香港酒店半自助午餐推介｜8 間酒店 Lunch 最平 HK$128 起！金普頓買一送一、四季法式半自助餐
想食酒店 Buffet，但又覺得傳統自助餐動輒每位 HK$400、HK$500 太貴，其實半自助午餐都幾抵食！一般半自助餐都是自助區任食沙律、冷盤、甜品等，再配一款即叫即製主菜，部分酒店更加有生蠔、刺身、海鮮、和牛等選擇，既可以任食，又可以慢慢歎一份高質主菜。
今次 Runhotel 整理香港 8 間酒店半自助午餐，由尖沙咀金普頓酒店、香港四季酒店，到太古香港東隅、灣仔合和酒店都有，價錢由每位 HK$128 起。想食五星酒店亦未必要好貴，例如尖沙咀金普頓酒店 Hillside 不定期有買一送一，兩位 HK$586，平均每位 HK$293；如果預算高一點，香港四季酒店 Gallery 亦有全新法式半自助午餐，每位 HK$625。
香港酒店半自助餐，連價錢和地區
| 酒店／餐廳 | 地區 | 價錢 |
|---|---|---|
| 尖沙咀金普頓酒店 Hillside | 尖沙咀 | HK$293 起／位 |
| 香港四季酒店 Gallery | 中環 | HK$625／位 |
| 合和酒店大堂咖啡廳 | 灣仔 | HK$226 起／位 |
| 香港東隅 FEAST | 太古 | HK$395 起／位 |
| 九龍東如心酒店 I-O-N | 觀塘 | HK$236／位 |
| 8 度海逸酒店 8 度餐廳 | 九龍城／土瓜灣 | HK$214 起／位 |
| 旭逸酒店 Eat@ease | 葵涌 | HK$98 起／位 |
| 香港珀麗酒店大堂咖啡廳 | 銅鑼灣 | HK$128 起／位 |
1. 尖沙咀金普頓酒店 Hillside｜買一送一人均 HK$293
位於尖沙咀中間道的金普頓酒店 Hillside，是近期幾值得留意的酒店半自助午餐之一，酒店 2025 年才開，是 IHG 旗下 Luxury 品牌酒店之一，Hillside 餐廳半自助午餐以東南亞及本地風味為主，自助區可以任食沙律及甜品，再自選一款即叫即製主菜，選擇包括炭燒帝皇三文魚配三文魚籽法式白奶油醬、慢燉羊小腿配薯蓉、芝士龍蝦伊麵及泰式炭燒三黃雞等，菜式會按季節調整。價錢方面，KKday 不定期會推出買一送一快閃優惠，兩位優惠價 HK$586，平均每位 HK$293，以尖沙咀新五星酒店來講幾吸引。食完 Lunch 如果想繼續坐下，酒店 50 樓天台 Swim Club 亦有池畔酒吧，可以望住維港景色飲杯 Cocktail。
▼ 優惠詳情及預訂 ▼
https://www.runhotel.hk/kimpton-tsim-sha-tsui-dining/
2. 香港四季酒店 Gallery｜法式半自助午餐 HK$625
如果預算高一點，想食一餐比較精緻的五星級酒店半自助午餐，可以留意香港四季酒店 Gallery 全新推出的 Semi-Buffet Lunch (之前 Gallery 係做 Buffet，而家無 buffet 喇，星期一至日都係供應半自助餐)。今次餐飲概念以現代法式 Brasserie 為靈感，比一般以任食做賣點的半自助餐更加著重食材、主菜及整體用餐體驗。半自助午餐供應時間為 12:00 至 14:30，食客可以先到自助區任食時令沙律、手工芝士及 Charcuterie 凍肉，再自選一款主菜，由餐廳即製並送到餐桌。食完主菜之後，亦有獨立甜品自助區，可以慢慢試不同甜點。主菜方面，其中一款重點推介是香煎 USDA 美國牛西冷，配雲南烤薯角及牛肉汁；想食經典法國菜就可以選擇 Classic Poulet Rôti 法式烤雞，配 Sucrine 生菜及雞汁。鍾意海鮮亦有輕炙 Ahi 吞拿魚尼斯沙律，配檸檬橄欖油油醋汁，口味相對清新。芝士亦是今次半自助午餐其中一個賣點，自助區提供來自法國 Les Frères Marchand 的手工芝士選擇，鍾意食 Cheese 的人可以留意。
Gallery 半自助午餐每位 HK$625。價錢的確比今次介紹的其他酒店高，不過定位亦完全不同，主打四季酒店環境、法式 Brasserie 體驗、USDA 牛西冷及法國芝士。如果是慶祝生日、紀念日，或者想搵一餐食得精緻一點的 Lunch，可以考慮。
▼ 預訂網站 ▼
https://shopfourseasonshk.com/products/a-new-semi-buffet-lunch-experience-at-gallery
3. 灣仔合和酒店大堂咖啡廳｜半自助午餐 HK$221 起
位於灣仔堅尼地道 15 號的合和酒店，大堂咖啡廳設於酒店 19 樓。酒店比較新，環境寬敞舒適，而且視野開揚，想在灣仔搵間環境舒服的酒店食 Lunch，可以留意。星期一至六半自助午餐由 12:00 至 14:30 供應，自助區有沙律吧、中式點心、雜錦壽司、餐湯、熱食、甜品及雪糕等，中西式選擇都有，再按個人喜好加配主菜。星期日及指定日子的午餐陣容會再豐富一點，加入冰鎮海鮮及澳洲燒牛肉。
