sheraton-tung-chung
疫市之下又多一間新酒店開幕喇!今次係期待已久嘅東涌世茂喜來登酒店,酒店已於 2020 年 12 月 1 日開幕。東涌世茂喜來登酒店位於東涌市中心,由東涌港鐵站步行去酒店大約需要 10 至 15 分鐘,有點小距離。酒店一共有 218 間客房,可以分為豪華客房、豪華海景客房、行政海景套房、豪華海景套房及喜來登套房。當中最大嘅賣點就係海景房型坐擁 180 度全海景(仲可以見到飛機升降),同埋酒店某些房型和餐廳都可以俯瞰日落景致,見住個靚景好有去渡假嘅感覺,大部分房型都會有咖啡機等設施,而每間房樓底都幾高,感覺唔侷促。

▼ 香港東涌世茂喜來登酒店官網網址 ▼
https://www.marriott.com/hkgsc

位置
在地理位置方面,東涌世茂喜來登酒店位於東涌市中心,與機場、亞洲博覽館、港珠澳大橋等距離只有 10 分鐘車程,或由東涌港鐵站步行去酒店大約需要 10 至 15 分鐘。(Google Map 位置按此
Sheraton_Hong_Kong_Tung_Chung_Hotel_Google_Maps

▼ 同一位置其實有兩間店 (香港東涌世茂喜來登酒店及香港東涌世茂福朋喜來登酒店),今次是東涌世茂喜來登酒店開幕,而另一邊就是福朋喜來登品牌(預計 2021 年第一季開業)。

客房介紹
▼東涌世茂喜來登酒店一共有 218 間客房,以自然柔和色調為主,設有落地玻璃窗,遼闊視野一覽無遺。房型可以分為豪華客房、豪華海景客房、行政海景套房、豪華海景套房及喜來登套房。以下是豪華海景客房,整片窗都係大海,景觀真係一流!

▼洗手間乾淨企理

▼海景套房連廳都係一大片海景,真係好 chill

▼套房房型仲會有浴缸添,玻璃設計令你浸浴時都勉強穿過房間望到外面既海景。

▼每個房型都會有咖啡機,一訓醒就可以沖杯咖啡飲喇!

▼Mini Bar

▼設施方面,酒店同樣有健身室同泳池等設施,想做 gym 或者游水都無問題!(泳池開放日期請向酒店查詢)。

▼酒店一共有 4 間餐廳,分別係 Lobby Lounge、嶼坊、海岸扒房同埋采悅軒,提供各種不同嘅美食,包括經典粵菜、扒房、世界各地佳釀及本地精釀啤酒等等,當中海岸扒房景觀無得彈,餐廳位於酒店頂層,又係畀海景包圍著,相信一定係浪漫之選。

▼想食自助餐就要去嶼坊位於東涌世茂喜來登酒店 1 樓,餐廳開揚好闊落,食物方面選擇非常多,凍海鮮一共有 7 款,至於刺身一共有四款,三文魚、鯛魚、吞拿魚及八爪魚,仲有好多款壽司同埋吸引熱食添!如想知道訂東涌世茂喜來登酒店自助餐 8 折方法,請參考這篇報導:https://www.runhotel.hk/sheraton-tung-chung-buffet

▼ Lobby Lounge
IMG_2715

▼  設計時尚的采悅軒中菜廳,主打創新而又不失傳統的粵菜

▼貴賓酒廊

▼ 露天花園

▼  在設途方面更為完善,有過萬尺宴會廳、會議室、多功能室及露天場地,對擺酒設宴的人來說,都可以考慮一下這間新酒店。

開幕優惠
即日起至 2021 年 2 月 28 日,香港人可專享開業優惠,小編查過官網系統,房價最平$1,101(連服務費 $1,211 ),入住豪華客房一晚連嶼坊雙人自助早餐,更尊享免費迎賓飲品以及延遲退房至下午 3 點。預訂時見到「Your New Neighbor Opening Offer」就係今次優惠喇。最平日子在 12 月 2, 3, 6, 7, 9, 10, 13,14 日。(官網預訂網址按此
Marriott-Find-Reserve-Choose-Dates-Rooms-Rates (7)

香港東涌世茂喜來登酒店
地址:東涌怡東路 9 號

▼ 香港東涌世茂喜來登酒店官網網址 ▼
https://www.marriott.com/hkgsc

 

香港東涌世茂福朋喜來登酒店

2020 年 12 月 1 日只係香港東涌世茂喜來登酒店開幕,東涌世茂福朋喜來登酒店就暫未正式接受預訂。以下是小編現有關於東涌世茂福朋喜來登酒店的資料,有興趣亦可先參考,預計會在 2021 年第一季開業(有新消息再通知大家)。

作為香港第一間福朋喜來登品牌的酒店,酒店一共有 1,001 間客房,可以分為傳統客房、傳統海景客房及海景客房。餐飲方面,有御廚(提供自助餐)及水岸兩間餐廳。

香港東涌世茂喜來登酒店基本資料
– Marriott Bonvoy Category 5
– 標準日子每晚積分兌換率 35,000分、淡季30,000分及旺季40,000分

香港東涌世茂喜來登酒店及香港東涌世茂福朋喜來登酒店
地址:東涌怡東路 9 號

香港東涌世茂喜來登酒店官網網址:
https://www.marriott.com/hkgsc

====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。 ====================
如你有旅遊資訊、旅遊優惠想跟我們分享,歡迎電郵 vincent@runhotel.hk
邀約採訪或商務合作,請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言