【深圳美食推介】連深圳人都推介！潮汕大目牛肉火鍋、粵集 · 粵菜、頌 · 江南宴、潤園四季、湛江蠔庄（持續更新）
深圳近年開了很多人氣餐廳，如果各位都有打算去深圳，絕對唔可以錯過深圳美食！不論係傳統粵菜，定係火鍋、川菜都有超多選擇，重點係價錢好抵、服務仲幾好架。今次 Runhotel 就幫大家整理咗一啲受歡迎、性價比又高既餐廳俾安排緊旅程既各位作參考。
有關深圳、大陸既旅遊討論，分享，大家可以加入「深圳大陸吃喝玩樂」 Facebook 群組：https://www.facebook.com/groups/1413562572722892
潮汕大目牛肉火鍋人均 HK$170 起
潮汕大目牛肉火鍋係一間汕頭老字號火鍋店，自 1981 年開業以黎都一直非常受歡迎，成日都會見到門口排滿長龍，所以小編都會建議大家早啲去。不論係價錢定抑或品質都好出色，性價比都幾高。
佢地既主打菜式係陝西秦川溫體牛既尊品牛肉，肉質相當鮮嫩。另外，一定要叫埋每日限時供應既尊品系列，包括尊品雪花肥牛、尊品黃肥牛、尊品生牛舌、胸口撈生牛肉丸及尊品黑百葉等。值得一提既係，佢地既牛骨清湯鍋係每日使用新鮮牛骨熬制而成架，清甜可口、牛肉味道突然。其他少見啲既牛肉部位如脖頸肉、花趾肉、牛雜、匙仁、脖仁等都有得叫。
▼店內環境裝潢樸實溫馨。另外性價比咁高，絕對可以食到滿足。
圖片來源自小紅書用戶 6992715806
潮汕大目牛肉火鍋
在深圳有 20 多間分店，較方便嘅分店地址包括：
- 潮汕大目牛肉火鍋（海岸城店）- 文心五路 33 號海岸城東座 2 樓 245 號（新桃園酒店二樓）
- 潮汕大目牛肉火鍋城（羅湖春風店）- 春風路 3068 號置地廣場一樓（近佳寧娜廣場）
- 潮汕大目牛肉火鍋（東門茂業店）- 東門街道東門社區東門中路 2047 茂業大廈 10 層（曬布地鐵站 D 出口）
- 潮汕大目牛肉火鍋（皇崗旗艦店） – 皇崗村市場北座 1 樓（麥當勞正對面、近福民地鐵站 C 出口）
- 潮汕大目牛肉火鍋城（福華路店）- 福華路 123 號漾福居西側（近福田中學、福田醫院）
- 潮汕大目牛肉火鍋城（寶安興業店）西鄉興業路寶源二區大門右側（富通城一期對面）
粵集 · 粵菜正牌人均 HK$120 起
呢間餐廳以粵菜為主打，由米其林一星既團隊出品，但係菜品價格同時好親民，仲有承諾如果覺得唔好食就可以退菜、超時三十分鐘上菜菜品就免費。係深圳最近都幾多人幫襯架！
佢地既菜品種類繁多、食物高質，性價比高之餘，都真係對得住米其林一星架。粵集 · 粵菜正牌既招牌菜包括碎外皮酥脆既銀子黑松露燒鵝、使用放養既清遠雞製作既獨創搖搖雞、外脆內姫既一口酥豆腐等。
▼門店裝修簡約，環境寬敞明亮。
圖片來源自小紅書用戶 488993416
圖片來源自小紅書用戶 106292965
粵集 · 粵菜正牌
分店地址：福華三路皇庭廣場 L1 層 202
頌 · 江南宴人均 HK$190 起
頌 · 江南宴係一間主打江浙菜既餐廳，評分非常高、菜品亦都充滿特色，環境同埋服務也都非常好架絕對值得一試！餐廳幾近大劇院站地鐵口，交通便利。
佢哋既菜品味都幾唔錯，特別多人叫既菜式包括獨釣寒江雪烤魚、魚米之鄉、江南煙雨蝦及糖醋排骨等，大部分菜式都係屬於中西合璧、南北融合既風格；而佢地既金牌鹽焗雞就迎合到鍾意北方偏重口味既各位。
▼一入到餐廳，走廊感覺幽靜清雅、擺件同壁畫等裝飾都充斥住江南水鄉風情。
圖片來源自小紅書用戶 110900339
圖片來源自小紅書用戶 HUANGwhui
頌 · 江南宴
