【富國島Villa推介】新世界度假酒店泳池別墅3房125平方米起連私人泳池，仲有超正無邊際泳池、免費瑜伽堂，仲有私人沙灘！
去旅行就係想 chill 下歎下休息一下，想住靚 Villa 又怕貴？越南嘅富國島真係抵到你唔信！今次小編去咗富國島六日五夜，發現呢個地方真係比想像中更多嘢玩同抵玩，當中最吸引嘅，就係千幾蚊就可以住到超靚嘅 Villa，房間有私人泳池可以隨時游水，仲要勁大勁舒服添！上次同大家分享咗富國島帆船俱樂部簽名度假村 (Sailing Club Signature Resort Phu Quoc)，今次就同大家介紹另一間人氣好高嘅靚酒店：富國島新世界度假酒店 NEW WORLD PHU QUOC RESORT！呢間 resort 於 2021 年開幕，係 Rosewood Hotel Group 旗下酒店，位於富國島嘅西南端，距離機場大概 25 分鐘車程，鄰近嘅景點有地中海日落小鎮、香島太陽世界自然公園、親吻之橋等等，想好好地 chill 下就啱晒喇！
幫大家 check 過各大訂房平台，富國島新世界酒店一晚最平 HK$1,666 起，如果經 KKday 預訂富國島 6 日 5 夜自由行套票就真係抵好多喇，4 位大人入住 VinHolidays Fiesta 3 晚住宿＋富國島新世界酒店 2 晚住宿（花園泳池別墅 2 間房） ，再連埋機票（20KG行李）、送富國島機場接送、酒店之間的交通接送、珍珠野生動物園 Vinpearl Safari 或 富國島珍珠樂園 VinWonders 門票人均都只係 HK$4,750（已連服務費及稅）起﹐講緊自己訂的話機票 HK$1,500 左右，富國島新世界酒店兩晚都要 HK$3,200 起，等於免費送一堆門票，平勁多！
另外，即日起至 6 月 30 日，憑東亞銀行信用卡預訂旅遊產品滿 HK$800，輸入「KKD150BEA」即享 HK$150 折扣。安信 WeWa 卡及EarnMORE 信用卡，簽賬本地及海外旅遊吃喝玩樂產品滿HK$800，輸入「KKDWEWA24」享即時 HK$150 優惠，新會員 APP 首單，輸入「KKDWEWA200」更可享總折扣 $200。
▼預訂網址▼
https://www.kkday.com/zh-hk/product/168075?cid=2058&ud1=Vietnam
富國島新世界度假酒店優點：
– 每間 Villa 都有泳池、客廳、獨立客房、浴缸
– 私隱度極好
– 電話預約 Buddy 服務
– 早餐區有冷氣，而且食物種類超級多
– 超正無邊際泳池
– 與 JW 萬豪共用同一片私人沙灘
– 有各種免費活動如瑜伽堂
富國島新世界度假酒店一共有 375 棟別墅，而小編入住嘅係花園泳池別墅，房間 125 平方米起，一共有 3 間房，分別係 2 間特大雙人房及 1 間雙人房。每間房內都有洗手間，浴缸更加係設於睡房內，勁 chill 啊！富國島新世界度假酒店嘅花園泳池別墅設計比較特別，唔係分兩層，每一間房間都係獨立屋仔，而客廳連廚房就係另一間屋仔，包圍住中間嘅泳池，變相成班朋友又或者幾家人入住的話，大家可以享有自己嘅私人房間，同時又有個 common area 可以一齊玩。中間嘅泳池相對就係細少少，不過一大班游水都冇咩問題，其中一間房仲要係連住泳池，一開門就可以跳入去游水！
▼每一個房間都係獨立屋仔，可以一班人玩嘅同時又有自己嘅空間
▼一拉開落地玻璃就可以跳入泳池
▼浴缸喺睡房入面，勁歎！
▼可以直接叉電嘅鬧鐘
▼另外亦有淋浴區
▼客廳空間都頗大，有小廚房、洗手間等等，其中一張更加係吊椅，小編可以坐喺上面 fing 成日！
▼泳池就唔算太大，但都可以齊齊玩水
▼各款迎賓飲品及小食
小編今次都參觀咗富國島新世界度假酒店嘅各種房型，當中包括多種房型如高級泳池別墅、豪華泳池別墅、海洋泳池別墅等等，所有嘅別墅都以越南傳統建築為靈感，有茅草屋頂等漁村嘅元素，所以更有度假嘅感覺。部分別墅係雙層設計，其實整體分別都唔大，無論係佈局定設施、風格都相當類似，大家可以按照人數作簡單選擇。
▼每種房型嘅設計其實分別不大，主要係單層/雙層、人數、面積、景觀等考慮，基本設施都類似的。
▼酒店嘅設計好有特色，以越南傳統建築為靈感，有茅草屋頂等漁村的元素，屋內仲以木質為主調
富國島新世界度假酒店整個區域係超級大，所以由大堂去房間、去食早餐、游水/做 Spa / 健身，基本上都係要搭 Buggy，呢間酒店採用嘅係打電話叫車，有時都會等比較耐，尤其係食完早餐都會有一大堂客人喺度等。酒店嘅設施都非常豐富，當中最勁嘅係有超正嘅無邊際泳池，120 米想點游都得，所以房間泳池細少少都冇問題啦！旁邊嘅兒童泳池就有滑水道同埋簡單水上遊樂設施，可以畀小朋友好好放電。 富國島新世界度假酒店仲要同 JW 萬豪酒店 share 同一片海灘，水清沙幼真係勁靚，基本上玩水、曬太陽、打卡都可以 chill 足一日。其餘嘅設施仲有健身室、Spa、兒童俱樂部等等，每朝都會有免費嘅瑜珈堂可以上，行程真係相當豐富。
