD$3,800 起，最細房型都可以住到 5 個人，一家大細嚟住都無問。
上段提及過，如果唔想小朋友一日內花太多時間舟居勞動，可以考慮第一日先入住酒店，第二日一早去入樂園玩，咁就可以把握多D 時間盡快玩。酒店內仲有唔同設施俾小朋友盡情放電，親子主題酒店唔少得一定有 Playroom，兒童遊樂場，LEGOLAND Korea Resort 本身亦有泳池既，所以住一晚絕對夠晒節目。暫時 Agoda 無得訂 LEGOLAND Korea Resort ，可以去 Expedia 或 Hotels.com 都訂到。
韓國樂高樂園酒店預訂網址：
Expedia
https://www.expedia.com.hk/Chuncheon-Hotels-LEGOLAND-Korea-Hotel.h76799015.Hotel-Information
hotels.com
https://zh.hotels.com/ho2458568480/legoland-korea-hotel-chun-chuan-han-guo/
其它韓國自由行文章
- 韓國樂高樂園 LegoLand 介紹
- 首爾DMZ/板門店 Tour 和預訂方法
- DMZ (非武裝地帶) 和 JSA (板門店) 背景和行程前篇
- 【首爾洪川大明 Vivaldi Park 滑雪體驗】
- 【仁川機場接送】首爾機場超平包車接送體驗
- 首爾 5 大人氣滑雪場介紹
- 首爾明洞黃金鬱金香M酒店
- 韓國 (首爾、釜山) Wifi 蛋使用體驗、HK$12 一日、無限 4G上網不限速，接收良好
- 首爾近郊南怡島、晨靜樹木園一日遊