地址：深南東路 5018 號大劇院南門
潤園四季椰子雞人均 HK$190 起
潤園四季椰子雞真係一間十分值得推薦既餐廳，菜品水準保持得相當穩定、價格都唔貴。就算想食得健康啲又同時好味，呢間椰子雞店都好適合，男女老少都啱食！如果各位想去食，建議早啲去以免等位等好耐。
餐廳最出色既招牌菜包括竹笙椰子雞同埋一級臘味煲仔飯。竹笙椰子雞湯底清澈見底、味道清香甘甜，鮮嫩既雞肉搭配埋提供既蘸醬非常夾；另外一級臘味煲仔飯米飯粒粒分明、鍋邊既鍋焦都好脆香，仲有臘腸同埋芋頭，整體味道十分香口！煲仔飯小煲同中煲價格只差 ¥10，但中煲多好多架！
▼店裡整體環境幾好、服務亦都熱情周到。
圖片來源自小紅書用戶 100876162
圖片來源自小紅書用戶 103066248
潤園四季椰子雞
地址：深南東路 5018 號大劇院南門
費大廚辣椒炒肉人均 HK$80 起
費大廚是係深圳湘菜中既正宗之選，唯一既缺點可能就係需要等待時間有啲長，所以小編建議盡量避開用餐高峰時間去。但係總體而言，餐廳無論係味道定抑或價格都好有競爭力既。
菜式方面，辣椒炒肉絕對係必點之選；其他值得一試既菜式包括香芋蒸排骨、香煎大鯽魚、皮蛋青椒擂茄子同埋剁椒魚頭，每道菜都有獨特既風味同埋口感。而且加錢後白飯會無限供應架，想點送飯都得、一定食得飽，絕對·物超所值。
▼店內環境寬敞、整潔，員工服務態度友好周到
圖片來源自小紅書用戶 XSY19991
費大廚辣椒炒肉
分店地址：
- 費大廚辣椒炒肉（皇庭廣場店）- 福華三路 118 號皇庭廣場 L1
- 費大廚辣椒炒肉（壹方城店）- 新安街道新湖路 99 號壹方城購物中心北區 5 層 L5005
- 費大廚辣椒炒肉（卓悅中心店）- 福華路 348 卓悅中心 B2 層 260 號鋪
- 費大廚辣椒炒肉（壹方城店）- 新安街道新湖路 99 號壹方城購物中心北區 5 層 L5005
湛江蠔庄人均 HK$100 起
湛江蠔庄絕對係深圳烤生蠔既首選人氣燒烤店之一，營業到凌晨特別適合夜晚同朋友一邊歎美食、一邊飲返兩杯。
除咗招牌烤蒜蓉生蠔，仲有提供飛天五花肉、烤椒鹽蝦、羊肉串、韭菜、金針菇及烤茄子等美食選擇。重點係佢地既生蠔價格超優惠，低至約 HK$10 就可以享用到，仲要好肥美、口感十分鮮甜爽口。所有菜品都啱晒配埋啤酒一齊享用！
▼環境寬躺舒適、服務熱情周到、 最緊要乾淨衛生
圖片來源自小紅書用戶 541444504
湛江蠔庄
地址：上梅林新村 30 號 101（距地鐵 9 號線梅村站 C1 口 380 米）
桂滿隴人均 HK$120 起
近期上海幾出名既餐廳 -「桂滿隴」係深圳開咗分店！今次就有機會去深圳平安中心分店試一試。桂滿隴好多人幫襯，據說要排超過兩小時先有得食。
食物主打散落民間既佳餚，準確啲就係由宋朝流傳至今既家常菜，就連餐廳環境都有一種帶您穿越宋朝既感覺。今次試咗幾道招牌菜，包括東坡肉、吮指雞爪、叫花童子雞、糖醋里脊。
▼深圳平安中心
▼我地去食個日係平日，11 點 30 分黎到位於深圳平安中心既桂滿隴。餐廳環境以 800 年前南宋時期首都臨安（今杭州）作主題；店內處處掛上紙燈籠，營造古代繁華夜市之境。
▼俾個價錢大家參考一下：
▼糖醋里脊
▼當中最好味係東坡肉，一定要叫呀！
▼吮指雞爪
▼叫花童子雞
▼埋單約 HK$200 算抵食！
桂滿隴-西湖船宴（平安金融中心店）
地址： 深圳益田路 5033 號平安金融中心 6 樓 601
交通方法：搭到「購物公園」站既 D 出口，一出直行少少就到深圳平安中心。
電話： 4008777257
其它深圳文章
