【深圳動物園攻略】開放時間/ 港澳居民門票優惠 / 交通方式 / 附近酒店 / 套票

【深圳動物園攻略】開放時間/ 港澳居民門票優惠 / 交通方式 / 附近酒店 / 套票

通左關,大家準備出發北上玩未?深圳野生動物園為咗慶祝中港澳通關,港澳居民門票只需 HK$99 (可按此透過 Klook 購買),70歲以上的老人憑身份證免費入園!深圳動物園有 300 多種類嘅動物,地方超大,包括有華南虎、金絲猴、東北虎、火烈鳥、麥哲倫企鵝、長頸鹿、斑馬、亞洲象、丹頂鶴及犀牛等,仲有動物園自己繁殖嘅獅虎獸、虎獅獸等。可以親身參與飼餵,係深圳親子遊嘅好去處。

深圳動物園行程最少都要預大半日,如果只係想輕輕鬆鬆睇動物,之後就去行商場,近年深圳某些商場都有小型動物園,咁就可以在冷氣環境中親親小物動,有興趣可以參考「Lollypet 寵萌樂園介紹」。

▼深圳動物園門票購買網址▼
klook: https://www.klook.com/zh-HK/activity/51915-shen-zhen-safari-park/
kkday: https://www.kkday.com/zh-hk/product/29259

(記得去之前買左飛先,去到現場買正價票要 $200 )

 

 

深圳野生動物園簡介

深圳野生動物園位於深圳南山區,喺 1993 年落成,係一間放養式嘅動物園,跳出中國國內城市普遍採用嘅籠養模式,園內嘅動物都可以喺開闊嘅地方自由活動,盡量接近牠們原本嘅生態環境。整個園區約六十四萬平方米,並劃分為三個園區:食草動物區、猛獸谷和表演區。

 

深圳野生動物園交通安排

香港點樣去深圳野生動物園最方便呢?因為暫時還未有香港直通巴士可以去到深圳野生動物園(以前中旅有香港直通巴士,但開關之後已經不再設有這條路線)。所以現時去深圳野生動物園,建議都係坐深圳地鐵或叫車。

深圳地鐵

  • 從羅湖出發,坐 1 號線羅寶線 (機場東方向),坐 10 個站到達車公廟站,再轉 7 號線西麗線 (西湖方向) 坐 9 個站到達西麗湖站落車,B 出步行 5 百米就會到達深圳野生動物園門口。需時大約 一小時。
  • 從福田山岸出發,坐 4 號龍華線 (牛湖方向),坐 1 個站到達福民站,再轉 7 號線西麗線 (西湖方向) 坐 14 個站到達西麗湖站落車,B 出步行 5 百米就會到達深圳野生動物園門口。需時大約 50 分鐘。
  • 如果唔想坐深圳地鐵要轉線咁煩,由皇崗口岸最好,皇崗口岸站就係 7 號線,坐 15 個站直達到西麗湖站,車程 40 分鐘。

香港高鐵
喺香港西九龍高鐵站上車去深圳北站,之後深圳北站坐 5 號線環中線(赤灣方向)坐 4 個站到西麗站,再轉 1 號線去西麗湖站落車,再轉深圳地鐵 7 號線去西麗湖站落車,B 出口直達深圳野生動物園門口。需時大約一個半小時左右。
高鐵購買網址:https://hk.trip.com/trains/china/

深圳大巴
喺羅湖火車站出發,搭 101 號大巴,直達深圳野生動物園
喺蛇口碼頭出發,搭 226 號大巴,到深圳野生動物園站落車

中港車
可下載 中港包車程式「跨 28」,車費由距離計算,「跨 28」提供的全是可以最多坐 6 人的 7 人車,舉例由旺角出發,叫車直達深圳野生動物園,車費 HK$998,如果兩個家庭夾份都不算貴,透過以下網址下載「跨 28」,首 5 程有優惠:https://www.runhotel.hk/bayarea/kua28/

 

深圳野生動物園門票及開放時間

日場開放時間: 9:30 至 21:00 ,日場入園時間:9:30 至 17:00
夜場開放時間:18:30 至 21:00,夜場入園時間:18:30 至 20:00

門票價錢:
深圳野生動物園為港澳居民提供特價門票,門票只需 HK$99!成人和小童同價。有網友提醒要先在 klook 或 Kkday 買門票,因為現場不設港人優惠,門票 $200 一張。

