報導第一手酒店優惠消息
分享酒店優惠、訂機票、旅遊攻略


轉眼間澳門同香港封關已經 3 年,3 年澳門開了多間新酒店,小編保證你睇完這篇文章之後,已經唔會再想住番澳門JW 萬豪、或金沙城喜來登嗰 D 酒店喇。而家澳門既酒店多左好多新打卡景點,睇晒我地 Runhotel 詳細介紹先再決定去澳門住邊同埋去邊度玩啦~~

近期澳門酒店訂房優惠
如果你持有恒生信用卡,即有起透過 Trip.com 訂澳門酒店滿 HK$1,000 可以減 HK$100,使用方法必需先去以下網址兌換優惠碼,並於預訂頁面的「優惠代碼」中貼上指定優惠代碼即可獲立減;亦可於在「我的帳戶」> 「優惠代碼」中輸入優惠代碼並儲存優惠代碼,於預訂頁面裏的「優惠代碼」中選用指定優惠代碼。優惠代碼數量有限,用完即止。
網址:https://hk.trip.com/hotels/

 

澳門 W 酒店 – 2023 年 9 月 8 日開幕

澳門W酒店(W Macau)於 2023 年 9 月 8 日開幕,提供 557 間豪華客房,當中包括 127 間套房,並擁有水療中心、健身中心及室內泳池等設施﹐更有W潮堂 及 WOOBAR酒吧等設施。新濠影滙第二期同時開幕,將設有大型室內及室外水上樂園、擁有 6 個綜合影廳的Cineplex電影院、明星專屬演出系列及配備先進設施的會議展覽場地在內的標誌性新濠影滙設施

官網https://www.marriott.com.cn/hotels/travel/mfmwh-w-macau-studio-city/

即將開幕的新濠影滙二期,將設有大型室內及室外水上樂園、擁有 6 個綜合影廳的Cineplex電影院、明星專屬演出系列及配備先進設施的會議展覽場地在內的標誌性新濠影滙設施。

 

銀河萊佛士酒店 – 2023 年開幕

全新奢華全套房嘅澳門銀河萊佛士正式試營業喇!澳門銀河萊佛士會提供 450 間雅緻奢華套房,另外仲有更多特色餐廳、酒吧及水療中心會喺年底盛大開幕。酒店嘅設計概念係以經典設計融入了當代摩登格調,所有房型都係套房,由 78 平方米至 228 平方米,部分套房仲有私人恒溫泳池和花園,仲有幾間係有高達兩層嘅窗戶。所有房間都安裝咗三星「畫壁」電視同互動裝置﹐仲有24小時隨時候命嘅專屬萊佛士貴賓專員,以及 9 種豪華睡枕畀你揀,非常貼心。

客人入住可以享用戶外泳池、天浪淘園等等餐廳方面,大堂中央將會設萊佛士大堂吧,供應澳門專屬嘅「百萬美元」雞尾酒;酒店更會同獲得米芝蓮三星殊榮嘅日本壽司主廚宮川政明合作,主理嘅「壽司割烹」店、鐵板餐廳將進駐澳門銀河萊佛士。長廊酒吧就會由設計師 Joyce Wang 設計,由亞洲 50 大酒吧調酒師黎振南為澳門特調嘅雞尾酒「澳門司令」,令人期待。目前官網仲未有得預訂,想知幾多錢就要再等等喇!

官網https://www.galaxymacau.com/zh-hant/hotels/raffles-galaxy-macau/
(暫時未知房價,官網仍未接受預訂)

▼萊佛士尊貴泳池套房擁有私人戶外泳池及休閒區

▼尊貴全景套房

▼管家服務

▼無邊際泳池

▼澳門銀河萊佛士(Raffles)

▼ 官網網址 ▼
https://www.galaxymacau.com/zh-hant/hotels/raffles-galaxy-macau/

澳門銀河萊佛士
地址:澳門路氹連貫公路

澳門倫敦人 – 2021 年開幕

以前去澳門有巴黎人酒店,有一個模仿法國的巴黎鐵塔,但在 2021 年 1  月 22  日金沙城中心開咗澳門倫敦人,酒店以英倫風為主題設計,當時開幕請左迷碧做代言人,酒店賣點之一係完美還原英國國會大廈外牆,和英國大笨鐘,兩個位已成為澳門最新打卡景點。酒店最 Basic 既房都已經係套房(所以酒店係走高檔次既路線),最細既房都有 8 百呎。整個酒店的走廊主色都是黑色和金色,非常有格調,房間裏的英倫風小細節和設計拿捏得好好,房內配備 OTO 足部按摩器,行街行到攰就可以返房按下腳,而浴室鏡亦有內置 20 吋 Prima 智能電視,可以邊浸浴邊睇電視,爽!而所有澳門倫敦人酒店套房均設有空氣凈化器、迷你酒吧、Nespresso咖啡機、Aromatherapy Associates療癒級沐浴用品、免費無線上網。

