【香港 W 酒店住宿體驗】房價 $2,200 起,包 $1,500 餐飲消費額及 $500 水療消費額,食自助餐、Fine dining 都得!
想食咩都得!香港 W 酒店最受歡迎的「隨時隨地想吃就吃」(Dine Whatever/Whenever) Staycation Package,二人房價 HK$2,200(連服務費 HK$2,420)起,入住,包 HK$1,500 起餐飲消費額及 HK$500 水療消費額,餐飲消費額可以用於 香港W 酒店或香港麗思卡爾頓酒店餐廳,食自助餐、Fine dining 或房內餐飲或迷你吧都得㗎(記得自己打去餐廳訂枱先)。而 HK$500 水療消費額就可用於酒店最新推出的「CBD 無限煥然甦活星級療程體驗」,呢個 Spa 選用知名高級英國 CBD 品牌 OTO 產品,仲有包埋 CBD 特飲,可以有效緩解各種身體疼痛炎症、減緩焦慮及憂鬱症狀,亦可安神助眠。覺得千五蚊消費額唔夠使的話,可以選擇加錢入住奇幻套房 (Fantastic Suite)或非凡套房 (Marvelous Suite),會加碼送高達 HK$2,500 餐飲消費額㗎!即日起至 2021 年 10 月 17 日期間訂閱香港 W 酒店的電子通訊,仲可以獲得港幣 $500 的水療禮券,體驗 bliss® 水療中心指定療程!
今次小編體驗的是高級少少的絕佳客房 (Fabulous Room),房內可以睇到海景、有 Nespresso 膠囊咖啡機同浴缸,仲有搖酒器可以喺房 DIY 雞尾酒,最正係有埋無線充電,唔帶手機充電線都得啊!餐飲方面,小編就試咗 WOOBAR 午餐、星宴中餐廳「總廚饗宴品味菜單」晚餐(餐牌按此, 價錢 $1,888)同 KITCHEN 自助早餐 ($1.500 餐飲消費額唔夠食晒兩餐,我地就自己再加錢),其中午餐包括有一主菜及一甜品,另外可以加購埋沙律吧,餐廳的沙律是 Shake Shake 樽形式,可以自由加入超過 10 款醬料同配料,仲會有埋湯同餐包提供,都值得一試。而星宴晚餐就包括有花膠蟲草花燉響螺湯、黑松露雜菌和牛盒、原隻鮑魚火鴨燴香苗等菜式,而甜品都幾有新意,是桃膠蛋白杏仁茶拼豆蓉卷,擺盤睇落仲有啲日式 Feel,更特別的是茗茶有荔枝紅茶可以揀。至於早餐亦都好豐富,首先麵包款式超多,連 Bagel 都有,另外雞蛋料理亦都好多,包括班尼迪克蛋、鰻魚汁玉子燒、茶葉蛋、意式烤蛋餅等等,其他早餐必食的薯餅、腸仔、煙肉、粥粉麵飯都有齊,甚至有日式冷麵、壽司、咖哩等提供。
適用入住日期:即日起至 2022 年 1 月 31 日
官網預訂網址:
https://bit.ly/3iIhss8
▼上佳客房(Fabulous Room)
▼窗邊有貴妃椅,大到喺到瞓多個人都冇問題啊!
▼有智能電視可以連接手機睇 Youtube、Netflix 等影音平台
▼房內有 Nespresso 膠囊咖啡機,而且仲好貼心咁提供埋外賣杯,Check-out 時想沖多杯咖啡拎走都冇問題~
▼房內迷你吧有薯片、紅酒、汽水、啤酒同茶包等提供
▼另外加錢仲可以拎走呢隻可愛公仔!
▼連搖酒器都有!可以喺房自己 DIY 雞尾酒 Chill 一下~
▼枱面仲有口罩、消毒搓手液同消毒濕紙巾提供
▼床頭側邊唔止有 USB 插頭位,鬧鐘頂仲有無線充電位,唔記得帶充電線都唔使擔心!
▼衣櫃內有夾萬、瑜珈墊、掛熨等提供
▼洗手間有齊浴缸同企缸、兩個洗手盤,而且廁所獨立一間,兩個人住都唔使爭住用
▼浴缸前面有電視可以睇
▼提供意大利品牌 Davines MOMO 系列沐浴備品、洗面奶及身體乳液,小編試完覺得護髮素超好用,用完頭髮好柔順!
