【珠海毛林金灣大酒店住宿攻略】 套票價錢、親子房、交通資訊、兒童樂園詳盡介紹！
文章目錄
簡介
珠海毛林金灣大酒店 (Molin Hotel Resort Zhuhai Jinwan) 2024 年開業，距離港珠澳大橋珠海口岸大約 40 至 45 分鐘車程。酒店有地下一層、地上十三層，有多種房型：行政商務間、親子房、豪華標準間，無論咩類型旅行都啱住！除咗住宿，酒店仲有好多嘢玩，入面有 6,000 平方米嘅冰雪運動城，仲有 4,000 平方米嘅兒童遊樂園，啱晒畀小朋友放電，玩兩日一夜一定夠，酒店有大約 1,200 個停車位，想港車北上揸車去都冇問題。
珠海毛林金灣大酒店預訂網址
▼珠海毛林金灣大酒店 
▼酒店大堂，第一下感覺諗起個成語「金碧輝煌」，裝修設計香港人應該會覺得老土，但地板全部都係天然玉石嚟㗎，土豪風。
毛林金灣套票價錢優惠
- 入住高級高級客房一晚 HK$819 起（已連服務費），包自助早餐、 2 張冰雪運動城票、 2 張兒童遊樂城票等，再送俄羅斯超市 100 元代金券一張及 AIRSIM 無國界上網卡
- 入住親子母嬰主題房或親子汽車主題房一晚HK$1,638 起（已連服務費），包自助早餐、冰雪運動城票、兒童遊樂城票等。
珠海毛林金灣大酒店預訂網址
交通
香港去珠海毛林金灣大酒店，可以坐船或直通巴，先講講坐船。
坐船去珠海九洲港
在上環港澳碼頭，和尖沙咀中港城碼頭，都有船可以坐去珠海九洲港碼頭，船程大約 1 小時 10 分鐘，坐船既好處係，可以網上預先買票，準時，同埋保證有位，假期出發保證有位同埋開船時間準真係好重要（同老人家或小朋友出門有位坐真係好重要！），單程成人每位 $200、小童 $110。
香港去珠海九洲港每日船程時間表
由上環港澳碼頭出發：08:50*、10:30、13:50*、15:30*、17:30*、19:30
由尖沙咀中港城碼頭出發：08:30、11:30*、13:30*、15:10*、17:10、18:50*
請注意，帶有星號(*)的時間，表示該航班經上環港澳碼頭前往珠海九州港/九龍中港城中國客運碼頭
但注意每日上環碼頭和尖沙咀碼頭去珠海的航班只有 6 班（即共 12 班），缺點是時間較疏落。到達珠海九州港碼頭後，只可以選擇叫車或坐的士去珠海毛林金灣大酒店，車費大約 RMB 80。
珠海九州港碼船票預訂網址：
https://www.wingontravel.com/ferry/
珠海金巴
第二個方法，就是經港珠澳大橋，坐金巴。去港珠澳大橋的方法，就是乘坐座城巴機場快線巴士，包括 A11、A21、A22、A23 、A25、A296 ，在港珠澳大橋香港口岸下車，然後轉乘坐金巴，由香港到達珠海橫琴口岸，大概需要 45 分鐘，然後再用手機叫車去珠海毛林金灣大酒店，大約 RMB80 車費。不過留意珠海金巴差不多要 30 分鐘才有一班。金巴就唔需要預早買飛既，坐機場巴士去到口岸，再現場買金巴既飛就OK。而 3 歲或 95 cm 以下，不占座位小童免費。
提提各位爸爸媽媽，每名乘客只可以帶一位行李，包括 BB 車（都叫做一件）。
房型及親子房型
▼古典風格房間，望湖景，好開揚，房間超大有 40㎡空間，很夠用。
▼雪櫃會有 4 支免費樽裝水提供
▼浴室的沐浴用品
▼浴室也非常大，廁所和沐浴間再有門分隔開。
▼再來帶大家看看親子樓層
一進入親子樓層，已經是一個完全不同的裝修，連走廊開始已經盡是色彩賓紛的公仔角式，而酒店有多種主題房選擇，我們當日參觀了幾款主題，包括最受男仔喜歡的車主題房。
▼ 親子車主題房，一共有 9 間，有紅色、黃色、連粉紅色都有，張床都係車造型嚟㗎！
▼ 另外都有女仔會鍾意嘅粉紅色公主題房 
▼親子房特意配備咗帳篷、兒童牙刷牙膏、床圍同細台階等小朋友用品。
酒店泳池
珠海毛林金灣大酒店有兩個泳池，其中「無邊際泳池」係熱門打卡地。呢度可以欣賞景色，呼吸空氣，享受玩水樂趣。兩個泳池都係恆溫，全年開放，仲有救生員。泳池開到夜晚9:30，啱晒一家大細。
兒童樂園介紹
