【富國島Villa推介】富國島帆船俱樂部度假村超豪華別墅連私人泳池，獨棟 Villa 269 平方米起私隱度高有小廚房、浴缸！
講起富國島，可能好多人都未必知呢個係一個咩地方，其實佢係位於越南嘅西南面，又名玉島，被喻為「越南版馬爾代夫」，Vietjet 航空提供香港來回富國島嘅直航班機，航程大概係 2 小時 45 分鐘，每星期有 4 班。由香港去富國島都非常方便，30 日免簽證話行就行，宜家 Kkday 推出一系列機票連酒店住宿嘅套票，6 日 5 夜每人HK$2,930（已連服務費、稅）起包機票（20KG行李）連住宿，勁抵！
今次小編去咗富國島六日五夜，發現呢個地方真係比想像中更多嘢玩同抵玩，當中最吸引嘅，就係千幾蚊就可以住到超靚嘅 Villa，房間有私人泳池可以隨時游水，仲要勁大勁舒服添！馬上同大家分享一下第一間超正嘅 Villa：富國島帆船俱樂部簽名度假村 (Sailing Club Signature Resort Phu Quoc)。幫大家 check 過各大訂房平台，富國島帆船俱樂部簽名度假村一晚最平 HK$1,600 起，如果經 Kkday 預訂富國島 6 日 5 夜自由行套票就真係抵好多喇，2 位大人入住 VinHolidays Fiesta 3 晚住宿＋Sailing Club Signature Resort 帆船俱樂部特色度假村 2 晚住宿 （Signature Castor 1 臥室別墅及免費迷你吧），再連埋機票、12 小時包車、Vinpearl Safari 和 VinWonders 門票，人均都只係 HK$5,110（已連服務費）起﹐講緊自己訂的話機票 HK$1,500 左右，富國島帆船俱樂部簽名度假村兩晚都要 HK$3,200 起，等於免費送一堆門票，平勁多！
另外，即日起至 6 月 30 日，憑東亞銀行信用卡預訂旅遊產品滿 HK$800，輸入「KKD150BEA」即享 HK$150 折扣。安信 WeWa 卡及EarnMORE 信用卡，簽賬本地及海外旅遊吃喝玩樂產品滿HK$800，輸入「KKDWEWA24」享即時 HK$150 優惠，新會員 APP 首單，輸入「KKDWEWA200」更可享總折扣 $200。
▼預訂網址▼
https://www.kkday.com/zh-hk/product/167166?cid=2058&ud1=Vietnam
富國島帆船俱樂部簽名度假村優點：
– 每間 Villa 都有泳池、客廳、獨立客房、浴缸
– 私隱度極好
– App 預約 Buddy 服務超方便
– 有 Buddy 直達沙灘
– 房間超乾淨冇小昆蟲
酒店位於富國島嘅最南面，距離富國島機場大概 13 分鐘車程，酒店亦會提供機場接送服務，不過時間就比較疏落，根據越捷航空嘅航班，大家可以搭到去程而搭唔到回程，香港 ➔ 富國島航班 (VJ985)：16:40 – 18:25 (2小時45分鐘)/富國島 ➔ 香港航班 (VJ986)：11:55 – 15:40 (2小時45分鐘)，但搭 Grab 的話都只係 HK$3-40 ，其實都勁平！
▼富國島帆船俱樂部簽名度假村提供機場接送服務
▼Shuttle 時間表
富國島帆船俱樂部簽名度假村係於 2022 年開幕嘅 Villa，擁有 100 間獨棟 Villa，所有房型都係獨立一棟，而且全部都有泳池、客廳、獨立客房、浴缸等等。今次入住嘅雙臥室泳池獨棟別墅 (Two-Bedroom Pool Villa)住宿面積有成 269 平方米，成 2 千幾呎真係勁大！呢個已經係最基本嘅大細，可以畀 4 個大人齊齊入住都勁闊落。Villa 分成上下兩層，上層有 2 間客房，其中一間仲有浴缸添，樓下就係廚房及客廳，鍾意自己煮嘢食就啱晒喇，樓下都有一個細廁所，唔使係上行上行落，另外仲有洗衣機，住幾日又或者有小朋友的話可以日日洗衫。Villa 整體都採用大片落地玻璃設計，一瞓醒就會見到大片綠油油嘅自然美景，隨便影相都超級 IGable。Villa 長 12.4 米，水深 1.4-1.6米，大人小朋友都可以開心玩水。
▼Villa 屬於每戶一棟，私隱度大增
▼Villa 屬於兩層設計非常闊落，地下是客廳、用餐區、小廚房、洗衣機及一個小廁所，大片落地玻璃設計有種世外桃源的感覺。
▼小廚房讓住客可以簡單煮食
▼咖啡機、茶包都是不可少的！
▼今次入住的是雙臥室泳池獨棟別墅，房間位於 2 樓，兩間都有浴室，主臥更有浴缸，而非常闊落空間感十足。
▼酒店亦貼心地為大家準備了蚊香
▼一入房就會看到酒店貼心準備的迎賓小食
▼客廳和房間都有 USB 叉電，夠晒方便！
▼每天早上看到的就是這樣的景色！
▼住得 Villa 最在意的自然是泳池，長 12.4 米，水深 1.4-1.6米，大人小朋友都可以開心玩水。