餐飲介紹
▼WOOBAR 午餐有包埋自助沙律吧、一款主菜(餐牌按此)及一款甜品(餐牌按此),每位 HK$278 (連服務費 HK$306),唔包沙律吧的話每位只需 HK$238 (連服務費 HK$262)。餐廳沙律採用 Shake Shake 沙律杯的方式,客人按喜好加入配料同醬汁後搖一搖就食得。
▼有超過 10 款醬汁可以揀,包括沙律油、沙律醋、日式芝麻醬等都有提供
▼沙律吧仲有餐湯同餐包提供
▼午餐主菜共有 9 款可以揀,今次小編就試咗紅酒燉牛頰肉,肉質好軟,牛味極濃。
▼另一款主菜烤鱸魚
▼而甜品就揀試櫻花士多啤梨芝士蛋糕,甜而不腻。
▼另一款甜品揀咗檸檬青檸雪葩配水果沙律,雪葩食落好清爽,配埋水果好消滯,而且成碟擺盤超靚好適合打卡!
▼星宴的六道菜晚餐(餐牌按此) 兩位 HK$1,888(連服務費 HK$2,077),包括有星宴精選前菜拼盆、花膠蟲草花燉響螺湯/龍蝦湯海皇燕窩羹、杞子紅棗雲耳蒸星斑球/雲丹蟹肉大蝦皇、黑松露雜菌和牛盒/露筍野菌遼參炒雞球、原隻鮑魚火鴨燴香苗及桃膠蛋白杏仁茶拼豆蓉卷,茗茶仲有荔枝紅茶可以揀。
▼花膠蟲草花燉響螺湯
▼龍蝦湯海皇燕窩羹
▼雲丹蟹肉大蝦皇
▼杞子紅棗雲耳蒸星斑球
▼露筍野菌遼參炒雞
▼黑松露雜菌和牛盒
▼原隻鮑魚火鴨燴香苗
▼桃膠蛋白杏仁茶拼豆蓉卷
▼翌日可於 KITCHEN 享用自助早餐,每位 HK$361(已連服務費),餐廳被落地大玻璃包圍,好開揚,而且望出去仲有海景添。
▼自助早餐有超多麵包款揀,除咗比較常見的牛角包、朱古力酥、鬆餅之外,連 Bagel 都有啊!
▼除了即叫即整嘅炒蛋、奄列等雞蛋料理之外,仲有班尼迪克蛋、黑松露蒸蛋、鰻魚汁玉子燒、茶葉蛋、意式烤蛋餅等多國雞蛋料理提供
▼西式早餐必備的薯餅、煙肉、腸仔、穀物等都有齊,而中式早餐就有粥、炒麵、炒飯、點心同麵檔,另外仲有日式冷麵、凍豆腐同壽司提供
▼沙律、水果、乳酪亦都有
▼更特別的早餐都有咖哩同 Movenpick 雪糕供應
▼酒店游泳池位於 76 樓,是全港最高戶外恆溫泳池,泳池側邊仲有池畔吧 WET DECK 可以飲返兩杯
▼海景按摩池 (需提前預約)
▼酒店健身中心都可以邊望住海景邊做運動
▼今次 Package 仲有包 bliss® 水療中心 HK$500 水療消費額,可用於酒店最新推出的「CBD無限煥然甦活星級療程體驗」(詳細收費),105 分鐘療程收費由 HK$1,995 (連服務費 HK$2,195)起,選用知名高級英國 CBD 品牌 OTO 產品,仲有提供 CBD 特飲,可以有效緩解各種身體疼痛炎症、減緩焦慮及憂鬱症狀,亦可安神助眠。
▼bliss® 水療中心位於酒店 72 樓,預約套房的話,仲可以望住海景做 SPA 添!
房價包括:
- 入住奇妙客房 (Wonderful Room)、壯美客房 (Spectacular Room)、上佳客房 (Fabulous Room)及酷角客房 (Cool Corner Room),可享 HK$1,500 餐飲消費額
- 入住奇幻套房 (Fantastic Suite)或非凡套房 (Marvelous Suite),可享高達 HK$2,500 餐飲消費額
- bliss® 水療中心 HK$500 水療消費額,可用於指定水療療程
- 免費使用全港最高戶外恆溫泳池WET®及海景按摩池 (需提前預約)
▼官網預訂網址▼
https://bit.ly/3iIhss8
香港 W 酒店
地址:柯士甸道西 1 號