珠海毛林金灣大酒店嘅 3,500 平方米兒童遊樂園，Playhouse有兩層。有波波池，碰碰車，打機， VR，彈床，攀爬，同埋 War game。呢度無論幾多歲，都可以盡情玩。就算唔啱玩，亦都可以隨時返去雪場嗰度玩 。
▼有閘機係門口，唔洗擔心小朋友會走咗去
▼連放鞋區都超大
▼一入去，小朋友已經玩到癲！ 鍾意呢個playroom到爆！
▼裡面都有唔少設施啱家長一齊玩！例如有好多遊戲機，都係唔需要入錢，重點係可以免費玩。
▼籃球機、保齡球大人都玩得好開心！
▼淨係個波波池都夠小朋友玩半日，兩層樓咁高！
▼VR 遊戲，平時起碼都要 100 蚊先玩得15分鐘，呢度可以任玩呀！
▼仲有換裝化妝區，有好多公主裙任穿！
▼攀岩都有
▼小朋友放夠電，夜晚一定會秒睡
▼旁邊仲有按摩椅，不過按摩椅就係付費嘅，家長可以一路睇住啲細路，一路relax下！
▼體適能都有埋
▼發聲鋼琴隧道
▼跳彈床
▼夾公仔機，呢個都係要付費嘅
▼可以揸住部車仔成個樂園周圍走，平時見到商場坐嘅車仔行一圈都要 30 蚊一個人
▼手工區
▼最驚喜係有個war game區，齊曬裝備，
冰雪運動城介紹
珠海毛林金灣大酒店有個 6,000 平方米嘅冰雪運動城，俾大家體驗速度感之餘，仲可以感受吓浪漫嘅氣氛，係珠海獨有嘅冰雪嘉年華！入面仲有雪松秘境同埋童話主題嘅冰雕，仲可以睇吓漫天飛雪嘅南國奇景。大家可以喺度堆雪人影相留念。
▼體感溫度大概10幾度，如果大家怕凍可以免費借外套
▼有溜冰鞋、護膝同頭盔可以免費借
▼唔識溜冰嘅朋友可以拎呢個手推車輔助
▼當日參觀有家長推住嗰小朋友
▼一入門口有隻大恐龍佈景
▼仲可以排隊玩滑梯
▼冰上碰碰車
▼仲有4D劇場，有幾套唔同嘅戲，可以無限睇
▼呢個迷宮絕對有驚喜，推薦大家一定要試下！
▼仲有機動遊戲
▼人造雪場景
▼釣魚遊戲機
▼一行出嚟仲有個超大嗰遊戲廳！ 呢個係付費玩嘅
酒店內其他設施
▼酒店裡面仲有個俄羅斯超市，大家仲可以喺度買埋手信先走
附近商場 + 食店
珠海毛林金灣大酒店與金灣華發商都僅一路之隔，步行約 1 分鐘即可到達。金灣華發商都係珠海區內大型購物中心，勁多餐廳，有西貝、喜茶、KTV、利小館、蛙小俠、火鍋、啫火啫啫煲，總之好多餐廳，就算 Package 無包自助餐，去金灣華發商都一樣有大把餐廳，或者在房內叫美團都可以。
珠海毛林金灣大酒店
地址：廣東省珠海市金灣區三灶鎮金河東路577號
交通：經港珠澳大橋，到達珠海口岸後，用 Didi 叫車行洪鶴大橋高速公路，車程只需 40 分鐘，車費約 $80 元。
▼珠海毛林金灣大酒店預訂網址▼
其它張家界你有興趣的文章
第一日遊記：張家界自由行（DAY 1）｜香港高鐵直達張家界交通，第一日去張家界七十二奇樓景區、溪布街夜市
第二日遊記：張家界之旅（DAY 2）｜ 世界自然遺產 5A 級嘅張家界國家森林公園，袁家界風景區、天子山風景區、必睇嘅大型歌舞演出《千古情》
第三日遊記：張家界之旅（DAY 3）｜天門山國家森林公園、「小江南」芙蓉鎮、鳳凰古城夜景
第四日遊記：張家界之旅（DAY 4）｜鳳凰磁浮觀光快線、鳳凰古城買手信、鳳凰古城高鐵站
張家界酒店推介
【張家界納佰利凱悅悠選酒店】距離索溪峪、天子山以及武陵源購物中心只需 5 分鐘車程，張家界最新最大的一間五星酒店
珠海長隆宇宙飛船攻略
珠海長隆
珠海長隆交通篇
【珠海毛林金灣大酒店住宿攻略】 套票價錢、親子房、交通資訊、兒童樂園詳盡介紹！
新手讀懂 - 廣州長隆攻略文章
- 【廣州長隆攻略】套票邊度訂？ 點去最快？ 有幾多個樂園？住邊間酒店好？
- 廣州長隆三間酒店點揀好？一篇分析位置、設施和性價比！
- 【廣州長隆酒店介紹】附交通、酒店設施、房型介紹、套票選擇
- 長隆熊貓酒店詳盡入住遊記
- 【廣州長隆歡樂世界攻略】附門票 / 地圖 /必玩設施 / 交通方法 / 酒店 / 玩後感
- 【廣州長隆動物園攻略】香港點去長隆最方便？ 有咩動物睇？套票邊度買最便宜？
- 【廣州長隆國際大馬戲介紹】值唔值得睇？一等坐未必最好既位置
- 【廣州長隆水上樂園優惠】成人門票只需 HK$75、五一都有特惠門票，兒童/長者/青少年票 HK$75 起！
- 分享香港去廣州長隆 5 個交通方法