▼酒店房價已包早餐，但想打卡自然就要加購飄浮早餐啦，靚嘅同時都幾好食！
喺設施方面，酒店有 24 小時開放嘅健身室、兒童俱樂部、主泳池、餐廳享用自助早餐等等。由於 Villa 較大，大家喺 Check-in 嘅時候會被要求下載酒店自己嘅 App，可以用來叫餐、查詢，又或者係預約 buggy 出入，非常方便。酒店自助早餐嘅食物選擇都非常多，但要留意係冇冷氣的，大家記得要拎定風扇去食早餐喇！大家亦可以預約使用免費桑拿，需提早到前台預約，就可以獨享成個桑拿房喇！
▼出入 Villa 都可以 call Buggy，只要下載酒店 App 即可以隨時叫車，5 分鐘內就會到達
▼大堂 Lobby 已經好靚，雖然冇冷氣，但有大風扇都唔算太熱。
▼如果房內嘅泳池唔夠玩，仲可以去酒店內嘅公共泳池玩個夠！
▼喺設施方面，酒店有 24 小時開放嘅健身室、兒童俱樂部、主泳池、餐廳、桑拿、Spa 等等！
▼餐廳
▼自助早餐食物選擇都唔少，雖然無冷氣有少少熱，但強勁嘅風扇都唔會感到難受。
另一個必不能錯過嘅，就係超精彩嘅火舞表演！每晚 18:30-19:00 於度假村內餐廳舉行，19:30-20:30 就會改為於附近嘅 Sailing Club Beach Club ，大家可以預約餐廳邊食邊睇，超好氣氛，而且食物味道都很不錯。火舞表演非常精彩，一眾表演者會拎住火把做出各種高難度動作，最後再去沙灘做打火 show，火花漫天飛舞視覺效果滿分！表演完結後，演出者會到每一枱同食客互動，大家可以合照甚至係試舉火把，如果玩得開心都可以畀 tips 㗎！
▼食物味道都很不錯
▼表演者會拎住火把遊走在食客間
▼超精彩嘅火舞 show
▼完結一幕視覺效果驚人！
比較多人 concern 地點問題，富國島帆船俱樂部簽名度假村位於富國島南部，距離集中喺北部嘅景點如珍珠野生動物園、珍珠奇幻樂園、富國大世界等其實都真係唔算近，搭 Grab 都要成個鐘，不過喺富國島搭 Grab 係超級平，成個鐘都只係港幣百幾，所以住得遠少少都冇問題！而距離陽東夜市、金剛超市等就係二十幾分鐘車程，都只係幾十蚊左右。附近嘅景點就有地中海日落小鎮、香島太陽世界自然公園、親吻之橋等等，大概搭 20 分鐘 grab 就會到達。
整體嚟講富國島帆船俱樂部簽名度假村係一個令人相當滿意嘅 Villa ，由環境、交通、設施、餐飲、服務都好值得推介，一大班朋友或者一家大細嚟都好適合，想去富國島 chill 就唔好錯過喇！經Kkday 預訂就方便又抵玩，富國島 6 日 5 夜自由行套票 2 位大人入住 VinHolidays Fiesta 3 晚住宿＋Sailing Club Signature Resort 帆船俱樂部特色度假村 2 晚住宿 （Signature Castor 1 臥室別墅及免費迷你吧），再連埋機票、12 小時包車、Vinpearl Safari 和 VinWonders 門票，人均都只係 HK$5,110（已連服務費）起！(預訂連結按此)
▼富國島帆船俱樂部簽名度假村 (Sailing Club Signature Resort Phu Quoc)
價錢已包括：
- 香港國際機場至富國島機場來回機票（經濟艙）
- 7kg 手提行李及 20kg 託運行李
- 住宿（如計劃中所述）
- 住宿的免費服務（如產品頁面所述）
- 每日飯店自助早餐（以餐廳營業時間為準）
- Vinpearl Safari 和 VinWonder 主題樂園門票（單人入場）
- 送來回富國島國際機場到酒店的接送服務
- 轉換酒店當天12小時包車服務
- 香港旅遊議會0.15%徵費
- 航空旅客離境稅和燃油附加費
▼預訂網址▼
https://www.kkday.com/zh-hk/product/167166?cid=2058&ud1=Vietnam
▼官網▼
https://sc-signaturephuquoc.com/
其它富國島你有興趣的文章
- 【富國大世界GRAND WORLD】免門票瞬間走進意大利！必去泰迪熊博物館＋睇越南國粹表演＋威尼斯水上計程車！
- 【富國島珍珠遊樂園＋野生動物園攻略】越南版迪士尼超啱打卡！$414 起玩盡水上樂園、主題樂園，仲可以睇美人魚表演！
- 【富國島太陽世界遊記】體驗全世界最長跨海纜車、玩轉水上樂園、必打卡日落小鎮＋接吻橋、精彩表演「海洋之吻」！
- 【富國島Villa推介】新世界度假酒店泳池別墅3房125平方米起連私人泳池，仲有超正無邊際泳池、免費瑜伽堂，仲有私人沙灘！
- 【富國島Villa推介】富國島帆船俱樂部度假村超豪華別墅連私人泳池，獨棟 Villa 269 平方米起私隱度高有小廚房、浴缸！
- 【富國島直航優惠】6 日 5 夜機票連四星級酒店 HK$2,750 起，送往返富國島機場接送服務；HK$4,170起入住度假村，仲送動物園門票！
