報導第一手酒店優惠消息
分享酒店優惠、訂機票、旅遊攻略

開咗關之後,相信深圳都會成為好多香港人短假期的熱門的旅行地點。唔好以為深圳既酒店一定係唔太靚,宜家深圳都有好多又大又靚既渡假酒店,而且間間都好有渡假 feel,包你可以放鬆心情、忘記煩惱。

Runhotel 網站這篇為大家推介既深圳渡假酒店,主要賣點係可以望無敵海景、遠離煩囂既酒店,位置離羅湖較遠,只有一間地點係市中心可以搭地下鐵到達之外,其餘最少由羅湖坐的士到達亦要差唔多一個小時或以上先去到。(唔係去咁遠又點會渡假 Feel 呢!)如果大家只是想找一些在深圳市內酒店,即離羅湖、福田、深圳灣口岸不太遠,又或者是近新商場既酒店,可以參考另一篇深圳酒店推介https://www.runhotel.hk/shenzhen-hotel-recommend

 


深圳渡假酒店一覽

1. 深圳佳兆業萬豪酒店 2017 年開業

深圳大鵬市區有一間幾唔錯既渡假酒店 – 深圳佳兆業萬豪酒店(Shenzhen Marriott Hotel Golden Bay),酒店充滿住五星級奢華設計,令人有種入住豪宅既感覺。而且因為附近冇民居或商場,所以附近都十分寧靜,啱曬想好好放鬆一下既各位!另外,酒店更有四個泳池,好啱一家大細天氣回暖去個小渡假。

▼一入到酒店大堂有種非常豪華既感覺, Check-in 櫃檯旁更有自助檸檬茶,非常貼心。
深圳佳兆業萬豪酒店 深圳佳兆業萬豪酒店

▼房間用淡木設計,充滿暖色度的色系予人舒服感覺。房內的燈光充足,熱水壺、茶包一應俱全。加上有露台望著海景,更加心曠神怡。房間大部份電制都跟香港一樣是三腳插,亦有 USB 插頭,手機、相機充電好方便。房內浴室極大,浴室有浴缸,浴室用品就用 Marriott 酒店慣常提供的 Thann 品牌。


深圳佳兆業萬豪酒店 (58)

▼深圳佳兆業萬豪酒店共有四個泳池,包括一個室內泳池,一個室外親子戲水池、一個無邊際泳池,以及一個橋底泳池,仲有金沙灣海灘添,不過這個沙灘不屬於酒店管轄範圍。

深圳佳兆業萬豪酒店泳池


深圳佳兆業萬豪酒店 重點總結:

  • 離開羅湖口岸後直接坐的士,車費約人民幣 $130 左右,的士車程約 1 小時 15 分鐘。
  • 酒店有三個泳池

參考房價:每晚約 $1,000 ( 2 人房價 ) 起,價格未包括服務費及稅項

深圳佳兆業萬豪酒店
地址:深圳市大鵬新區棕櫚大道 33 號
了解更多:
https://www.runhotel.hk/Shenzhen-Marriott-Hotel-Golden-Bay
https://www.runhotel.hk/Shenzhen-Marriott-Hotel-Golden-Bay-dining

▼深圳佳兆業萬豪酒店 查房價和預訂網址▼
Trip.com
https://hk.trip.com/hotels/shenzhen-hotel-detail-6794254/shenzhen-marriott-hotel-golden-bay/

Hotels.com
https://zh.hotels.com/ho617670688/shen-zhen-jia-zhao-ye-wan-hao-jiu-dian-shen-zhen-zhong-guo/

Booking.com
https://www.booking.com/hotel/cn/shenzhen-marriott-golden-bay.zh-cn.html

永安旅遊
https://hotels.wingontravel.com/detail-shenzhen-30-6794254/shenzhen-marriott-hotel-golden-bay/

 


2. 深圳藝棧 ARTINN 民宿 2017 年開業

深圳大鵬新區有一間非常特別既純白民宿「深圳藝棧 ARTINN」,當你行到民宿附近嘅時候,一定會比民宿外圍白色立方體格柵框架結構吸引住, 環境充滿濃郁既文藝氣息。酒店亦有免費 Wi-Fi 提供。

▼民宿由設計師黃澤林同埋民宿主人邱思誠共同打造,民宿曾經係一間 70 年歷史既連排老屋。藝棧 ARTINN 設有 20 間客房,並有咖啡廳畫廊同埋書吧,仲有一個可靈活使用既室外屋頂劇場空間。



