離開珠海橫琴長隆海洋王國之後，我地就坐免費 Shuttle Bus 去橫琴灣酒店。橫琴灣酒店是珠海橫琴定位最高級的酒店，而酒店內有一個水上樂園，住客可以免費入場，所以我就訂了這間，第二天在 Checkout 前可以去水上樂園玩玩。

到達酒店之後，第一時間當然去「珊瑚」餐廳食自助晚餐。大陸酒店的自助餐真的很少試，不知會不會有生蠔呢？

大陸的自助餐跟香港不一樣，很多也是先付款才可以進場，我們在網上先購買的自助餐券，在 Reception 前有部自助取票機，用 QR Code 掃一下就取到票了。成人價錢每位 HK$310。

自助餐購買網址：https://www.klook.com/zh-TW/activity/2924-hengqin-chimelong-coral-hotel-buffet-macau/

入到場，地方好大好多食物，不過就無生蠔，而每人會派一個籌碼，用籌碼可以換取燒波士頓龍蝦半隻。

冰鮮海鮮雖然沒有生蠔，但有長腳蟹、龍蝦鉗、螺、聖子等等都好鮮甜，可惜是龍蝦鉗我想攞時已經俾人搶晒。

壽司和刺身都有很多款選擇，最難得是有象拔蚌刺身！

雖然沒有即開生蠔，但就有焗蠔

之後熱食都有好多選擇，例如有蒸紅珊蚌、蒸蟹、蒸青口

其他中式食品都有好多

場內飲品果汁任飲，唔似得香港酒店自助餐，有 D 飲品又要另計。 

仲有竹蔗茅根、玉米汁、淮山汁

生果

甜品
全個 Buffet ，甜品真的最失望，除了選擇少之外，味道都是好一般，唯一可取之處是甜品是跟海洋做主題。

大家又知不知為何這間餐廳叫「珊瑚餐」廳呢？其實就是橫琴灣酒店自助餐的餐廳裏面有一個很大的魚缸，內還有很多珊瑚和魚，大家可以一邊品嘗著美食，一邊欣賞魚，哈哈。

橫琴灣酒店房間
食到飽我地就返上房喇。本身我地閒日去，橫琴灣酒店其實不用一千元一晚就訂到，但我地又想望下海景，所以俾貴少少就訂海景房。(只可惜當日陰天)

橫琴灣可以透過永安旅遊訂房：
https://hotels.wingontravel.com/detail-zhuhai-31-707999/chimelong-hengqin-bay-hotel/

間酒店光猛舒服，內裏仲有好多海洋特別的佈置

最鐘意床頭有一本海洋的兒童書，講今日我們在珠海橫琴長隆海洋王國看過的海生物的小知識，例如唔講唔知其實企鵝有好多種，今日看過的其中一種在南非，佢地呢種企鵝唔凍得，反而低過 15 度就會感冒。

枕頭都有幾種選擇。

浴室都好大架，有花灑有浴缸。

全套浴室用品

好好睡一覺，明天玩埋橫琴灣酒店個水世界水上樂園就返香港 Lu ~~~

上一篇：https://www.runhotel.hk/Chimelong-Ocean-Kingdom-blog
下一篇：https://www.runhotel.hk/Hengqinbayhotel-pool

文章有用連結
1. 珊瑚餐廳自助餐預訂網址： 自助午餐 HK$218、自助晚餐 HK$310
https://www.klook.com/zh-TW/activity/2924-hengqin-chimelong-coral-hotel-buffet-macau/

2. 橫琴灣酒店預訂網址：
https://hotels.wingontravel.com/detail-zhuhai-31-707999/chimelong-hengqin-bay-hotel/

珠海橫琴長隆文章遊記：

• 珠海橫琴長隆海洋王國詳細介紹和攻略
• 珠海橫琴長隆海洋王國遊記，近距離看北極熊、帝企鵝、超正的 5D 城堡影院  (Day1)
• 橫琴灣酒店房間和橫琴灣酒店自助餐 (Day1)
• 橫琴灣酒店水世界 (Day2)
• 企鵝酒店自助餐 (Day2)

────── 相關文章 ──────

珠海橫琴長隆海洋王國詳細介紹和攻略

珠海橫琴長隆海洋王國遊記，近距離看北極熊、帝企鵝、超正的 5D 城堡影院