▼門票購買網址▼
klook: https://www.klook.com/zh-HK/activity/51915-shen-zhen-safari-park/
kkday: https://www.kkday.com/zh-hk/product/29259

 

 

深圳野生動物園區域

深圳野生動物園園區劃分為三個區域,分別係食草動物區猛獸谷表演區,喺每個園區,你都可以唔同方式去接觸野生動物,學習關於動物和生態的知識。

 

深圳野生動物園必看表演

深圳野生動物園有馬戲雜技、海豚表演,最著名是馬戲雜技、海豚表演的有百獸盛會表演,百獸盛會每日下午 3 點大型表演廣場舉行,大家一定要預時間去。

歡樂的海洋每日有 3 場表演,分別在13:00、15:00、17:00,位置在海洋天地。

表演區內有動物瞭望塔、動物表演場、水族館、猴山、雜食動物館、美洲鬣晰館、猿猴村、中型猛獸館、熊貓館等。

 

園內動物

▼環尾狐猴,投餵 ¥50 一次,食山竹,好得意呀!

▼河馬

▼鸚鵡

▼袋鼠

▼長頸鹿區,投餵長頸鹿 ¥20 一次

▼猛獸谷睇老虎,仲可以搭車去餵老虎,¥50 一次

▼火烈鳥




▼小湖:白鵜鶘、灰鶴、丹頂鶴、戴冕鶴、蓑羽鶴、黑頸鶴、白鸛、聖䴉、扇尾鴿,

▼熊貓館

 

深圳野生動物園必到體驗項目 – 猛獸谷投喂車體驗

猛獸投喂車是園內額外收費項目,50RMB一個人,小朋友1.2米以上就需要購全票,體驗時間是每天 11 點到下午 4 點,每張票含投喂的肉一份。每個成人可以帶一名 1.2  米以下小朋友。這是野生動物園裡最值得付費的項目了。

 

電動車和任坐小火車 (必買)

深圳野生動物園非常之大,行足一日一定非常之攰,建議大家可以部份行程租電動車,電動車收費$100一個鐘,$500按金,要用要微信支付,用微信小程式開車和坐車。或

建議入園後,可以先玩籠車睇老虎,之後先再坐車慢慢玩。

圖片取自:Facebook 深圳大陸吃喝玩樂交流 Group

另一種就是購買任搭小火車票,成人 $40 ,小童 $20,這樣也不用行到太攰。

 

 

深圳野生動物園附近有什麼方便的酒店推介?

如果帶小朋友上去深圳野生動物園,有假期既建議大家住一晚,因為玩足一日真係幾攰既。近深圳動物園(即西麗嗰邊)既酒店有以下這幾間值得推介同乾淨既,如果由西麗湖站,坐一站到西麗站,最近地鐵站有星程酒店(深圳南山西麗地鐵站店),
預訂網址:https://hk.trip.com/hotels/shenzhen-hotel-detail-1596921/ming-tien-inn-shenzhen-xili/

正常玩完動物園,都係想搵個商場有野食,之後盡快返酒店休息,所以好多人會去了大學城站,距離深圳野生動物園西麗湖站兩個站,或者打車去都係幾分鐘。嗰度有大型商場西麗益田假日裡和眾冠時代廣場,可以吃飯,購物,超方便,之後可以行番去酒店。嗰頭有兩間酒店,第一間是深圳璟峯酒店(西麗大學城店),酒店新淨,好多人去完物動物園都會入住這間酒店。
預訂網址:https://hk.trip.com/hotels/shenzhen-hotel-detail-1596921/ming-tien-inn-shenzhen-xili/

平少少仲有深圳艾威酒店(Aiwei Hotel)
預訂網址:https://hk.trip.com/hotels/shenzhen-hotel-detail-69639467/shen-zhen-ai-wei-jiu-dian/

如果會打車既,嗰頭仲可考慮深圳南山科技園希爾頓惠庭酒店(Home2 Suites by Hilton Shenzhen Nanshan Science & Technology Park),就在西麗火車站,這間是希爾頓品牌主打家庭房的酒店,所以房間比較大,同小朋友住都唔會覺得細。
預訂網址:https://hk.trip.com/hotels/shenzhen-hotel-detail-88926960/shen-zhen-ke-ji-yuan-xi-er-dun-hui-ting-jiu-dian/?allianceid=282251&sid=730504&OUID=shenzoo

