蝦蟹合戰 - 札幌任食皇帝蟹、松葉蟹和毛蟹放題餐廳| 北海道遊記 Day 2
去完層雲峽紅葉谷睇紅葉之後，經過 3 小時終於番到札幌，舟車勞動了半日真係勁攰，所以夜晚一定要食餐好！
去札幌食「蟹」放題，離不開兩間最出名，一間是「難陀」，另一間就是「蝦蟹合戰」。我地開頭在這兩間中掙扎，究竟應去那一間好，兩間都可以食三種名蟹，包括鱈場蟹（即皇帝蟹）、松葉蟹和毛蟹。價錢來說，「難陀」較便宜，但有朋友食過話麻麻地，蟹無鮮味（估唔到咁差），而且難陀係食燒既，我地唔想浪費時間燒，想黎到就食得嗰種。
而且我地一心只諗住食蟹，所以亦好想食好 D，最後就決定去蝦蟹合戰 (えびかに合戦 札幌本店)
蝦蟹合戰地址在薄野區，大家坐地下鐵來到薄野站 ( すすの）後，在 2 號出口離開最近。
離開 2 號出口之後就一直向前走就會到達。
步行 2 分鐘後，枱頭已經見到餐廳的招牌了
蝦蟹合戰餐廳在 12 樓，要坐電梯上 12 樓。我們當日約 6 點來到餐廳，因為沒有訂枱，希望早點到會有枱啦~~
我早就留肚為今餐！我地入去喇~~
好彩無訂枱都有位，餐廳安排了我們坐近窗的最尾位置，叫做有少少風景
這裏有會說中文的服務員！太好了，他還給我們送上中文餐牌。
參考網上 2015 年寫的遊記，當時才 5,000 Yen ，我地 2016 年去已經加了價，最便宜要 6,000 Yen 。
我們想試盡三款名蟹，所以選了 6,500 Yen 的任食套餐。其實 6,500 Yen 的任食套餐有兩款，一套是只有三款蟹，另一款會有一些壽司和天婦羅。全部餐都是限時 90 分鐘，即個半鐘任食。
餐廳第一轉會先送上所有食物，除了有毛蟹、松葉蟹、鱈場蟹之外，還有壽司和天婦羅
蝦蟹合戰這間餐廳價錢越來越貴，但好多人食過都話 D 蟹真係上等貨，我地試過都無失望。
北海道的皇帝蟹中以鱈場蟹的價格最為昂貴，您睇下鱈場蟹個蟹腳幾粗，就知今餐有幾正。
剪開後真係啖啖肉勁甜勁 Juicy
桌上有剪刀，方便大家剪蟹用。
天婦羅既味道真係普普通通，不過蟹夠甜夠新鮮就足夠了。
坦白講 6500 Yen 價錢唔平但真係物有所值，蟹超級新鮮和超級甜，毛蟹超多膏
之後我地我地狂攻鱈場蟹同毛蟹。鱈場蟹就真係啖啖肉，而毛蟹就勁多膏，相片大家可能感受唔到，有興趣就睇片
今餐真係好滿足好正好好好味，我地總共叫多了三轉，已經唔記得食了幾多隻鱈場蟹腳了
蝦蟹合戰 (えびかに合戦札幌店)
地 址：北海道札幌市中央区南4条西5 F－45ビル12F (點此去 Google Map)
電 話：011-210-0411
營業時間：16:00～24:00
食完我地去狸小路行下，然後就返 Cross Hotel 酒店休息，準備第二天要又一大早出發去豐平峽定山溪睇紅葉。
北海道遊記目錄
- 北海道遊記前傳 – 用 Asia Miles 換北海道機票
- 北海道遊記 Day 1 – 札幌 –> 十字酒店 Cross Hotel –> 必食達摩成吉思汗燒肉
- 層雲峽紅葉谷賞紅葉、賞楓記 | 北海道遊記 Day 2
北海道酒店 / 住宿推介
