【WeChat Pay HK「跨境遊」】過百小程序超方便！唔使再排鮑師傅、阿嬤手作、太二酸菜魚，可用港幣支付同埋 Call 車！
開關咗大半年，好多香港人都會上深圳消費，不過宜家深圳好多地方都用電子消費，買茶飲、想食人氣餐廳都可以用 APP 拎飛唔使排幾個鐘。今次就同大家介紹一個超方便嘅新 APP ，叫 WeChat Pay HK 跨境遊，呢個 APP 入面有超過 100 個小程序，可以話係一 APP 在手暢通無阻！用戶只需要喺 WeChat App 入面點擊「我」-「服務」-「跨境遊」，就可以見到入面嘅過百個小程序，由餐飲、交通，到健康申報都有，非常方便！
其中一個最吸引嘅係大熱茶飲小程序，入面有超過 20 個港人最愛嘅茶飲小程序，好似係喜茶、奈雪的茶、阿嬤手作等等，而甜品小食就有必買嘅鮑師傅、良品鋪子，而美食方面就有每次去都要勁排嘅太二酸菜魚、探魚、木屋燒烤、潮汕大目牛肉火鍋等等，就連超市都有！用戶只要點入去想食/買嘅餐廳，再選擇「店內堂食」、「到店自取」或「送貨」就可食預訂食物，預返時間一去到就可以即使享用，唔使到時排勁耐！另外，用戶可以直接用港幣銀包線上付款，唔使申請內地銀行戶口，又或者係換人民幣，更加唔需要手續費，直接線上畀錢就可以喇！
WeChat Pay HK 跨境遊仲可以幫你預購車票同機票，喺跨境交通欄目有港鐵、港珠澳巴士、大灣區巴士、高鐵、渡輪、飛機等交通工具，入面仲有「滴滴出行」，Call 的士都方面好多！用戶可以直接喺入面購買需要嘅車票，然後直接用港幣線上付款，非常方便。目前香港人入境大陸依然要進行健康申報，用戶可以直接喺「跨境遊」頁面按「海關旅客指尖服務」，就唔使再花時間喺入境大堂度填實體申請表喇！WeChat Pay HK 跨境遊入面仲集合咗唔同人氣住宿同埋各大旅遊商品平台，好似係攜程、KLOOK、滑雪樂園「廣州融創」等等，以後想去玩又唔知有咩新景點，就可以入去睇睇喇！
有關深圳、大陸既旅遊討論，分享，大家可以加入「深圳大陸吃喝玩樂」 Facebook 群組：https://www.facebook.com/groups/1413562572722892
全新深圳、大灣區旅遊酒店優惠情報網：https://www.runhotel.hk/bayarea/
其它深圳文章
- 【深圳按摩揼骨場資料】連價錢、優惠、小費建議 (全部正骨場)
- 【深圳野生動物園攻略】開放時間/ 港澳居民門票優惠 / 交通方式 / 附近酒店 / 套票
- 深圳酒樓 (飲茶) 推介
- 深圳商場大全資料 (連地下鐵站出口資料)
