Hotel-1936
今年受到疫情影響,各行各業都努力「疫境求存」,酒店業都不例外,但今年竟然有唔少新酒店開幕,繼早前介紹有東涌喜來登酒店富薈尚乘上環酒店之外,位於太子道西嘅 Hotel 1936 亦於 12 月正式開幕,酒店距離太子站約步行 2 分鐘、旺角東站約步行 6 分鐘。呢間新酒店係一項結合歷史建築保育嘅酒店項目,酒店前身係一幢建於 30 年代嘅唐樓,目前唐樓嘅地下至 3 樓被保留,經過復修同埋活化之後,再於原建築上建立樓高 20 層嘅新酒店。

作為一間建於歷史建築之上嘅酒店,Hotel 1936 保留咗不少舊建築嘅設計,好似外型採用中國傳統博古架,酒店嘅二樓更有舊建築展覽廳,可以欣賞三十年代嘅大廳火爐、木地板、地磚、木門、窗簾框及其它室內裝潢,而酒店大堂乃至客房,都延續 30 年代嘅 Art Deco 風格。

酒店一共有 50 間客房,可以分為經典房及尊貴經典房,能夠欣賞到獅子山同埋九龍半島嘅景色。房內有免費茶包、迷你雪櫃、電子保險箱、風筒、浴室用品、蒸氣熨斗及熨板、免費無線上網及免費本地電話等設備。房間以綠色同啡木色為主調,加上幾何圖案、球形裝飾燈以及圖邊直身鏡等,好有 30 年代嘅特色!宜家官網同埋各大訂房網都可以預訂喇,二人房價 HK$480 起。

▼經典房

▼牆邊直身鏡

▼浴室

▼尊貴經典房

▼酒店裝潢保留少許 30 年代的特色

▼二樓展覽廳有如回到 30 年代!

▼新酒店於舊建築的基礎上,多加了 20 層。

房價
透過 Exepdia、Hotels.com 網站預訂,平日房價約 HK$480 (連服務費 HK$528)一晚。

預訂網址:
Expedia:https://www.expedia.com.hk/Kowloon-Hotels-Hotel-1936.h39233530.Hotel-Information
Hotels.com:https://zh.hotels.com/ho1256472960/

Hotel 1936 月租
Hotel 1936 月租都有優惠,每月由 HK$9,688,詳情可參考:https://rent.runhotel.hk/property/hotel-1936/

Hotel 1936
地址:旺角太子道西179號

────── 相關文章 ──────
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。 ====================
如你有旅遊資訊、旅遊優惠想跟我們分享,歡迎電郵 vincent@runhotel.hk
邀約採訪或商務合作,請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言