▼藝棧 ARTINN 唔單只係一個閑適藝術生活空間,更係一種生活美學。呢間藝棧民宿 90% 以上家具都係民宿自己設計架,房間選用木質家具及淺白色系。



深圳藝棧 ARTINN 民宿 重點總結:

  • 民宿的位置冇深圳地鐵可以到達,大家可以先去大鵬新區然後再轉的士,或者由羅湖搭的士,車費約人民幣 $150。香港去大鵬交通可參考此連結!
  • 係各深圳網紅既打卡勝地

參考房價:每晚約 $600 ( 2 人房價 ) 起,價格未包括服務費及稅項

深圳藝棧 ARTINN 民宿
地址:深圳大鵬新區官湖村湖園路 20 號
了解更多:https://www.runhotel.hk/artinn

▼深圳藝棧 ARTINN 民宿 查房價和預訂網址▼
Trip.com
https://hk.trip.com/hotels/shenzhen-hotel-detail-8445132/shenzhen-artinn/

永安旅遊
https://hotels.wingontravel.com/detail-shenzhen-30-8445132/shenzhen-artinn/

 


3. 深圳奧比都斯民宿 2018 年開業

介紹第三間渡假酒店「深圳奧比都斯」(Óbidos Hostel),同樣位於大鵬新區,臨近東山寺、面朝大亞灣,民宿前面係無敵大海景,而係海景後面係一個無邊泳池,乍看之下就好似去咗布吉渡假一樣,環境真係十分之靚,所以吸引咗好多 KOL 去打卡影相。

深圳奧比都斯民宿係環境上真係無得輸,遇上藍天白雲更加可以瘋狂影相!無敵海景同無邊泳池,真係點影相都靚,其次民宿都準備咗少量道具俾大家拍照專用。民宿外仲有一個人造沙灘,沙質幼細同樣可以影相。




▼民宿一共有 30 間房,其中 6 間雙牀房、22 間大牀房、2 間套房,另外仲有一棟獨立私人別墅(3 房 1 廳、兩層樓)。係民宿房間內,亦可以收穫一大片美景。落地玻璃牆望出去,就係藍天白雲、大海、草地、一切都係度假氣息!



▼至於設施方面確實唔算多,除咗泳池之外仲有一個桌球室,一班朋友黎夜晚亦有地方可以消遣下。

深圳奧比都斯民宿 重點總結:

  • 距離大鵬古城約 10 分鐘車程,去大鵬鎮附近食店,最少都要 15 至 20 分鐘左右
  • 民宿位置比較偏僻,建議如果女生想去,都係搵幾位男士陪同會較好。
  • 每間房間限住兩大一小,民宿不提供加牀服務。
  • 民宿免費提供:民宿早餐(預訂時請向民宿確認)+ 民宿公共區域 + 超級無敵靚既無邊泳池 + 洗漱用品
  • 民宿入住時間為當日 15:00 至次日 12:00
  • 距離公共沙灘只有 50 米

參考房價:每晚約 $400 ( 2 人房價 ) 起,價格未包括服務費及稅項

深圳奧比都斯民宿
地址:深圳市大鵬新區鵬飛路

▼深圳奧比都斯民宿 查房價和預訂網址▼
Trip.com
https://hk.trip.com/hotels/shenzhen-hotel-detail-36469173/aobidousi-hostel/

 


4. 深圳藍楹灣度假酒店 2018 年開業

以上介紹咗 3 間都係位於深圳大鵬新區,黎到第四間酒店,呢間「深圳藍楹灣度假酒店」(Bay Breeze Resort)係一個可以搭地下鐵到達既渡假酒店,更係深圳 Pool Villa 渡假 No.1 之選既酒店。藍楹灣度假酒店係一間房間擁有私人泳池既酒店(直情就是 Pool Villa Resort),俾各位賓客寧靜享受悠閒假期!當去渡吓假、歎下都唔錯既選擇。h

藍楹灣酒店由新加坡別墅莊園設計師許曉曦先生親自操刀設計,全酒店只有 24 間獨立別墅,每間房都有私人泳池同埋花園。

▼酒店全部房型都係獨立別墅,房間設計時尚寬敞,空間夠晒大,放多一張圓餐桌都完全唔會有擠迫感,靜中帶旺而且極夠私隱度。傢俱飾品擺設,感覺好似去咗東南亞 Villa 咁。兩個人可以獨佔整個私人大泳池,可以不停游水。客廳窗前有張大沙發,游完水,坐在沙發放空十分自在。