▼酒店嘅 Spa 非常出名，大家入住都不妨 book 嚟做下！
▼健身室設施完善
▼每朝都有免費嘅瑜伽堂
▼兒童游泳池
▼嫌房嘅泳池太細？呢個無邊際泳池真係點都滿足到你
▼ 富國島新世界度假酒店同 JW 萬豪酒店 share 同一片海灘，水清沙幼真係勁靚，海洋嘅藍係分咗好多層次的
另一個需要大讚嘅位，就係酒店嘅早餐非常出色！首先早餐區有強勁嘅冷氣已令人非常開心，食物方面有越南人氣法包、Phở 、多款麵包、芝士、蛋料理、水果、乳酪等等，全部都超新鮮乾淨，好似水果區有木瓜、芭樂勁清甜，而炒蛋、煎蛋、奄列全部都係即製，仲有即製 Pancake，腸粉都係即拉好薄好煙韌，每款都 refill 等超級快﹐勁過香港啲五星級大酒店！
▼自助早餐冷氣強勁
▼早餐食物選擇真係超級多，連芝士都有好多款！
▼麵包種類同香港五星級酒店有得比，職員一直瘋狂 fill 貨，每次經過都係滿滿嘅食物，仲有即製嘅 Pancake 添！
▼水果區唔可以錯過，全部都超級新鮮！
▼每朝都會有兩款湯麵，細細電可以食多幾款
▼越南必食嘅法包都有，賣相都好吸引
富國島新世界度假酒店嘅位置係富國島最南端，比富國島帆船俱樂部簽名度假村更偏遠，所以去北部嘅景點如珍珠野生動物園、珍珠奇幻樂園、富國大世界，就真係要搭個幾鐘嘅 grab。相反佢就同南部嘅景點如地中海日落小鎮、香島太陽世界自然公園、親吻之橋等等好近，酒店亦會提供免費 shuttle 來回景點，所以大家住 3 日 2 夜的話，建議大家可以起碼留一日喺酒店玩，另一日就去南部景點慢慢玩。
▼酒店亦會提供免費 shuttle 來回地中海日落小鎮
▼酒店住客可以免費睇 Kiss Of The Sea 表演，記得出發前要去 Lobby 整 Face ID，到時就可以直接用面部解鎖入場睇表演喇！
整體嚟講富國島新世界度假酒店嘅入住體驗都相當唔錯，房間嘅設計到各種設施都相當完善，當中早餐更加係令人念念不忘。不過，入住 Villa 自然會出現各種小昆蟲，小編建議大家入住最好帶定蚊怕水，一入房間先行一圈檢查一下，如果有昆蟲可以請工作人員處理一下。另外，有不少住客都提出 Villa 大門會被鎖嘅問題，小編都試過用房卡都開唔到門，喺房內又出唔到去嘅問題，好彩職員都相當快手會幫忙解決。酒店亦規定唔可以叫外賣同帶酒入去，所以大家最好食飽飽再返去休息喇！
經 KKday 預訂富國島 6 日 5 夜自由行套票就真係抵好多喇，4 位大人入住 VinHolidays Fiesta 3 晚住宿＋富國島新世界酒店 2 晚住宿（花園泳池別墅 2 間房） 2 晚住宿，再連埋機票、送富國島機場接送、酒店之間的交通接送、珍珠野生動物園 Vinpearl Safari 或 富國島珍珠樂園 VinWonders 門票人均都只係 HK$4,750（已連服務費）起﹐講緊自己訂的話機票 HK$1,500 左右，富國島新世界酒店兩晚都要 HK$3,200 起，等於免費送一堆門票，平勁多！
▼富國島新世界度假酒店 NEW WORLD PHU QUOC RESORT
價錢已包括：
- 香港國際機場至富國島機場來回機票（經濟艙）
- 7kg手提行李及20kg託運行李
- 住宿（如每個套餐中所述）
- 住宿的免費服務（如產品頁面所述）
- 每日酒店自助早餐（以餐廳營業時間為準）
- Vinpearl Safari 和 VinWonder 主題樂園門票（單人入場）
- 往返機場接送：富國島國際機場 – 住宿
- 包車12小時（於變更住宿當天）
▼預訂網址▼
https://www.kkday.com/zh-hk/product/168075?cid=2058&ud1=Vietnam
▼官網▼
https://phuquoc.newworldhotels.com/
其它富國島你有興趣的文章
- 【富國大世界GRAND WORLD】免門票瞬間走進意大利！必去泰迪熊博物館＋睇越南國粹表演＋威尼斯水上計程車！
- 【富國島珍珠遊樂園＋野生動物園攻略】越南版迪士尼超啱打卡！$414 起玩盡水上樂園、主題樂園，仲可以睇美人魚表演！
- 【富國島太陽世界遊記】體驗全世界最長跨海纜車、玩轉水上樂園、必打卡日落小鎮＋接吻橋、精彩表演「海洋之吻」！
- 【富國島Villa推介】新世界度假酒店泳池別墅3房125平方米起連私人泳池，仲有超正無邊際泳池、免費瑜伽堂，仲有私人沙灘！
- 【富國島Villa推介】富國島帆船俱樂部度假村超豪華別墅連私人泳池，獨棟 Villa 269 平方米起私隱度高有小廚房、浴缸！
- 【富國島直航優惠】6 日 5 夜機票連四星級酒店 HK$2,750 起，送往返富國島機場接送服務；HK$4,170起入住度假村，仲送動物園門票！