▼大笨鐘已經係一個打卡位,就算唔係住喺倫敦人酒店,小編覺得都推介大家黎一黎影相,基本上隨意影,都靚到好似去左歐洲咁 (圖片來源  xiaohongshu:C_two)

▼走廊

▼酒店房間
 

▼想體驗維多利亞風,可以去試邱吉爾餐廳

▼來到澳門倫敦人,當然要食英國野!酒店內就有由英國名廚 Gordon Ramsay 主理的戈登拉姆齊英式餐吧,提供 Ramsay 招牌菜惠靈頓牛扒、牧羊人派、啤酒酥皮炸魚同薯條等,再配埋生啤酒、鷄尾酒一齊食,正啊!

▼酒店內其中一個打卡位叫水晶金殿,參照舊維多利亞火車站設計而成,每日不同時段都會上演長達六分鐘的「皇家衛兵換崗」表演,由超過 20 位藝人配合特效、音樂同 LED 展出。

▼酒店設有戶外露天泳池

 

澳門倫敦人總結

  • 定位奢華級別,所以房價唔算親民,平圴房價 3 千一晚,但想搵高級酒店、試下貴野就啱晒你。
  • 適合為另一伴慶生,想搵間靚既酒店
  • 不是親子酒店,無乜小朋友活動設施,得戶外露天泳池,較適合情侶。
  • 打卡位多,就算唔住澳門倫敦人酒店,都好值得過黎影吓相。
  • 餐廳多,有 Cheesecake Factory、翡翠拉麵小籠包、添好運、海底撈、太二酸菜魚等餐廳。

澳門倫敦人
地址:澳門路氹連貫公路

▼倫敦人查房價和預訂網址▼
Agoda
https://www.agoda.com/zh-tw/holiday-inn-macao-cotai-central-h18302637/hotel/zhongshan-cn.html?cid=1597389

Trip.com
https://hk.trip.com/hotels/macau-hotel-detail-69459366/the-londoner-hotel/

永安旅遊網
https://hotels.wingontravel.com/detail-macau-59-69459366/the-londoner-hotel

 

雖然澳門倫敦人全部房已經係套房,但澳門倫敦人酒店有再高一級的品牌,名稱叫「倫敦人御園」,簡單黎講就係奢華級數上再奢華(或者係俾啲 VIP 賭客住既),有管家,房間超大,有 OTO 按摩椅、房內用品再靚啲,房價最少一萬以上起跳。不過御園無乜好特別(除左貴之外),所以唔多講喇,有興趣就自己訂黎試下。

▼倫敦人御園查房價和預訂網址▼
Trip.com
https://hk.trip.com/hotels/macau-hotel-detail-83798373/?allianceid=282251&sid=730504&OUID=macaunew

 

* 講完澳門倫敦人,未講第二間新酒店之前,小編一定要插一插提吓 2016 年開業既澳門 St.Regis 先,澳門倫敦人酒店其實係澳門金沙城內其中一間酒店,附近就有澳門瑞吉酒店 St.Regis,話說如果想最靚,係房度咁望到大笨鐘景觀,其實就唔係住倫敦人酒店,而且住係旁邊既澳門瑞吉酒店 St.Regis的「大都會套房」(最好安排 13 至 16 樓層),就可以完美咁同大笨鐘影相(配埋一個 In room breakfast 就完美)。

(圖片來源  xiaohongshu:Cellur9)

澳門 St.Regis 酒店預訂網址:
https://www.klook.com/zh-TW/hotels/detail/255719-st-regis-macao/

 

 

澳門上葡京 – 2021 年開幕

介紹完澳門倫敦人,接下來為大家介紹就係位於路氹城嘅澳門上葡京如果上一間澳門倫敦人話好似去左倫敦,咁去上葡京,就好似去左歐洲法國一樣,酒店外觀設計有法式風格,又係靚到不得了。另外,同永利皇宮一樣,酒店內擺設了多個澳門本土藝術家專門為上葡京打造的藝術品(所以有人話好似去左藝術館咁)。

