【台北新酒店】絲旅台北中山館 2026 年 6 月 17 日開幕！走進《華燈初上》微醺世界，一泊一食 $1,999 台幣（約港幣 HK$500）起
台北中山區又有新酒店登場！晶華酒店集團旗下設計旅店品牌「Just Sleep捷絲旅」正式進駐條通 (「條通」即多指位於台北市中山區南京東路、市民大道、中山北路、新生北路之間的街廓)，最新據點「捷絲旅台北中山館」將於 2026 年 6 月 17 日開幕。酒店以人氣台劇《華燈初上》作為設計靈感，將條通夜生活文化、霓虹燈光與復古摩登元素融入空間之中，打造充滿電影感的微醺旅宿體驗。開幕期間更推出雙人一泊一食每晚 1,999 台幣（約港幣 HK$500）起，CP值相當吸引。
▼預訂網址▼
https://www.justsleephotels.com/zhongshan/tw
▼酒店選址於台北人熟悉的「八條通」，鄰近中山站及林森北路商圈，周邊有大量居酒屋、日本料理店及特色酒吧，充滿濃厚日式氛圍。呢區以前係日治時期高級住宅區「大正町」，而家就成為台北夜生活代表地段之一。今次捷絲旅唔止係開喺條通附近，而係真正將「住進條通文化」作為主題，住客夜晚落樓已經可以感受到條通獨有嘅熱鬧氣氛。
▼「捷絲旅台北中山館」全館提供 50 間客房，每間房都設有對外窗戶，部分高樓層房型更配備陽台，可以直接望到條通街景與夜晚燈火。房間設計延續品牌一貫簡約風格，再加入復古燈光與摩登元素，感覺有種置身《華燈初上》場景入面嘅氛圍感。
▼酒店公共空間以「No Boundary 無界限」作為概念，大堂利用霓虹燈、圓環吊燈與玻璃球燈飾，營造出復古又帶點迷幻感嘅空間。早餐餐廳「Just Café」就融合美式Diner同昭和喫茶店元素，用鮮艷色彩及絲絨座椅打造濃厚電影感，打卡感十足。
除咗設計夠有特色，中山館仲主打年輕旅客最鍾意嘅社交氛圍。日頭大堂係舒適工作及休息空間，夜晚則會變成帶有微醺氣氛嘅交流區。酒店每日仲設有Happy Hour時段，提供多款酒水任飲，喺同級設計旅店之中算係相當少見，啱晒鍾意夜生活或者同朋友小酌嘅旅客。
為慶祝新館開幕，即日起至官網預訂「慶開幕」住房專案，入住日期由 6 月 17 日至 9 月 30 日，可享雙人一泊一食 1,999 台幣（約港幣 HK$500）起優惠價。房客只要下載「晶華會APP」成為會員，入住時出示電子優惠券，仲會額外送出曾獲台北國際牛肉麵節優勝嘅「晶華牛肉麵禮盒」一份。
捷絲旅 台北中山館
地址：台北市中山區中山北路一段135巷39號
▼預訂網址▼
https://www.justsleephotels.com/zhongshan/tw
(adsbygoogle = window.adsbygoogle || []).push({});