現時半自助午餐有 85 折優惠，折後每位約 HK$226 至 HK$321 起，主菜則需另外加購。如果本身食量不算非常大，又想食多款不同熱食、點心及甜品，這間價錢相對容易入手。
▼ 預訂網站 ▼
https://www.kkday.com/zh-tw/product/285925
4. 太古香港東隅 FEAST｜生蠔、刺身＋即製主菜 HK$395 起
香港東隅位於太古城道 29 號，酒店 1 樓 FEAST (Food by EAST) 的半自助午餐一直都幾受歡迎，最大賣點是自助區選擇比一般半自助餐豐富，如果想食海鮮會比較吸引。自助區有即開生蠔、刺身、壽司、沙律、冷盤及 Gelato 手工雪糕等，再配一款即叫即製主菜，選擇涵蓋澳洲和牛牛柳、蒸北海道帶子、慢煮波士頓龍蝦等。
現時平日半自助午餐每位 HK$395 起；週末亦有半自助早午餐，每位 HK$423 起。餐廳不時會推出買一送一或買二送二快閃優惠，之前優惠人均低至約 HK$282，所以如果不急住食，可以留意最新優惠再訂。
▼ 預訂網站 ▼
5. 觀塘九龍東如心酒店 I-O-N｜半自助午餐 HK$236
九龍東如心酒店位於觀塘創業街 38 號，距離牛頭角港鐵站不遠。酒店 2 樓 I-O-N 現時推出與泰國駐港總領事館聯乘的「盛夏泰滋味」半自助午餐，供應期至 2026 年 9 月，用餐時間為 12:00 至 14:30。自助吧供應沙律、芝士及精選冷肉，再自選一款主菜，包括泰式大虎蝦椰香意大利粉、慢火燉泰式黃咖喱燴羊膝，以及烤澳洲安格斯肉眼配泰國鹹魚賓尼士醬等。甜品亦加入泰式元素，有菠蘿椰子慕士餅、椰汁西米糕及珍多果凍椰汁西米露等。
現時經 Klook 預訂有 85 折，折後每位 HK$236，已包括菜單上價值 HK$248 或以下的主菜。如果在觀塘、九龍灣一帶返工，想食酒店 Lunch 又不想花 HK$300、HK$400，這間價錢相對親民。
▼ 預訂網站 ▼
https://www.klook.com/zh-HK/activity/79034-i-o-n-kwun-tong/
6. 九龍城 8 度海逸酒店 8 度餐廳｜半自助午餐 HK$214 起
8 度海逸酒店位於土瓜灣九龍城道 199 號，酒店 2 樓 8 度餐廳提供 2.5 小時半自助午餐。自助吧有沙律、餐湯及甜品，每位再可以揀一款即叫即製主菜。主菜包括香煎三文魚配白酒忌廉汁、豬肋排配墨西哥烤餅等，亦可以額外加 HK$20 升級香烤羊架、燒特級牛肉或者黑松露海鮮扁意粉，想食得豐富一點都不用加太多錢。
半自助午餐每位 HK$214 起。週末及公眾假期則設假日自助午餐，有海鮮、環球熱食及甜品等更多選擇，所以預訂前記得留意用餐日子及餐種。
▼ 預訂網站 ▼
https://www.klook.com/zh-HK/activity/53619-harbourplaza-8degree-buffet/
7. 荃灣旭逸酒店 Eat@ease｜半自助午餐 HK$98 起
位於葵涌圳邊街 15 至 19 號的旭逸酒店，1 樓 Eat@ease 走工業風設計，半自助午餐價錢亦是今次幾間酒店之中比較親民的一間。自助吧無限供應沙律、是日餐湯、甜品及飲品，每位再可以自選一款即製主菜。主菜會定期轉款，包括秘製海南雞配椰香油飯、燒美國極黑豬柳配紅酒汁、澳洲草飼肉眼扒、香煎澳洲羊鞍扒，以及日本和牛熔岩芝士漢堡等，部分較高級主菜需要另外加錢。
現時半自助午餐每位 HK$98 起，是今次推介之中入場價最低的一間。酒店亦有免費接駁巴士。如果想控制在每人 HK$100 樓下，又想坐低慢慢食一餐，性價比算不錯。
▼ 預訂網站 ▼
https://www.klook.com/zh-HK/activity/31383-eatease-hotel-ease-tsuen-wan/
8. 銅鑼灣香港珀麗酒店大堂咖啡廳｜最平 HK$128 起
如果純粹想平平地食酒店半自助午餐，銅鑼灣香港珀麗酒店可以特別留意。酒店位於信德街 8 號，鄰近維多利亞公園，大堂咖啡廳每日午市都有半自助套餐。自助吧供應約四至六款沙律、少量海鮮、中西式餐湯、熱食、小食、甜品及雪糕，再配一款主菜。主菜會定期更換，包括香煎三文魚、日式牛肉飯及燒春雞等，亦可以加錢升級燒羊架或燒肉眼配紅酒汁。
用餐時間為每日 12:00 至 14:30，優惠最平每位 HK$128 起，如果對自助區款式要求不高，主要想有主菜之餘再任食沙律、甜品等，HK$100 幾左右已經有酒店 Lunch，價錢幾吸引。
▼ 預訂網站 ▼
https://www.kkday.com/zh-tw/product/526075
文章所寫的菜式只供參考，而菜式餐廳亦會定期轉換，一切以餐廳當日供應為準。