澳門上葡京重點簡單講

  • 房間走中西揉合,現代中國風和西式風韻的浪漫結合,感覺相當華麗。
  • 酒店的後花園 (綠茵勝境花園) 就係最靚打卡位,歐陸式奢華庭院和巴羅克風樹籬迷宮,女仕們著長裙去,影出黎既相會更加靚。呢個位只可以係酒店住客先入得,所以如果大想去影相,就要住上葡京喇。
  • 酒店有室內的恒溫泳池和室外泳池
  • 想食自助餐,有「自助山」餐廳,呢間餐廳好多人都讚
  • 入門房型房價一千左右,新酒店黎講算平,而且房間有浴缸,最細既房都有 600 呎,所以基本上抵住。
  • 房間可以 3 位人或 2 大 2 小入住。

 

澳門上葡京酒店內有咩玩?
除左提到既綠茵勝境花園,酒店仲有四季恆溫室內游泳池,仲有水療中心,如果唔計賭場,就無乜其它娛樂設施喇。

 

▼澳門上葡京綜合度假村

 

▼客房

▼ 綠茵勝境花園
這個歐陸式奢華庭院和巴羅克風樹籬迷宮,因為只有房客先可以進出,所以人很少,非常適合拍照。綠茵勝境花園開放時間 由早上 10:00 至 18:00。

四季恆溫室內游泳池

戶外泳池

澳門上葡京
地址:澳門射擊路上葡京綜合度假村

▼澳門上葡京預訂網址▼
Trip.com
https://hk.trip.com/hotels/macau-hotel-detail-72223499/grand-lisboa-palace-macau/?allianceid=282251&sid=730504&OUID=macauenwhotel;

永安旅遊
https://hotels.wingontravel.com/detail-macau-59-72223499/grand-lisboa-palace-macau/

 

最後補充多少少先,澳門上葡京有三幢酒店大樓,第一幢就是澳門上葡京,第二幢是由老佛爺設計的 The Karl Lagerfeld  酒店 (老佛爺你都未識,請你繼續睇下一段),第三幢係 Palazzo Versace 澳門酒店(不過暫時未開)。所以介紹完澳門上葡京,現在就介紹 The Karl Lagerfeld  酒店。

 

老佛爺 The Karl Lagerfeld  酒店 – 2021 年 12 月開幕

老佛爺 The Karl Lagerfeld  酒店於 2021 年 12 月 3 日正式開業,首先大家知唔知邊個係「老佛爺」先?老佛爺( Karl Lagerfeld) 係一位知名尚創意總監、時裝設計師,佢執掌法國品牌 Chanel 長達 36 年的,咁大家明佢既地位有幾高啦,不過「老佛爺」2019 年已經離開咗我地呢個世界。

酒店以「當歐洲與中國相遇」為理念,採用極具設計感的圖案及前衛大膽用色,貫徹老佛爺一貫的時尚格調!據聞酒店裡的一磚一瓦、一紋一理都「老佛爺」他親自構思或挑選 (信不信由你喇~)。

▼酒店分為 6 種房型,包括經典客房、豪華客房、時尚套房、傳奇套房、經典套房及卡爾套房。房內放置充滿古典氣息的傢具,亦滲透中國風元素,包括以中式月洞門分隔客房。酒店連最基本嘅經典客房都有豪華浴缸及獨立淋浴間,仲有 8 款符合人體工學設計的枕頭可供選擇,仲有咖啡機等設施。

因為都係澳門上葡京既酒店,所以入住老佛爺 The Karl Lagerfeld  酒店,都一樣可以去到綠茵勝境花園打卡影相。

最後講講房價,大約每晚 2 千港幣左右,定位黎講算係咁,起碼平過倫敦人。暫時酒店要去官網先訂到。

老佛爺 The Karl Lagerfeld  酒店預訂網址
https://www.thekarllagerfeld.mo/tc

 

 

澳門葡京人 – 2021 年開幕

講完上述三間澳門新酒店之後,第四個就要介紹一下澳門葡京人,澳門葡京人於2021 年 ​7 月 17 日起開幕。同上葡京一樣,澳門葡京人之內,除了有葡京人酒店,還有 Line Friend 主題酒店,和 L’Occitane 酒店,這一段就同大家先介紹葡京人酒店。

葡京人酒店以澳門 1960 年代懷舊元素為設計,提供 574 間客房及套房,房型方面有葡京人高級客房,面積約 40 平方米最多可以容納 2 至 4 人,有獨立浴缸和花灑。至於葡京人套房面積約 75 平方米,配有寬敞的客廳及步入式衣帽間,非常闊落!

相比之前介紹既上葡京,葡京人度假村有全澳首個室外高空飛索、還有澳門首個室內跳傘館「GoAirborne」,叫做有一些娛樂設施玩。室外高空飛索最平標準門票 MOP$238 一位。 室內跳傘館新手套票由 MOP$ 799 一位起。

▼ 葡京人酒店

▼ 葡京人既房,可以講無乜特別,所以優點就係平 (唔通過親澳門就要住幾千蚊一晚既酒店咩),價錢經濟,房內一樣有浴缸可以浸浴 。 (圖片來源  xiaohongshu)

▼葡京人有首個室內跳傘設施的「GoAirborne」,首次玩全程要 1 至 2 小時,價錢 MOP $799 ,想放飛自我就去澳門試下,預訂網址https://mobooking.goairborne.com/productList?type=1

▼ 有飛索可以玩,係全球首個沉浸式城市高空滑索,高空景觀一覽無遺,最平價錢每位 MOP $238起。

 

▼雖然酒店房無乜特色,不過葡京人度假村內一樣有好多打卡位,酒店人有多老澳門既元素,例如有 H 捌伍叁商場,一個周圍建築有少少似歐洲街頭既感覺,商場裡面有一個大鳥籠,又係打卡位。 (圖片來源:xiaohongshu  – fungyee)

▼大家會見到一個好大塊牌寫住澳門皇宮,這裏是葡京人裡面很特色的一個小景點,還原了以前老澳門賭船的樣子。 (圖片來源:xiaohongshu  – fungyee)

▼澳門葡京人,有室內泳池,天花採用玻璃頂設計,以天然採光。

澳門葡京人
地址:澳門路氹溜冰路

交通
免費穿梭巴士:
澳門凱旋門 <=> 澳門葡京人
星期四,下午 2 時至 10 時
星期五至日,下午 2 時至 5 時
澳門葡京人 去 澳門凱旋門( 尾班車 )晚上 10 時
巴士:乘坐 51 號及 59 號,即可到達澳門葡京人正門。
輕軌:東亞運站,步行約 5 分鐘即可到達澳門葡京人。
輕軌站:東亞運站,步行約 5 分鐘即可到達澳門葡京人。

預訂澳門葡京人,可以上專業旅運 或  Trip.com ,見到暫時預訂會額外 MOP $400 (或 $200 ,睇房型)元餐飲消費券送,抵過其它網站。

▼澳門葡京人(Lisboeta Macau)預訂網址▼
專業旅運
https://www.texpert.com/tw/lastminutedeal/323-lisboeta-macau?a_aid=RH

Trip.com
https://hk.trip.com/hotels/macau-hotel-detail-80448149/lisboeta-macau/

Agoda
https://www.agoda.com/zh-hk/lisboeta-macau/hotel/macau-mo.html?cid=1597389

 

LINE FRIENDS 澳門主題酒店 – 2022 年開幕

講完澳門葡京人裏的葡京人酒店,就到要介紹佢地度假村內的第二間酒店 -LINE FRIENDS 澳門主題酒店

這間是全球首間 LINE FRIENDS 主題酒店,有 82 間客房,分別有「Brown 主題房」、「Cony主題房」和「LINE FRIENDS 主題房」,大堂門口更有大大個 BROWN 和莎莉,主題房間各有特色,簡約的房間走可愛溫馨風格,猶如親臨 LINE FRIENDS 角色家中,全部都超可愛,粉絲一定不能錯過。

▼ Cony 主題房間

▼  Brown 主題房間

▼房型方面,推介大家入住露台房,因為露台房 Brown 會坐韆鞦,Cony 就會坐在長椅上,完全係一個超靚既打卡位。房價比最 Basic 隻房貴 2 至 3 百蚊一晚咋,所以推介大家訂有露台既房。

主題房黎講,定位一千五百至二千,又覺得唔算好貴。喜歡 Line ,或帶小朋友住,可以去體驗下。

總結:

  • 話晒都係主題房,房價唔貴,小朋友都幾鐘意
  • 葡京人內多平民餐廳,唔包早餐都有好多平選擇

LINE FRIENDS 澳門主題酒店
地址:澳門路氹葡京人綜合度假村 LISBOETA

同預訂澳門葡京人一樣,可以上專業旅運 或  Trip.com 都有額外餐飲消費券 MOP$200 送,所以可以上呢兩個網站 Check 左價錢先。

▼LINE FRIENDS 澳門主題酒店官網▼
專業旅運
https://www.texpert.com/tw/lastminutedeal/324-lisboeta-macau-maison-loccitane?a_aid=RH

