灣仔帝盛酒店入住體驗!人均 3 百幾蚊一晚咋
近期好多香港酒店都瘋狂減價,又推出一些「住宿+連晚餐」的超抵優惠,小編最近都親身去體驗過其中位於灣仔的帝盛酒店 (Dorsett Wanchai),佢地而家就有一個 $688 住宿連早晚餐的的優惠,除番開兩個人即係最平 $344 蚊咋,抵到爆,呢個價包埋早餐、晚餐,仲有房間升級等等,即刻同大家分享一下當日既入住體驗啦!
灣仔帝盛酒店 $688 起住宿優惠 ,預訂網址:
https://www.wanchai.dorsetthotels.com/zh/starry-package.html
灣仔帝盛酒店位置近跑馬地馬場,在伊利沙伯體育館後面,建議大家可以在銅鑼灣港鐵站,時代廣場 A 出口出,步行約 10 分鐘,就可以到達酒口。
灣仔帝盛酒店並不是一般的精品細酒店,酒店比想像中大,而且睇得出大堂已番新過,光猛乾淨,黎到酒店第一個印象非常好,講真幾百蚊一晚既酒店,仲要包埋自助早餐、晚餐,都唔會要求太多。
Check-in 先。
先介紹一下今次的灣仔帝盛酒店 $688 的住宿 Package,$688 是二人的總價錢,已包埋服務費,而訂完之後,仲可以在以下自選 4 個禮遇,4 個自選禮遇如下:
- 免費於房內享用雙人晚餐 (炸雞套餐 1 份 + 卡邦尼意粉 1 份 + 啤酒 2 罐)
- 每天雙人自助早餐
- 免費房間升級至尊貴豪華跑馬地馬場景觀客房
- 每晚 HK$200 升級至套房
- 延遲退房至下午 6 時
- 免費享用迷你吧
- 帝盛限量禮物包
- 超值價每晚 HK$400 元升級至家庭四人客房,連同精美房內Pinata、小童歡迎禮物及每天雙人早餐 (最多兩位)
- 於 SPEEDYCAT 快影館體驗 45分鐘家庭攝影服務連同 3 張沖印 4R 照片
- 海洋公園門票折扣優惠(成人門票65折、小童門票8折)
我地當日係星期五入住,星期五、六每晚會加收多 $100 附加費,即 $788,而點解我地要星期五黎住呢,因為星期五黎可以任飲紅、白酒或香檳,下文再講。而自選的 4 個禮遇,我地就選左自助早餐、雙人晚餐 (炸雞套餐 1 份 + 卡邦尼意粉 1 份 + 啤酒 2 罐)、免費房間升級至馬場景觀、同埋帝盛限量禮物包既。今次優惠一定要去官網先訂到既,預訂連結可按此,記得要喺最後步驟,於「特別要求」一欄(或意見欄)填上自己想揀邊幾個禮遇就 OK 。
Check-in 完,入房睇下先,第一眼見到個馬場景,真心覺得好 OK,第一次咁近見到馬場,完來個 View 真係幾靚。
都望到大半個馬場,可惜入住當日無賽馬,如果有,可以在酒店房內現場睇到賽馬賽事,都應該會幾有氣氛。
房間都乾淨既,床都正常舒服同夠大張。
房內有免費生果提供
Mini Bar 有汽水、啤酒、杯麵同薯片,如果想免費享用,就可以在其中一個禮遇裏選免費 Mini Bar。
夜間的馬場景
浴室都唔算細,仲有個浴缸今晚可以浸浴。
入房 Hea 完一陣之後,到大約夜晚 6 點,就可以去酒店大堂度放鬆下,每晚 6 點至 7 點,在大堂都有一個帝盛糖果吧,仲有部爆谷機,住客可以免費攞爆谷和糖果食。
而我當日就係星期五入住,點解選星期五,因為逢星期五在酒店大堂有「帝盛美酒時光」,可以飲任紅、白酒或香檳,仲有一些小食。其實 Book 間房都係幾百蚊,仲有咁既免費享受,都真係幾爽。
之前講過今次住宿 Package 有 4 個禮遇,我地另一個就選了晚餐,晚餐有炸雞套餐 1 份 + 卡邦尼意粉 1 份 + 啤酒 2 罐,坦白講份量唔算好多,但因為剛剛在大堂已經食左一些小食,仲飲左幾杯,所以都飽飽地,開頭仲諗緊唔夠再叫外賣,最後都無叫到。
第三個禮遇我就選了禮物包,是一隻啤啤熊和蠟燭。
第四個禮遇當然選自助早餐,早餐食物質素 OK 既
食完早餐,最後做埋個 Gym 就 Checkout 喇。
入住總結
– 房價只係 $688 至 $788 蚊,性價比都高既
– 房間升級左,個馬場景觀係靚既,房仲有浴缸
– 全間酒店都乾淨,仲有得做埋 Gym
– 酒店唔近港鐵站,位置唔算方便,但都好易搵到。
– 晚餐份量唔算多,真係唔夠既自己再叫外賣啦。
另外旁邊既麗悅酒店都有港人住宿優惠,房價$ 500 咋,有機會下次香港快閃住宿我地或者都去試下,詳情:https://www.runhotel.hk/cosmohotel
灣仔帝盛酒店預訂網址
https://www.wanchai.dorsetthotels.com/zh/starry-package.html
(記得要喺最後步驟,於「特別要求」一欄(或意見欄)填上自己想揀邊幾個禮遇就 OK 。)
其它香港酒店優惠: