2024 年 6 月 15 日起，西九龍香港高鐵有直達張家界嘅高鐵路線啦！從香港出發，高鐵最快 6 小時 22 分鐘就可以直達張家界西站，真係非常方便！小編今次有幸搭第一班去張家界嘅高鐵，順便分享一下 4 日 3 夜張家界行程。

行程安排

俾第一日行程大家參考一下

早上 8:30  (坐高鐵出發)
由香港西九龍高鐵站出發，搭高鐵去張家界西站。全程大約需時 6 小時 22 分鐘。大家記得最少要提前一個鐘頭過關呀，過關前，有間七十一便利店同華御結，大家可以買咗早餐先上車。（購買網址按此）

下午 2:52
到達張家界西站。出站口會有廁所，建議大家去咗廁所先。出站後，搭大約 7 分鐘嘅車去張家界七十二奇樓景區。

下午 3:30 – 5:30  (參觀第一個景點：張家界七十二奇樓景)
參觀張家界七十二奇樓景區。呢個景區設計獨特，中間有個高 38 米嘅大門洞，與千米之外嘅天門山相互呼應。遊覽奇樓，感受張家界獨特嘅建築魅力。（購買網址按此）

晚上 6:00 （返酒店 Checkin）
入住張家界納佰利凱悅悠選酒店。呢間酒店位於武陵源風景名勝區嘅核心地帶，距離索溪峪同天子山自然保護區只需 5 分鐘車程，係旅遊休閒度假嘅理想選擇。張家界納佰利凱悅悠選酒店提供豪華嘅住宿環境，最平預訂高級大床房一晚只需 HK$613 起（已連服務費）。（購買網址按此）

晚上 9:00 （晚飯後去夜市）
前往溪布街夜市，呢度係張家界武陵源最著名嘅商業步行街。夜市燈火通明，各種少數民族手工藝品商店同美食小巷應有盡有。喺呢度，你唔單止可以享受美食，仲可以睇民俗表演。最緊要係有好多按摩鋪頭，價錢大概 人民幣 60 元起按一個鐘，提提大家，買嘢之前都可以講下價！

交通資訊

香港去張家界高鐵價錢
香港西九龍高鐵站到張家界西站嘅高鐵票價如下：

• 二等座：HK$844
• 一等座：HK$1,348
• 商務座：HK$2,648

香港去張家界高鐵時間
從香港西九龍高鐵站到張家界西站嘅高鐵行程係 6 小時 22 分鐘，早上 8 點半出發，下午 2 點 52 分到達。

張家界西綫沿途新增 6 個站點，包括張家界西站，呢度鄰近多個靚到似人間仙境嘅聯合國世界自然遺產景區，好似天門山、索溪峪、天子山自然保護區、張家界森林公園等。鳳凰古城站就喺歷史悠久嘅鳳凰古城附近，有磁浮觀光快線連接鳳凰古城入口，方便遊覽吊腳樓、鳳凰虹橋等特色建築，仲可以租借少數民族服飾，沉浸式體驗水鄉古鎮嘅情懷。

路綫：香港西九龍 – 深圳北 – 虎門 – 廣州南 – 郴州西 – 衡陽東 – 邵陽* – 洞口* – 懷化南* – 鳳凰古城* – 吉首東* – 張家界西*
高鐵購買網址：
https://hk.trip.com/trains/china/route/shenzhen-to-zhangjiajie/

開始

▼好多人成日問坐高鐵要提早幾時間入閘，其實好視乎當日人數，又或者是假期等因數，最安排就是提早 1.5 小時就最好。今次坐早上 8:30 的列車，即是 7  點要到高鐵站，6 點就要起身。今次小編坐嘅係二等座。

▼沿途風景都超靚，建議大家買坐窗邊嘅位置

▼午餐係高鐵上面食，味道就一般般，食唔慣建議大家最好自己準備杯麵，高鐵上面有熱水提供

▼今次仲要係第一班去張家界嘅高鐵，途中仲有苗族嘅表演，唱山歌等。

▼張家界西站內

▼張家界西站

張家界七十二奇樓景區

到達張家界西站後，我地並沒有第一時間返酒店，返而係去咗離車站 7 分鐘既張家界七十二奇樓景區，七十二奇樓景區耗資 10 億元人民幣興建， 2022 年 8 月 30 日先新開。位於張家界市永定區武陵山大道，幾乎一落高鐵轉眼就可以到達。

「七十二奇樓」設計獨特，中央有個高 38 米、闊 28 米嘅方形門洞，剛好同千米之外嘅張家界另一大熱景點「天門山」嘅「天門洞」遙相呼應。有咗「七十二奇樓」，以後去張家界除咗可以睇山，探訪「天門山」同「天子山」《阿凡達》峰林原型之外，夜晚仲可以逛奇樓，實行「白天睇景，晚上睇樓」，裡面仲有好多各式嘅小食同奶茶舖，門口仲有間茶顏悅色，但大家要預時買呀，今次小編要等 40 分鐘以上，今次飲唔到添！

七十二奇樓係要買門票先入得，日間票 $21，夜間票 $95  (因為張家界「七十二奇樓」係美食不夜城，很多店反而夜晚先開，所以夜晚入場會貴D )，購買網址：
https://www.klook.com/zh-HK/activity/114144-zhangjiajie-seventy-two-wonderful-towers/?aid=16&aff_ext=zhangjiajie

▼七十二奇樓

▼中央有個高 38 米、闊 28 米嘅方形門洞，剛好同千米之外嘅張家界另一大熱景點「天門山」嘅「天門洞」遙相呼應

▼二樓仲有博物館可以行

▼可以試下傳統嘅雪條

▼回民小吃街，但日頭好多無開，張家界「七十二奇樓」係美食不夜城

▼買咗杯酸梅湯解暑

▼仲有間賣硃砂嘅手信鋪

酒店 Checkin

行完張家界「七十二奇樓」，我地就去酒店 Checkin，張家界納佰利凱悅悠選酒店係張家界其中一間最好嘅酒店，酒店位於世界自然遺產地——張家界武陵源風景名勝區嘅核心地帶，因為酒店上年先完成番新，整理感覺都好滿意，預訂在查房價可以上 Trip.com：https://hk.trip.com/hotels/zhangjiajie-hotel-detail-6747875/crowne-plaza-zhangjiajie-wulingyuan/

晚餐

今次係港鐵組織嘅 Media Trip，第一日嘅歡迎晚宴係張家界納佰利凱悅悠選酒店食。為咗遷就香港人口味，大多數菜都係唔辣嘅。

▼呢個晚宴真係好豐富，唔單止遷就咗香港人嘅口味，仲充滿咗當地嘅特色美食。

▼娃娃魚係當地出名嘅菜色

張家界溪布街夜市

食完晚飯，我地仲去了「溪布街」夜市行下，溪布街係張家界武陵源最著名嘅商業步行街，有酒吧街、購物街、客棧民宿街、美食小吃街同娛樂廣場等區域。呢條街依河而建，有吊腳樓群、石板路同周圍群山，宛如詩畫田園。溪布街每日早 6 點至晚 10 點營業，免費入場，夜晚嘅溪布街燈火通明，熱鬧非凡，有各種少數民族手工藝品商店同美食小巷，係遊客享受美食同民俗表演嘅好地方。喺張家界納佰利凱悅悠選酒店搭的士過去只需 5 分鐘，車費大概人民幣 6 至 7 元。

▼溪布街的原味小巷，號稱「一條小巷食遍全湖南」，有數唔清嘅美食：麻糖、鴨脖、花生米、老長沙滷蝦、湖南武岡血漿鴨、陳某人臭豆腐、青蛙餅、各種燒烤、甜品等

▼返嚟大陸點少得食街邊檔嘅炒粉麵、燒烤

▼呢間豬腦殼涼皮好食

▼黑白臭豆腐

最後我地返到酒店房都已經接近 1 點，拿拿臨沖涼就上床瞓覺，準備第日行程了。對張家界行程有問題，大家不妨留意發問，答到會盡量答你。

下一篇 Day 2 : https://www.runhotel.hk/bayarea/zhangjiajie-day2/

張家界之旅相關文章

其它張家界你有興趣的文章

第一日遊記：張家界自由行（DAY 1）｜香港高鐵直達張家界交通，第一日去張家界七十二奇樓景區、溪布街夜市
第二日遊記：張家界之旅（DAY 2）｜ 世界自然遺產 5A 級嘅張家界國家森林公園，袁家界風景區、天子山風景區、必睇嘅大型歌舞演出《千古情》
第三日遊記：張家界之旅（DAY 3）｜天門山國家森林公園、「小江南」芙蓉鎮、鳳凰古城夜景
第四日遊記：張家界之旅（DAY 4）｜鳳凰磁浮觀光快線、鳳凰古城買手信、鳳凰古城高鐵站

張家界酒店推介

【張家界納佰利凱悅悠選酒店】距離索溪峪、天子山以及武陵源購物中心只需 5 分鐘車程，張家界最新最大的一間五星酒店