 

其它深圳兒童景點介紹:【深圳室內兒童遊樂場指南】| 深圳親子景點、好去處【深圳親子酒店大集合】全深圳最強 9 大親子酒店推介

 

深圳動物園附近之商場

喺深圳動物園玩完之後,如果大家想近近地搵個商場用餐,可以考慮去西麗益田假日裡 (深圳南山寶城),前面亦有眾冠時代廣場(即有兩個商場),只需要坐兩個地鐵站,到大學城站(但要轉車轉線),大約需要 10 分鐘,最重要係個商場 24 小時都開㗎!西麗益田假日裡,有喜茶 、京味張。

西麗益田假日裡
地址:深圳市南山區留仙大道4168號眾冠時代廣場益田·假日裡 (深圳南山寶城)
交通:地 鐵5 號線大學城站 D出 口

▼西麗益田假日裡 (深圳南山寶城)




▼ 眾冠時代廣場

(圖片來源:Facebook 深圳大陸吃喝玩樂交流 群組)

另外,亦可以坐返 5 號線,6 個站就到寶安中心站 F 出口的壹方城。

 

在 Facebook 深圳大陸吃喝玩樂交流 群組內,收集了一些問題,大家亦可以參考

問:深圳動物園附近有什麼商場可以有夾公仔和波波池玩?
答:可以去寶能環球匯 (西麗店) 。

問:深圳動物園入邊有冇嘢食㗎
答:大把嘢食,不過質素普通,晚餐建議出番去食。

問:如果回程會在深圳灣口岸,離開深圳動物園想去近深圳灣口岸食飯,深圳灣口岸附近有邊個商場?
答:寶能太古城(地鐵海月站)、或去海岸城。

 

總結

  • 日場開放時間只去到 5 點,所以很多人在4:30pm 就已經玩完,所以 4:30 走基本上再去商場搵餐廳食飯,都仲有好多時間。
  • 園內有得寄存行李,大小同價 $5
  • 園內仲有很多動物知識介紹,讀萬卷書不如行萬里路,大人可以能得無特別,但小朋友會玩得好開心
  • 環境都幾大,如果帶小朋友行全程玩完一定勁攰,可以考慮小火車,或租代步車。
  • 呢D 地方一定有蚊,最好帶定蚊怕水。
  • 要有心理準備,門票只包睇動物,入面好多項目都要額外比錢先有得玩,例如上面提及過既,猛獸谷投喂車、餵動物(買牛奶餵豬買草買胡蘿蔔餵都要 10 至20蚊左右)。另外就係唔坐佢地觀光車或租電動車,就要預左行到腳斷,每個主題地方都有一定距離。所以唔好諗住 $99 蚊入場就玩到尾。
  • 想慳錢唔租電動車,記得帶 BB 車俾小朋友。
  • 最後,如果小朋友好細,唔想日曬雨淋,其實深圳好多商場都有小型動物園,小朋友可一個鐘或半日,可參考:https://www.runhotel.hk/bayarea/shenzhen-shopping-mall-zoo/

深圳野生動物園
地址:深圳市南山區西麗湖路4086號(西麗湖東側)

▼門票購買網址▼
klook: https://www.klook.com/zh-HK/activity/51915-shen-zhen-safari-park/
kkday: https://www.kkday.com/zh-hk/product/29259

 

深圳酒店推介:【深圳佳兆業萬豪酒店住宿優惠】|【深圳華僑城洲際大酒店親子套票優惠】|【深圳空與海美宿酒店】|【深圳華僑城洲際酒店介紹】| 深圳中洲萬豪酒店

 

相關連結:【深圳按摩揼骨場資料】|【深圳華僑城洲際酒店介紹】|【深圳野生動物園攻略】|深圳酒樓 (飲茶) 推介|深圳商場大全資料 (連地下鐵站出口資料)|【香港高鐵攻略】|【深圳親子酒店大集合】| 【深圳觀瀾湖詳細攻略】| 深圳自助餐深圳放題餐廳推介

有關深圳、大陸既旅遊討論,分享,大家可以加入「香港人深圳、大陸討論區」 :https://www.runhotel.hk/ask/

Leave a Reply

Your email address will not be published. Required fields are marked *