▼住藍楹灣酒店既最大好處,係酒店外邊就係歡樂海岸,歡樂海岸是一個好大好多食店既地方。

深圳藍楹灣度假酒店 重點總結:

  • 酒店位於市區
  • 酒店就係華橋城歡樂海岸,十分近歡樂海岸購物中心
  • 如果在深圳坐地鐵,可以在深圳灣公園站 E 出口大約步行 10 分鐘即可到達酒店
  • 如果由福田口岸搭的士,大約只需 15 分鐘左右就可以到達酒店

參考房價:每晚約 $2,700 ( 2 人房價 ) 起,價格未包括服務費及稅項

深圳藍楹灣度假酒店
地址:深圳市濱海大道 2018 號
了解更多:https://www.runhotel.hk/bay-breeze-resort

▼深圳藍楹灣度假酒店 查房價和預訂網址▼
Trip.com
https://hk.trip.com/hotels/shenzhen-hotel-detail-1871859/bay-breeze-resort/?allianceid=282251&sid=730504&OUID=baybreeze

Hotels.com
https://zh.hotels.com/ho617670688/shen-zhen-jia-zhao-ye-wan-hao-jiu-dian-shen-zhen-zhong-guo/

Booking.com
https://www.booking.com/hotel/cn/shenzhen-marriott-golden-bay.zh-cn.html

永安旅遊
https://hotels.wingontravel.com/detail-shenzhen-30-1871859/bay-breeze-resort

 


5. 深圳硬石酒店 2017 年開業

深圳硬石酒店(Hard Rock Hotel Shenzhen)位於深圳觀瀾湖,酒店都離羅湖十分遠絕對令人有去旅行既感覺,而且酒店性價比超高,六百幾就可以住到一晚可以話係非常抵住。(訂房可直接按此

▼酒店外型非常搶眼,步入大堂之後同樣有種富麗堂重既感覺,而四圍都掛滿大量結他同其他地方既 Hard Rock 設計一樣。

▼酒店 一共有 258 間奢華客房同埋套房,每間客房均設有加長床舖、私人衛浴設有熱水浴缸同埋步入式淋浴間。房間裝潢時尚且現代化並提供各項頂級設施,另備有浴袍、毛巾、拖鞋及免費盥洗用品。不少住過既賓客都大讚入面大大既浴缸,浸得非常舒服!

▼設施
Hard Rock 在設施上可以說是一應俱全,包括屋頂游泳池、健身中心、宴會廳、兒童中心等,相當齊全。

Golf

深圳硬石酒店 重點總結:

  • 直接由羅湖坐的士去車程約一小時,的士費約 $130 人民幣。
  • 可以由福田站,直接搭到觀瀾湖站。

參考房價:每晚約 $700 ( 2 人房價 ) 起,價格未包括服務費及稅項

深圳硬石酒店
地址:深圳龍華新區觀瀾高爾夫球大道 9 號

▼深圳硬石酒店 查房價和預訂網址▼
Trip.com
https://hk.trip.com/hotels/shenzhen-hotel-detail-7522576/hard-rock-hotel-shenzhen/?allianceid=282251&sid=730504&OUID=hardrocksz

Hotels.com
https://zh.hotels.com/ho375495136/shen-zhen-guan-lan-hu-ying-shi-jiu-dian-shen-zhen-zhong-guo/

永安旅遊
https://hotels.wingontravel.com/detail-shenzhen-30-7522576/hard-rock-hotel-shenzhen/

Booking.com:
https://www.booking.com/hotel/cn/hard-rock-shenzhen.zh-tw.html

 


6. 深圳大梅沙京基洲際度假酒店 2020 年翻新

深圳大梅沙京基洲際度假酒店(InterContinental Shenzhen Dameisha Resort)係一個位於深圳東部大梅沙既獨立海域,由於酒店周圍都被梧桐山所包圍、面朝南海,因此有種住係大自然、亞熱帶植物中既感覺,對於喜愛自然環境既人充滿吸引力!雖然價錢有少許偏貴,但可以睇到蔚藍既大海、享受五星級入住體驗,都相當值得!大家可以考慮去個兩日一夜,朝頭早先去東部華僑城等境點玩,晏就或夜晚去酒店 Checkin。

▼酒店沿住長達兩公里既金色海灘而建,所以一出門就會見一大片海灘,非常吸引!

