喺香港食日本嘢一般都是比較貴，想以比較划算嘅價錢食到高水準日本菜，可以考慮一下都會海逸酒店千鶴日本料理，餐廳最近推出了 4 個全新品嚐菜單，如果提早經網上預訂，仲會有 9 折添！

套餐一：千鶴天婦羅品嚐菜單

呢個套餐每位 $430 起 (另加一服務費)，前菜係每日廚師精選，刺身有油甘魚、赤貝、甜蝦，天婦羅就好多野食，有大葉蝦、帶子、南瓜、蕃薯、青椒、露荀同埋沙鑽魚，主菜就可以揀櫻花蝦海鮮野菜餅天婦羅飯，又或者讚岐烏冬，最後仲有紅豆或綠茶日式雪糕添！

套餐二：千鶴壽司品嚐菜單

呢個套餐價錢為每位 HK$490 (另加一服務費)，客人可以由好多款壽司中揀 8 款，選擇分別有：日本海膽、帆立貝、深海池魚、吞拿魚腩、鰻魚、甜蝦、炸蝦、吞拿魚 (赤身)、蟹膏、鵝肝、平目魚、蟹籽、赤貝、油甘魚、三文魚、池魚、三文魚籽、八爪魚同埋玉子，仲可以揀一款手卷，選擇有日本海膽、吞拿魚腩、炸蝦、軟殼蟹、香蔥吞拿魚腩蓉、加洲手卷，最後再食埋紅豆或綠茶日式雪糕啦！

套餐三：千鶴刺身品嚐菜單

如果你鐘意食刺身的話，呢個 set 就岩晒你啦！一共有 9 款刺身，包括吞拿魚腩、日本海膽、牡丹蝦、赤貝、深海池魚、平目、帶子、赤身同油甘魚，仲有每日唔同嘅前菜，主菜都係秋田御飯及味噌湯或熱油揚讚岐烏冬，甜品就係紅豆或綠茶日式雪糕，每位 HK$590 (另加一服務費)。

套餐四：千鶴鐵板燒「品嚐菜單」

如果你有多少少 budget 的話，可以揀食鐵板燒，前菜同甜品都同上面一樣，多咗 3 款刺身：油甘魚、赤貝、甜蝦，仲有 5 款鐵板燒：日本和牛薄燒、帶子、大蝦、三文魚，同埋炒野菜，主菜就係櫻花蝦黃金炒飯或大阪風醬油炒麵，好滿足！價錢係 $650 一位 (另加一服務費)。

除咗上述套餐之外，大家仲可以以優惠價 order 酒，HK$218換購千鶴純米大吟釀 (300毫升)、HK$398 換購千鶴純米大吟釀 (720毫升) 同埋 HK$108 換購米鶴生彩吟釀 (300毫升)。

如果想食以上千鶴日本料理的套餐，記得要提早經以下指定網站預訂咗，先有 9 折。

9 折適用日期：2019 年 6 月 1 日至 12 月 31 日 (6月16日、10月1日、12 月 24 日至 26 日及 12 月 31 日除外)
時間：傍晚 6:00 至晚上 11:00

千鶴日本料理
地址：九龍紅磡都會道 7 號都會海逸酒店 8 樓（港鐵紅磡站C2出口）
預訂網址：https://eshop.harbour-plaza.com/metropolis/