美國連鎖超市 Costco（開市客）2024 年 1 月 12 日喺深圳開設首間旗艦店，深圳 Costco 地點選喺龍華區民達路 68 號。深圳 Costco 超市占地 15,000 平方米，四層高，提供大約 4,000 種不同商品，包括食品、家庭必需品、小型家電、玩具同埋健康美容商品等等。由於好多商品都係大包裝，所以購買前最好有清單，以免買多咗​​。

深圳除咗 Costco，深圳山姆都係勁吸引香港人，詳細介紹：【深圳山姆超市介紹】交通攻略、會籍辦理流程、必買推介、分店地址

Costco會員制度 (需會員才能入店)

Costco 係會員制超市，要入內購物必須成為會員。會員卡全球通用，分店遍佈 14 個地區，超過 870 個賣場可以用。會員分為金星同企業級別，金星會員要年滿 18 歲，並通過 Costco 審核個人資料，即可獲發一張主卡同一張免費嘅家庭卡，家庭卡可供其他同住家庭成員使用。企業會員入會必須年滿18歲，並且符合一定條件，最多可以申請 6 張副卡，但要提交相關證明文件​​。

入會程序同優惠

入會可透過Costco微信小程序或下載 Costco App 申請。開業前登記成為會員，入會費會由原價 ¥299 元減至 ¥199，有效期由深圳會員店開業之日起計 12 個月。另外，透過 Costco手機應用程式或微信小程序開通自動續費，次年會費即減¥60​​​​。而 Costco 會員是全球制的，即申請後所有 Costco 分店都可以進入。

交通方法

交通方面，深圳 Costco 位於龍華區，可從深圳北站乘搭的士前往，車程約 5 至 10 分鐘，或者乘坐地鐵 4 或 6 號線至紅山站，從 B 出口步行3分鐘即到。超市設有 3 層室內停車場及 1 個室外停車場，提供近1,000個停車位，並設有電動車充電站​​​​。

推介商品

深圳 Costco 嘅貨品選擇非常多，可以分為 26 個購物區，包括麵包部、西式餐飲、熟食、生鮮肉品/海鮮、新鮮蔬果、冷凍/冷藏食品、酒品、點心/糖果、季節性商品、食品、小家電、家紡/家居用品/家具、五金工具/儲物用品、園藝用品、運動用品、汽車百貨、雜貨、服飾、珠寶/手表、保健美容用品、辦公用品、電腦/電子產品等等，甚至有埋年貨區方便大家辦年貨。

Costo 同超受歡迎嘅山姆超市一樣，都係主打大包裝大份量嘅產品，優點係份量大、價錢又平，加上有好多特色產品而吸引唔少客人。當中以冷凍食品最受歡迎，有太二酸菜魚、馬來西亞肉骨茶、火辣雞蛋黃醬飯、松屋牛肉飯等等，都好多人搶購。同時仲有各種新鮮麵包、各種零食乾果，甚至有各種玩具同家品。另外，深圳 Costo 都有即場試食，可以邊掃貨邊醫肚喇！

想輕鬆去 Costco 掃貨？KKday 有包車一天遊 (坐 7 人商務專車)，提供埋會員資格，全程私人專車接送，粵語管家全程協助，仲可以去埋歡樂港灣，每位只需 HK$199，預訂網址：https://www.kkday.com/zh-hk/product/159680?cid=2058&ud1=costco

深圳酒店推介：【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店| 【深圳康萊德酒店介紹】| 【深圳南山香格里拉】| 【深圳憬居酒店】【深圳四季酒店住宿優惠】| 【深圳親子酒店大集合】| 【深圳威尼斯英迪格酒店】

相關連結：【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介！