▼酒店一共有 370 間客房,當中 12 款房型配備海景觀露台,可以欣賞日出日落,景觀一流!而浴室內都備有豪華獨立浴缸,以及步入式淋浴間,想點沖都可以!

▼酒店係設施方面可以叫做超級齊全,包括戶外海景游泳池、室內恆溫游泳池,另設有健身中心等。兒童可於入住期間係「大梅沙趣趣島」兒童俱樂部以及季節性開放兒童游泳池盡情遊玩。酒店還擁有面積超過 1,000 平方公尺既無柱式大宴會廳,基本上你可以想像到既設施酒店都有!

▼值得一提,洲際行政俱樂部  2020 年重新翻新,內部包咗專屬嘅戶外無邊泳池、親子高爾夫球、健身室等。除此之外,仲會提供免費早餐、下午茶、歡樂時光,房價包埋洲際行政俱樂部都唔係貴好多咋!

深圳大梅沙京基洲際度假酒店 重點總結:

  • 距離羅湖火車站大約 30 分鐘車程
  • 酒店附近最出名既景點就係東部華僑城同埋大俠谷
  • 洲際行政俱樂部  2020 年重新翻新,房價包埋洲際行政俱樂部都唔係貴好多

參考房價:每晚約 $1,300 ( 2 人房價 ) 起,價格未包括服務費及稅項

深圳大梅沙京基洲際度假酒店
地址:深圳鹽田區大梅沙鹽葵路 9 號

▼深圳大梅沙京基洲際度假酒店 查房價和預訂網址▼
Trip.com
https://hk.trip.com/hotels/shenzhen-hotel-detail-6794254/shenzhen-marriott-hotel-golden-bay/?allianceid=282251&sid=730504&OUID=szmarriottgb

Hotels.com
https://zh.hotels.com/ho617670688/shen-zhen-jia-zhao-ye-wan-hao-jiu-dian-shen-zhen-zhong-guo/

Booking.com
https://www.booking.com/hotel/cn/sheraton-dameisha-shenzhen.zh-tw.html?aid=1462066

永安旅遊
https://hotels.wingontravel.com/detail-shenzhen-30-374850/sheraton-dameisha-resort/

 


7. 深圳蛇口希爾頓南海酒店 2017 年翻新

深圳蛇口希爾頓酒店(Hilton Shenzhen Shekou Nanhai)無論環境、房間都好正好舒服,而且好有渡假感覺。絕對可以兩日一夜全程留在酒店都得,性價比幾高架!酒店分咗「主樓」同埋「南海翼」兩棟,主樓就較商務型為主、主要針對商務客,而另一邊「南海翼」就打造日式風格,較針對情侶、或親子客人,更有渡假感覺。

▼主樓正門 Lobby 大堂,樓底高、夠開揚、氣派不凡,絕對係五星級酒店格局。

▼南海翼相對地就係截然不同既裝修風格,酒店大堂仿日式設計,好有木質感,而暖色燈光之下,令人有一種家既感覺。



▼先睇一睇主樓既房間,呢邊以商務型為主,以下呢間係  King Deluxe Room。房間睇到海景,景觀真係幾靚,望出去都好舒服。浴室幾大之餘仲配有浴缸同埋淋浴室。


▼黎到南海翼呢邊,睇一睇 Runhotel 推介既套房。呢間套房偶然淡季會低過 $2,000 架,性價比超高!房間整體溫馨、超大,去到浴室都好闊落,仲有部電視機,浸浴既時候可以一路睇電視一路浸,好歎。套房有露台,對住一大片藍天、同埋海景。




▼酒店主樓有三個泳池,兩個戶外、一個室內。其中主樓既泳池,仲有埋海景打卡一流!除了泳池之外,南海冀仲有健身室、Kid Club,所以南海冀較適合親子一家人入住。


深圳蛇口希爾頓南海酒店 重點總結:

  • 閒日入住低至 $900 左右,海景套房更抵住,一晚大約 $1,700 起
  • 深圳灣口岸過關後搭的士約人民幣 $27 就到達酒店
  • 可坐深圳地鐵 2 號綫,到達「海上世界站」,然後約步行 15 分鐘
  • 港島讀者可以於港澳碼頭上船,坐 60 分鐘到達蛇口港,然後步行 15 分鐘到達酒店
  • 南海翼套房有露台、有海景,有客廳,襯住淡季去絕對係性價比之選

