黃埔海逸君綽酒店辦親子點心派對，成人每位 HK$228 及兒童每位 HK$199 起
平時小朋友成日喺屋企唱住「蒸隻糯米雞，蒸隻糯米雞」，今次終於有機會將首歌變成真實體驗。黃埔海逸君綽酒店旗下海雲天將於 2026 年 7 月 5 日聯同天晴童謠及文生哥哥舉辦全港首個五感沉浸式點心唱遊體驗，讓家長同小朋友一邊聽住《點心歌》，一邊品嚐歌詞入面出現嘅點心，打造一個結合音樂、遊戲、美食同互動表演嘅親子活動。
▼預訂網址▼
https://www.kkday.com/zh-hk/product/580388
活動將於當日上午 11 時 30 分至下午 1 時 30 分喺海雲天舉行，今次特別以森林小動物做主題，大會邀請小朋友打扮成自己最鍾意嘅森林角色出席，例如小獅子、小蜜蜂、小松鼠等，同天晴童謠四位主角一齊參加森林點心派對。現場由文生哥哥及天晴童謠主唱波波姐姐帶領，仲有大型 Mascot 現身同小朋友近距離互動，一齊唱歌、玩遊戲，增加現場氣氛。活動其中一個焦點，就係將《點心歌》入面出現嘅食品化成真實點心套餐，小朋友可以邊聽邊食，將歌曲內容融入味覺體驗。除咗音樂同美食之外，大會亦特設森林小動物 Catwalk 環節，畀小朋友上台展示造型，同家長一齊打卡留念，記錄珍貴親子時光。
入場票早鳥優惠為成人每位 HK$228 及兒童每位 HK$199，已包括音樂會入場券、西炒飯及炒米粉。如果想一邊睇表演一邊歎點心，可以選擇包含點心套餐嘅門票。早鳥優惠價成人每位 HK$308，兒童每位 HK$288。成人套餐包括迷你蟹肉瑤柱灌湯餃、芋角、蝦餃、燒賣、叉燒腸、蝦角、馬拉糕、煎堆仔、西炒飯及炒米粉；兒童套餐則包括芋角、蝦餃、燒賣、蝦角、馬拉糕、煎堆仔、西炒飯及炒米粉。餐單只供參考，以活動當日供應為準。
一家大細出席亦可選購家庭套票。1 大 1 小親子票早鳥優惠價為 HK$598，包括音樂會入場券及點心套餐，套餐包含蒸糯米雞、迷你蟹肉瑤柱灌湯餃、芋角、蝦餃、燒賣、叉燒腸、蝦角、馬拉糕、煎堆仔、西炒飯及炒米粉。至於 2 大 1 小家庭票早鳥優惠價為 HK$888，同樣包括音樂會入場券及點心套餐，套餐份量按家庭人數增加。
海雲天
地址：九龍紅磡德豐街 20 號九龍海逸君綽酒店 2 樓
▼預訂網址▼
https://www.kkday.com/zh-hk/product/580388
(adsbygoogle = window.adsbygoogle || []).push({});