【深圳山姆超市介紹】交通攻略、會籍辦理流程、必買推介、分店地址
開關之後,大家都好中意北上 shopping 食嘢!小編最中意就係去行內地嘅超市,今次同大家介紹大型倉儲式超市,深圳山姆超市!先簡單介紹一下,「山姆超市」為美國零售商沃爾瑪公司(Walmart)旗下的大型倉儲式超市,即係入面既貨,以平價,大份,同平價見稱,除了一般美食、家居用品,還有户外運動器材及用品、寵物用品、大型兒童玩具都有得賣。提提大家,如想去深圳山姆超市掃貨,就要俾人民幣 ¥260 年費先可以做會員。
山姆會員商店會籍辦理流程
- 攜個人身份證或者有效證件(回鄉證)
- 事先申請一個內地電話號碼
- 山姆會員卡繳納年費 ¥260
- 成功辦理後可獲主卡和親友卡各一張
會費有兩種︰普通會員 ¥260 一年或卓越會員 ¥680 一年,兩款會員都係有一張主卡同一張親友副卡(實際係兩個獨立戶口,可以當作入會買一送一),一張會員卡持卡人可以帶三個朋友入場,親友卡都需要現場實名登記(如果未知道親友卡比邊個朋友持有,可以下次再登記都得)。
即場入會過程︰
- 需下載「山姆會員商店App」 (建議大家可以去之前下載先)
- 準備一個可於國內收到信息嘅國內手機號碼,親身到任何一間山姆辦理,職員會即時收你會費(WeChat Pay / 支付寶都可以)。
- 之後會即場幫你影相放入 App﹐同埋會幫你做會員認証(此時會有需要收 SMS),親友卡入會流程如上。
山姆慳錢入會攻略!
如果諗住唔係成日去山姆,覺得俾錢入會好唔著數,仲有咩方法呢?另類方法就是參加「旅行團」,永安旅遊有山姆團,暫時係最抵之一,二人同遊,每人只需 HK$599,送一年山姆會籍,又送大豆養生被添,全個行程包 5 餐,入住惠東巽寮灣華美達酒店一晚, 所以係好抵既。預訂網址:
https://www.wingontravel.com/tours/detail/shenzhentravel-683-18731
跟團好處
- 平!自己無可以訂到咁平
- 包晒交通,仲可以去埋其它景點
- 有山姆會籍送
跟團缺點
- 但要指定日子出發,要報名,無得即興上去
- 要住一晚,又要跟行程,無得只係去山姆就走
更多資料參考:全港深圳山姆旅行團 / Costo 旅行團資料一覽
分店詳情
深圳山姆超市有四間分店,其中旗艦店位於深圳前海,佔地超過 32 萬呎最大間,2023 年 6月才新開幕,所以最受歡迎。而前海山姆旗艦店因為沒有地下鐵,建議大家可以坐環島中港通巴士,可以香港一程車直到前海山姆旗艦店 (下段會有詳細攻略)。
四間分店地址如下:
山姆會員商店(前海店)深圳首家旗艦店
地址:深圳南山區怡海大道5246號
交通:地鐵 1 號線鯉魚門站 A 出口,步行 13 分鐘後到達
環島中港通巴士預訂網址:https://www.kkday.com/zh-hk/transportation/greater-bay-area?cid=2058&ud1=shenzhentransportation
山姆會員商店(深國投廣場店)
地址:深圳市福田區香蜜湖街道竹園社區農林路69號印力中心1-2樓
交通:地鐵 2 號線僑香站 A 出口,步行 10 分鐘後到達
可透過 klook 購買直通巴,單程 $65,但買來回,每程只需 $50 (慳足 $15 蚊)
購買網址:https://www.klook.com/zh-HK/activity/104630-hk-bus-shenzhen-sams-club/?aid=16&aff_ext=samclub
山姆會員商店(COCO Park 店)
地址:深圳市龍崗區愛南路666號星河時代購物公園 B1 和 B2
交通:地鐵 3 號線大運站 12 出口,步行 12 分鐘後到達
山姆會員商店(龍華店)
地址:梅龍大道1111號
交通:地鐵 6 號線上芬站 D 出口,轉乘 B886 巴士搭到壹成中心一區公交首末站,步行 4 分鐘後到達
中旅有直通巴到龍華店,單程 $40
購買網址:https://www.klook.com/zh-HK/activity/106661-cts-shenzhen-bus/
▼ 今次小編就去咗山姆會員商店(前海店),超大間,行足三個鐘都覺得未行夠!呢間山姆成間商場咁,二樓有餐廳同奶茶店,慢慢食飽,再買杯奶茶拎入去一路行一路飲都得!提提大家由鯉魚門站行去都幾遠,如果一班人去 Share 車費,打車去舒服好多。
▼係入口就要推車啦,上到去就無手推車㗎,部手推車超大!見到坐三個小朋友都無問題,最重要仲好好推!