參考房價:每晚約 $900 ( 2 人房價 ) 起,價格未包括服務費及稅項

深圳蛇口希爾頓南海酒店
地址:深圳市南山區望海路 1177 號
了解更多:https://www.runhotel.hk/Hilton-nanhai

▼深圳蛇口希爾頓南海酒店 查房價和預訂網址▼
Trip.com
https://hk.trip.com/hotels/shenzhen-hotel-detail-661081/hilton-shenzhen-shekou-nanhai/

Hotels.com
https://zh.hotels.com/ho444356/shen-zhen-she-kou-xi-er-dun-nan-hai-jiu-dian-shen-zhen-zhong-guo/

Booking.com
https://www.booking.com/hotel/cn/hilton-shenzhen-shekou.zh-tw.html

永安旅遊
https://hotels.wingontravel.com/detail?CityID=30&HotelID=661081&bid=15&cid=1/

 


8. 深圳趣墅 HAJANA 海邊民宿 2021 年開業

深圳趣墅 HAJANA 海邊民宿(Qvilla HAJANA)坐落於大鵬半島南澳沙灘。周圍有林蔭小道、更有絕美既一線海景,喺民宿一落樓就係海。而餐飲方面,有五分錢小酒館、赤腳咖啡館、Liber 餐吧等等,可以滿足到住客嘅飲食需求。酒店更配備自助娛樂區、4 個唔同主題既天台、海上運動等。雖然冇五星級既精緻,但係到處都充滿風味同埋熱情、配合埋景觀真係打卡一流。

▼這個民宿唔算大,整體由幾棟彩色房屋組成充滿古巴風味。另外附近更有繽紛既 HAJANA 風情街區、沙灘、周圍都有復古街燈路牌,整體環境非常安靜舒適、帶有一絲浪漫。

▼身為一間臨海而建嘅酒店,裏面有 99 間獨立既一線海景客房。各種房型設計都感覺都特別復古。當中嘅滑梯家庭房更加係充滿趣味,大概千幾蚊更加可以入住配套望向海洋景觀嘅室外浴缸既房型。

深圳趣墅 HAJANA 海邊民宿 重點總結:

  • 搭的士前往市區大概只需要人民幣 $20-30
  • 民宿附近餐飲主要為海鮮餐廳、西餐、網紅餐廳,人均大概需要人民幣 $200 左右,建議前往之前可以打去上去嘅餐廳查詢開放情況
  • 民宿裝修比較舊,亦無電梯,不過會有工作人員幫手拎行李上樓。

參考房價:每晚約 $400 ( 2 人房價 ) 起,價格未包括服務費及稅項

深圳趣墅 HAJANA 海邊民宿
地址:南澳街道水頭沙社區 188 號大鵬新區深圳

▼深圳趣墅 HAJANA 海邊民宿 查房價和預訂網址▼
Trip.com
https://hk.trip.com/hotels/shenzhen-hotel-detail-76281099/qvilla-hajana/

 


9. 深圳中興和泰海景酒店 2018 年開業

深圳中興和泰海景酒店(CZD Hotel)坐落於深圳著名既東部旅遊度假勝地。酒店裝修獨特新穎同埋藝術氣息濃厚。擁有各種精美客房,俾各位賓客歎盡山海景觀。樓頂觀海台上可以睇到梅沙海灣日出、梧桐山絕美夕陽。

▼酒店以凝固咗既海作主題設計,獲得無數獎項。入到去大堂及走廊係以流暢既曲線造型,好似一波波海浪一般,紋路充滿設計感。

▼房間幾大、白色風格俾人一種幾乾淨整潔既感覺。房間設計同大露台外既海景和諧共鳴。

▼酒店內部設施包括健身室同埋親子樂園等等。當中嘅樓頂觀海台更大獲住客好評,可以睇到梅沙海灣日出、梧桐山絕美夕陽。

深圳中興和泰海景酒店 重點總結:

  • 鄰近大型綜合旅遊景區東部華僑城、大梅沙海濱公園、深圳鹽田港、鹽田海鮮街等,交通便利
  • 樓下就係海濱公園棧道,行大概十分鐘就見到完整海景、再行多 20 分鐘左右就可以觀賞到大梅沙景色
  • 依山傍海又遠離喧囂,門口就係綠道,晨起跑步晚上觀星十分休閑。

