北海道遊記 Day 1 – 札幌 ➨ 十字酒店 Cross Hotel ➨ 必食達摩成吉思汗燒肉
北海道紅葉之旅出發喇，我地今次去北海道的目的，其中一個就是去賞紅葉和銀杏，出發之前已經參考過好多日本紅葉前線資料， 10 月中去北海道應該就睇到紅葉，雖然我地今次都見到紅葉，但同我地心目中，滿地紅葉或銀杏既預期，都有少少失落。
北海道行程
Day 1 ：札幌 — > 札幌 Cross Hotel 十字酒店 –> 去食成吉思汗燒肉
Day 2：去層雲峽看紅葉和看雪 –> 札幌蝦蟹合戰
Day 3：定山溪豐平峽看紅葉
Day 4：札幌 — > 函館 –> 朝市 –> 五稜郭公園 –> 函館夜景
Day 5：函館 –>洞爺湖 –> 洞爺湖湖畔亭酒店 –> 洞爺湖看煙花
Day 6：行逛洞爺湖 –> 綠之風酒店
Day 7：綠之風酒店 –> 登別
Day 8：登別花鐘亭花屋旅館 (Kashoutei Hanaya Ryokan) –> 登別商店街 –> 地獄谷
Day 9：登別熊牧場 –> 登別清水屋溫泉旅館 (Oyado Kiyomizuya Onsen)
Day 10：登別 –> 札幌 –> Hotel Resol Trinity–> 大通公園紅葉 –> 電視塔 –> 中島公園
Day 11：北海道大學銀杏 –>小樽 –> 札幌湯咖哩
Day 12：回香港
今次我地坐國泰 Business Class 去札幌，之前可能坐得廉航太多，今次坐 Business 位，就覺得勁闊落，感覺真係好舒服，超級正。
機上面有早餐，不過我地上機前在國泰 Lounge 已經食飽左了，其實唔係好食得落。
由香港去札幌機場，需時 4 個半小時左右。
到達札幌之後，我地就坐 JR 去札幌 Cross Hotel 先 check in ，順便放低行李。
今次住這間 Cross Hotel ，離札幌約步行 5 分鐘，好方便，Cross Hotel 一向我自己都好鐘意，設設前衛，而且房間偏大。
浴室、廁所就在電視機後的暗門裏面
浸浴時仲可以望到少少夜景
房內用高級用品，例如 L’occtane 
房入面部咖啡機，仲俾埋咖啡豆可以即磨。
札幌克羅斯酒店 – Cross Hotel Sapporo
地址：2-23 Kita 2-jo Nishi Chuo-ku Sapporo Hokkaido
預訂網址：https://www.expedia.com.hk/Sapporo-Hotels-Cross-Hotel-Sapporo.h4109028.Hotel-Information
成吉思汗燒肉
放低行李後，其實已經好肚餓，第一晚，我地就去食黎札幌必食既成吉思汗燒肉。
黎到札幌，一定要試下札幌出名的成吉思汗燒肉，成吉思汗肉其實即係羊肉，不過羊肉的羶味不重。
我地由札幌站，坐地鐡來到薄野站，再行大約 5 分，就到達這間達摩成吉思汗 4.4 店，其實札幌食成吉思汗店有很多間，不過這一間達摩成吉思汗 4.4 店，人氣特別旺，所以第一晚就選了這間餐廳。
餐廳就是大家眼見這麼大，我估計大約只有 10 個位左右，我地當晚來，好彩排了 4 個字左右，已經有位。
價錢一 D 都唔貴，招牌既成吉思汗烤羊肉，因為一碟才 785 Yen ，另外一隻上等肉，就 1,080 Yen ，我們先每樣叫一碟試試。
餐牌內只有這兩種肉選擇，實在選擇不多。
一碟只有 3 至 4 舊，所以好少，一碟份量一定唔夠食，最後我地都叫多了三轉才夠飽。
成吉思汗燒肉總算是札幌名物，大家來札幌不妨安排一晚來試試。
【 札幌。達摩成吉思汗蒙古烤肉 】
地址：北海道札幌市中央区南五条西4 クリスタルビル1Ｆ
電話：011-552-6013
營業時間：週一~週四 17:00～3:00、週五~週六17:00～5:00、週日17:00～1:00
交通資訊：札幌地鐵南北線薄野站，徒步五分鐘
地圖連結：點我看 Google Map
食完飯，我地就散步，由薄野步行番 Cross Hotel ，因為明天一早要早起身，所以我地好早就返酒店休息，準備明天行程了。
北海道遊記目錄