▼二樓有餐廳同奶茶店,慢慢食飽,再買杯奶茶拎入去一路行一路飲都得
▼雖然山姆場內超大,但指示全部都好清晰,好好行
▼果蔬冷藏區同雞蛋、乳製品、果汁冷藏區超凍,要諗好有咩要買就直接入去拎,凍到無得喺裡面慢慢行慢慢睇
山姆會員商店必買
山姆超市貨品種類海量,花多眼亂,以下係小編整理嘅網民評選必買零食、糕點、飲品、熟食、甜品推介!大家可以參考一下:
- 原味麻薯 RMB¥35.8
- 黃油大羊角面包 RMB¥29.8
- 雜糧奶酪包 RMB¥39.8
- 蛋黃酥 RMB¥49.8
- 芝士夾心餅幹 RMB¥59.8
- 太陽餅 RMB¥69.8
- 黃油雞蛋卷 RMB¥69.8
- Tafe牛乳軟心蛋糕 RMB¥59.8
- 麥維他巧克力球 RMB¥79
- 小青檸汁 RMB¥49.9
- 祕魯藍莓 RMB¥79.9
- 蒲燒鰻魚 RMB¥88
- MM番茄肉醬意大利面 RMB¥49.9
- 烤牛肉卷 RMB¥20
圖片來自小紅書
交通攻略
去完深圳山姆超市掃貨,點樣攞番香港都係一個問題。小編就俾小小建議大家。
Call 中港車
最舒服簡單,可以叫中港車,同大家介紹一個合法的平台,中港澳叫車平台「跨 28」,只要透過手機App「跨 28」叫車,輸入出發旅遊地點同時間,就可以輕鬆安排車由香港接載到深圳、大陸,澳門或珠海指定地點。「跨 28」車費跟據距離計算,所以價錢視乎地點,例如由深圳前海山姆出發,每車最多可坐 6 人,太子收費 HK$1,078,屯門收費 HK$890、荃灣收費 HK$926。
用以下連結下載「跨 28」,首 5 程有折扣:https://kua28.app/login.jsp?device_type=1&parent=58564854842248
「跨 28」介紹:https://www.runhotel.hk/bayarea/kua28/
永東巴士 (前往福田印力中心山姆店)
由 2024 年 1 月開始,永東仍有提供直通巴,鑽石山、旺角、尖沙咀、荃灣可以去到深圳福田印力中心山姆,可攜帶 1 件 10kg 標準行李 + 1件手提行李,單程 $65,但買來回,每程只需 $50 (慳足 $15 蚊)
購買網址:https://www.klook.com/zh-HK/activity/104630-hk-bus-shenzhen-sams-club/?aid=16&aff_ext=samclub
時門表
環島中港通巴士
由 2023 年 10 月開始,環島中港通巴士已經開通深圳前海山姆超市站,現時每日有 3 個時間出發和回程。香港上落站點有:太子砵蘭街、尖沙咀海港城、旺角朗豪坊、深圳灣(香港段上)、大圍、沙田、荃灣德海街、AIRSIDE、將軍澳健明邨、將軍澳東港城、油塘大本型、牛頭角下邨、裕民坊凱匯(觀塘港鐵站)、觀塘馬蹄徑、黃大仙中心、上環信德中心、灣仔史釗域道、銅鑼灣時代廣場。直通車仲可以放行李,大家拖急上去買,都可以一程車上,一程車落直接番到香港。
唯一要考慮是環島中港通巴士暫時每日班次不太多,以太子砵蘭街上車去程為例,去程有三班車, 07:45 / 11:45 / 17:45 ,回程由深圳前海山姆上車,喺太子上海街落車,回程有四班車,回程時間給大家參考, 8:00 / 14:00 / 16:50 / 20:20 ,環島中港通巴士車票可透過 KKday 網站購買,車費單程 60 元,來回 110 元。
預訂網址:https://www.kkday.com/zh-hk/transportation/greater-bay-area?cid=2058&ud1=shenzhentransportation
❇❇❇ 網上很多資料,都寫有關歡樂港灣開通深圳前海山姆店的直通巴士,其實這架直通巴士,就是上文提到的環島中港通巴士直通巴,購票方法如上。
購物攻略慳錢秘技
隱藏英文字母
- A標誌 – 常規產品
- C標誌 – 清倉產品 *若是食品的話記得留意保質期
- D標誌 – 即將下架的產品
- S標誌 – 季節性產品,過了季就會下架(如水果/長腳蟹)
- O標誌 – 性價比高的寶藏產品,價格通常比街外平,非常值得購買
- MM產品 – 山姆獨家產品
價錢牌顏色
- 黃色 – 促銷折扣產品
- 橙色 – 多買多減產品
- 綠色 – 有機產品
山姆附近酒店介紹
前海山姆旗艦店附近,有兩間酒店值得推介,如果大家想近近地住一晚可以考慮,新開業五星級酒店有深圳康萊德酒店,酒店離前海山姆 9 分鐘車程,離酒店一分鐘就是前海壹方匯,和前海卓悅 In Town,前海卓悅 In Town有非常多餐廳,找食非常方便。預訂網址:https://hk.trip.com/hotels/shenzhen-hotel-detail-107779573/conrad-shenzhen/?allianceid=282251&sid=730504
另一間較便宜,大約 7 百至 9 百一晚有南山前海亞朵 S 酒店,設施設備齊全,酒店環境整潔,優雅又不失格調。預訂網址:https://hk.trip.com/hotels/shenzhen-hotel-detail-602653/south-china-laguna-hotel/
有關深圳、大陸既旅遊討論,分享,大家可以加入「香港人深圳、大陸討論區」 :https://www.runhotel.hk/ask/
其它深圳兒童景點介紹:【深圳室內兒童遊樂場指南】| 深圳親子景點、好去處 | 【深圳親子酒店大集合】全深圳最強 9 大親子酒店推介
相關連結:【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐、深圳放題餐廳推介!