有好多澳門親子景點好適合一家大細,帶小朋友一齊去放放電,即刻睇睇有咩精彩澳門親子活動啦!

 

1. 澳門憤怒鳥遊樂中心 – 一大一小門票 $144

憤怒鳥大電影 2 岩岩就上咗喇,如果鐘意憤怒鳥 Angry Bird 的話,當然就唔好錯過澳門憤怒鳥遊樂中心喇,呢個室內親子樂園位於澳門十六浦,有成 6,000 平方呎大,分別有 6 個主題場景同埋各種好玩遊戲,好似有大型迷宮、充氣彈床、波波池、水泡滑梯、兒童車場等等,大人小朋友都可以玩到樂而忘返!

時間:星期一 16:00-20:00、星期二至日 10:30-20:00
地點:澳門十六浦度假村 3 樓
門票價錢:現場購買,平日 1 大人 1 小正價 MOP180,  但透過 Hopetrip 網站預先購買門票, 1 大人 1 小門票只需 $144(全日票)。
Hopetrip 購買網址:https://www.hopetrip.com.hk/product/340624.html?hpscm=y0lAK4FamCnN5NLKHThd
備註:1 至 11 歲未成年人士一人一票,且門票已包括一名 18 歲或以上成人免費入場陪同;1 歲以下嬰幼兒免費,12 歲至 17 歲人士將收取成人票價

 

2. 童夢天地 – 一人一小門票 $150

另一個好好玩嘅室內兒童樂園係童夢天地 Kid’s City,呢個樂園位於新濠天地 3 樓,於 2015 年開業,樂園分為 4 個主題區域,分別係星夢、電玩、創意同埋探索,有波波池、小型滑梯、跳彈床等等,最正係有兩條 2 米長嘅波浪形滑梯,係挑戰膽量嘅時候喇~要注意嘅係,小朋友入場一定要著長衫長褲同埋襪,多一重保護就可以玩得更加放心,如果無著都可以現場買嘅~

時間:10:30-19:00 (星期三、四休息)
地點:新濠天地 3 樓
門票價錢:平日或週末 1 大人 1 小童門票 HK$150 
Hopetrip 購買網址:https://www.hopetrip.com.hk/product/288266.html?hpscm=y0lAK4FamCnN5NLKHThd
備註:1 歲以下嬰幼兒免費

 

3. 華納滿 Fun 童樂園 (WB Fun Zone) – 每位門票 $89

如果你嘅小朋友已經比較大個,同埋都鐘意一啲刺激嘅機動遊戲的話,位於新濠影滙三樓嘅華納滿 Fun 童樂園 (WB Fun Zone)就好岩喇~呢度有比較多機動遊戲,好像小型電動車賽道、攀石嘅登峰奇兵、3D 飛船華納極速迴旋同埋各種免費遊戲,最正係有個小型跳樓機,爽啊!同時有好多華納卡通人物,好似蝙蝠俠、賓尼兔同超人,每次入場限時兩個鐘未必玩得晒,大家記得分秒必爭喇~

時間:10:30-19:00
地點:新濠影匯 3 樓
入場費:如現場買票,成人 MOP100、小童 MOP100,建議大家可以透過 Klook 購買,每位門票只需 $89 。
Klook 購買網址:
https://www.klook.com/zh-HK/activity/1332-warner-bros-fun-zone-macau/

 

4. 澳門巴黎人酒店 Q 立方王國 – 兩小時 $130

另一間於 2016 年開幕嘅 Q 立方王國會再新一啲,室內加室外遊樂區加埋有成 20,000 平方英尺,除咗有波波池之外,仲有城堡主題嘅攀爬架、滑梯,最正係有個超可愛嘅旋轉木馬,仲有好多扭蛋機添,又要燒錢喇~提提大家,大人小朋友入去都一定要著襪,如果唔係就要加 $20 買架喇!

時間:09:30-21:30
地點:澳門巴黎人 6 樓
入場費:兩小時 MOP130
官網:https://hk.parisianmacao.com/macau-hotel/attractions/qube-kingdom.html

 

5. 澳門科學館 – 每位門票 $20

想小朋友可以邊玩邊學嘢,去澳門科學館就岩晒喇~澳門科學館好近外港碼頭,入面分為多個展館,第一個係講解太空、太空船同火箭等知識,之後仲有認識海嘯區、半個籃球場等等,行晒所有展區之後,就可以上觀景臺,欣賞一下四周嘅景色,景觀不錯呢~記得澳門科學館係星期四休館的,千祈唔好去錯日子喇~

時間:10:00-18:00 (星期四休息)
地點:澳門孫逸仙大馬路澳門科學館
入場費:現場購票成人 MOP25 ,透過 Hopetrip 網站買門票,每位門票只需 $20
Hopetrip 購買網址:https://www.hopetrip.com.hk/product/321826.html?hpscm=y0lAK4FamCnN5NLKHThd

 