Trip.com
https://hk.trip.com/hotels/macau-hotel-detail-86115843/pu-jing-ren-jiu-dian/

Hotels.com
https://zh.hotels.com/ho2371196864/line-friends-ao-men-zhu-ti-jiu-dian-lu-dang-cheng-ao-men-te-bie-xing-zheng-qu/

 

L’OCCITANE 主題客房 – 2022 年開幕

Maison L’Occitane 同樣位於葡京人綜合度假村,是全球首間 L’Occitane 主題客房精品酒店。酒店以品牌的發源地—法國南部普羅旺斯為設計主題,一共有 164 間客房及套房。客房的設計靈感取自L’Occitane 最具標誌性的天然植物成分,分別是:蠟菊、馬鞭草、櫻花及乳木果,設計展現出法國的獨特魅力和風情。

L’OCCITANE 主題客房
地址:澳門路氹葡京人綜合度假村 LISBOETA

▼葡京人酒店-歐舒丹主題住宿 – 預訂網址▼
Trip.com
https://hk.trip.com/hotels/macau-hotel-detail-85452916/lisboeta-macau-maison-loccitane/?allianceid=282251&sid=730504&OUID=Lisboeta

Agoda
https://www.agoda.com/maison-l-occitane-hotel/hotel/macau-mo.html?cid=1597389

專業旅運
https://www.texpert.com/tw/lastminutedeal/324-lisboeta-macau-maison-loccitane?a_aid=RH

 

 

以下是一些預計即將 2023 年澳門開既新酒店資料,暫時還未開業

澳門 W 酒店 – 2023 年開幕

新濠影滙-澳門W酒店(W Macau)預計於 2023 年 9 月 8 日開幕,與新濠影滙第二期同時開幕。W Macau 將提供 557 間豪華客房,當中包括127間套房,並擁有水療中心、健身中心及室內泳池等設施﹐更有W潮堂(Living Room,W酒店標誌性大堂) 及 WOOBAR酒吧等標誌性的設倫。同時亦有兩間尊尚食府及一間特色餐廳,呈現環球美食、亞洲風味餐飲、中式與葡萄牙料理。

即將開幕的新濠影滙二期,將設有大型室內及室外水上樂園、擁有 6 個綜合影廳的Cineplex電影院、明星專屬演出系列及配備先進設施的會議展覽場地在內的標誌性新濠影滙設施。

▼澳門 W 酒店

▼酒店設有品牌標誌性的 W 潮堂及 WOOBAR 酒吧

▼酒店提供共 557 間豪華客房,當中包括 127 間套房

澳門W酒店
地址:澳門路氹新濠影滙二期

▼官網▼
https://www.studiocity-macau.com/tc

 

Palazzo Versace 澳門 – 2023 年開幕

Palazzo Versace 澳門把范思哲品牌的華麗絢爛風格化作生活品味,打造成亞洲首間范思哲主題豪華酒店。這間澳門新酒店位於上葡京綜合度假村,室內設計及房内傢具由意大利頂級時裝品牌 Versace 的設計師 Donatella Versace 負責,入住酒店就如活在藝術品裡!酒店樓高20層,約 270 間客房和套房,由 Versace 負責室內設計,確保全球每一間的 Palazzo Versace 均提供獨特和完美的體驗。

Palazzo Versace
地址:澳門路氹射擊路澳門上葡京綜合度假村

▼官網▼
https://www.grandlisboapalace.com/tc/hotels

 

澳門安達仕酒店 – 2023 年

Hyatt 旗下的安達仕酒店亦已進駐「澳門銀河™」,原本預計 2021 年開幕,走中高價路線,約有700多間客房和套房,配有先進設備的健身中心和室內恆溫泳池。安達仕酒店會與即將開幕的銀河國際會議中心(GICC)及擁有16,000座位的銀河綜藝館(Galaxy Arena)打通,客人可於佔地110萬平方米的綜合度假城暢享無限特色娛樂,度假城更集合了200多個國際時尚品牌、一系列的休閒設施,以及多間米芝蓮星級餐飲選擇等等。

安達仕酒店
地址:澳門路氹城「澳門銀河™」綜合度假城

▼官網▼
https://www.galaxymacau.com/zh-hant/hotels/andaz-macau/

 

以上圖片部份取自小紅書

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



2 Comments

留言