參考房價:每晚約 $700 ( 2 人房價 ) 起,價格未包括服務費及稅項

深圳中興和泰海景酒店
地址:鹽梅路 268 號中興國際研發培訓中心 D 座鹽田區深圳

▼深圳中興和泰海景酒店 查房價和預訂網址▼
Trip.com
https://hk.trip.com/hotels/shenzhen-hotel-detail-22822006/czd-hotel/

永安旅遊
https://hotels.wingontravel.com/detail-shenzhen-30-22822006/czd-hotel/

 


10. 深圳鹽田凱悦酒店 2019 年開業

深圳鹽田凱悦酒店(Hyatt Regency Shenzhen Yantian)位於深圳東部有南海明珠之稱既鹽田海濱城區,坐落於商業區中心位置,對鹽田往來香港、坪山區既商務及休閑賓客相當方便。酒店另設有 3 間餐廳及酒廊,提供各式環球美食。

▼酒店外觀同埋大堂都令人感覺奢華,完全展現到五星級氣派同埋凱悅品牌。

▼酒店提供舒適現代客房,位於 35 至 50 層,面積 463 平方尺 至 2315 平方尺不等。由於房間都處於高層,所以視野廣闊,窗外就係山海景觀;如果天氣好就更加靚,啱曬打卡!另外值得一提既係,房間都係無煙房黎架。

▼凱悅設施一直以黎都高標準,酒店配以大型專業健身中心、室外露天恆温泳池同埋兒童區。

深圳鹽田凱悦酒店 重點總結:

  • 鄰近鵬城高峯梧桐山風景區、大小梅沙度假區及祈福勝地弘法寺,配合地鐵 8 號線即可同市區快速連通
  • 酒店距蓮塘口岸只需 15 分鐘車程、距離坪山區只需 20 分鐘車程
  • 位置對於要徒步行海濱棧道既旅客在幾合適,另外旁邊就係壹海城
  • 離中英街近,可去打卡!

參考房價:每晚約 $1,000 ( 2 人房價 ) 起,價格未包括服務費及稅項

深圳鹽田凱悦酒店
地址:海景二路 1025 號 1-6 層、30-50 層,鹽田區深圳

▼深圳鹽田凱悦酒店 查房價和預訂網址▼
Trip.com
https://hk.trip.com/hotels/shenzhen-hotel-detail-44128338/hyatt-regency-shenzhen-yantian/?allianceid=282251&sid=730504&OUID=hyattszyt

Hotels.com
https://zh.hotels.com/ho1247134336/shen-zhen-yan-tian-kai-yue-jiu-dian-shen-zhen-zhong-guo/

Booking.com
https://www.booking.com/hotel/cn/hyatt-regency-shenzhen-yantian.zh-tw.html??aid=1462066

永安旅遊
https://hotels.wingontravel.com/detail-shenzhen-30-44128338/hyatt-regency-shenzhen-yantian/

 


交通安排
呢篇文章推介既酒店,大部份都需要叫的士,Runhotel 建議可以用「DiDi – 滴滴出行」叫的士或出租車,用手機程式叫車時,輸入好目的地後,程式會顯示大約的車資金,上車時都有個預萛,唔洗擔心被呃車資。

以上介紹既深圳渡假酒店滿足到大家嘛?如果大家想搵深圳市區內既酒店,不妨參考另一篇深圳酒店推介,價格就會相對平一啲,而且近新商場:https://www.runhotel.hk/shenzhen-hotel-recommend

 

其他深圳文章

────── 相關文章 ──────
由即日起去永安旅遊網站預訂香港出發之高鐵連酒店套票,輸入優惠碼「MC086」,全單可享有 95 折。 預訂網址:https://www.wingontravel.com/promotion/activity/highspeedrail-package

如純訂香港高鐵車票,輸入優惠碼「MJ512」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/promotion/activity/mtr-speedrail-aug

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



2 Comments

  1. 點解要福田坐4 號線到清湖站要再轉坐的士呢?坐多幾個站咪到觀瀾湖站囉

    Reply
    • 觀瀾湖站 2022 年 6 月左右先開通架,之前去觀瀾湖站真係幾煩,而家由福田出發就可以坐到觀瀾湖站,唔洗轉車,真係好方便。多謝留言,內文已更正。

      Reply

留言