6. 燒灰爐公園(兒童電動車) – 入場免費,每次 $5 蚊

男仔一向都鐘意玩車車,不妨帶佢地去燒灰爐公園啦!呢度係兒童電動車場,雖然唔算太大,不過可以畀家長隨時都望到自己小朋友更加放心。場內有紅綠燈、路標等,像真度好高!電子車每 15 分鐘 MOP5 ,相當抵玩,小朋友可以盡情玩個痛快。而除了賽車道,仲有一啲兒童玩樂設施,畀小朋友放夠電再去下一站~

時間:6:00-20:00
地點:澳門西灣街燒灰爐公園
體驗可參考:https://www.runhotel.hk/2015/07/jardim-do-chunambeiro.html

 

7. 石排灣郊野公園 – 免費(大熊貓館 MOP10)

唔好以為郊野公園會好無聊無嘢玩,呢個石排灣郊野公園其實係一個動物園,入面有大熊貓館、珍稀動物館、植物園、土地暨自然博物館同埋大熊貓資訊中心,面積雖然唔算好大,不過都可以見到可愛大熊貓、小熊貓、猴子等等,滿足小朋友對動物的愛~

時間:石排灣郊野公園 08:00-18:00、大熊貓館 10:00-13:00、14:00-17:00(16:45),星期一休館
地點:澳門路環石排灣大馬路
入場費:石排灣郊野公園免費、大熊貓館 MOP10,12歲或以下免費
官網:https://www.macaupanda.org.mo/c/info/default.aspx

 

8. 傳奇英雄科技城 – 入場 $230,包 2,000 點數

傳奇英雄科技城係一個高科技電子體育娛樂主題公園,宜家啲小朋友咁鐘意玩電子遊戲,帶佢地去呢度就好啱喇~傳奇英雄科技城可以玩到 VR 同AR,仲有全息圖、運動追蹤、映射投影、4D 超立體巨幕、電玩、體育娛樂等等,一共有超過 60 款遊戲,保證小朋友會玩到唔捨得走!入場費已包 2,000 點數,每個遊戲所需遊戲點數都唔同,大概係 200 點到 1,200 點,2,000 點可以玩一個鐘到喇~

時間:12:00 – 21:00
地點: 新濠影滙時代廣場一樓
入場費:正價入場費 MOP260,包 2,000 點數,現在透過 Klook 購買門票,每人只需 $230 
Klook 購買網址:
https://www.klook.com/zh-HK/activity/23160-legend-heroes-park-ticket-macau/

 

9. 澳門氹仔中央公園,免費入場

唔好以為澳門氹仔中央公園好無聊無咩玩,其實都係個不錯嘅好去處~呢度有個好多嘢玩嘅遊樂場,分為「海洋世界」同「機械森林」,有海盜船、親子韆鞦、彈跳網、小火車等,仲有澳門最高旋轉滑梯、攀石牆、單車競賽區等等,免費都可以好好玩!玩到攰仲可以去中央圖書館睇下書,歎個冷氣放鬆一下先~

時間:06:00 – 24:00
地點: 澳門氹仔成都街7號
入場費:免費
官網:https://nature.iam.gov.mo/c/park/detail/5571ff2b-219d-4978-a15a-ad5daa43ee5e

 

10. 澳門 Planet J 冒險王國 – 門票 $220,包 60 分鐘魔導券

鐘意魔法世界嘅一定要去澳門 Planet J 冒險王國,呢個係全球第一個由玩家主導嘅室內主題樂園,樂園佔地 100,000 平方呎,由 8 個唔同的主題園區組成,有超過200種互動遊戲裝置,玩家們可以變裝上陣,接受各種挑戰同埋任務,運用智慧去闖關。由於限時只有一個鐘,所以好可能係玩唔晒的,建議大家要影完相、換埋衫,先開啟魔導卷進行挑戰。

時間:星期一至星期五 10:00 – 晚上19:00、星期六、日及假期 10:00 – 20:00
地點:金沙廣場三樓
入場費:MOP220/位,包含魔導券(60分鐘)
官網:https://www.planetj.com

 

11. Hello Kitty Hello Again 45 週年主題展

唔講唔知,原來 Hello Kitty 已經 45 歲喇!澳門特別舉行了 Hello Kitty Hello Again 週年主題展,今次嘅活動係由 7 月 18 日舉行至 9 月 1 日,展覽一共有 10 大主題打卡裝置,最正係有個 9 米特大蝴碟結型波波池,粉紅色的設計可以瘋狂影相打卡,另外仲有一系列嘅限定精品添!

日期:即日起至 9 月 1 日
時間:平日 12:00 – 20:00 ;星期六日及公眾假期 11:00 – 20:00
地點:澳門百老匯 2 樓
門票價錢:HK$108
門票購買網址:https://www.hopetrip.com.hk/product/343430.html?hpscm=y0lAK4FamCnN5NLKHThd

 

====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。 ====================
如你有旅遊資訊、旅遊優惠想跟我們分享,歡迎電郵 vincent@runhotel.hk
邀約採訪或商務合作,請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言