報導第一手酒店優惠消息
分享酒店優惠、訂機票、旅遊攻略


遊輪到底有咩好玩?今次就等啱啱去完 4 日 3 夜公海遊的小編,幫大家解構皇家加勒比郵輪海洋光譜號船上超過 10 個必玩設施、必睇表演啦!首先船上最吸引的項目就是甲板跳傘、南極球彈床與 VR 體驗、甲板衝浪,呢三個都係比較刺激、有技巧性同挑戰性的遊樂設施,而且都比較少見,好值得一試!如果想靜靜地 Chill 下 Hea 下,就可以去「最高海上觀景台」北極星睇下風景,去日光浴場曬太陽、打卡影相,睇下遊輪原創歌舞表演,又或者去賭場玩兩手都唔錯。另外,仲有好多適合親子合家歡的項目,包括碰碰車、遊戲機、足球機、藍球、兵兵球等等,年紀比較細嘅小朋友可以交去託管所玩,而年紀大一啲嘅就可以去青少年迪士科唱K、跳舞。除此之外,船上仲有唔少免費活動可以經 App 預約參加,比如電影欣賞、猜歌遊戲、開放式卡拉 OK、手工藝工作坊、單身聚會等等,玩夠 5 日 4 夜都絕對無問題!詳情睇下文啦!

▼ 海洋光譜號公海遊預訂網址 ▼
http://www.royalcaribbean.com.hk/

想知皇家加勒比郵輪上餐飲體,可以參考下一篇:https://www.runhotel.hk/royalcaribbean-facilities

想知最新皇家加勒比郵輪優惠,可以參考:https://www.runhotel.hk/royalcaribbean-promo

▼甲板跳傘,玩之前會有示範教學片睇,每人可以玩兩次,每次約 2 分鐘,小編玩過真係好有飛緊嘅感覺!但女士們記得要帶條橡根去扎好頭髮先玩,如果唔係就會好似小編咁頭髮打晒撠…

▼南極球彈床與 VR 體驗,今次小編體驗時,由於 VR 需要維修冇開放,就只係體驗咗跳彈床,不過一啲都唔悶!因為一下就可以彈到一層樓高,而且都真係有啲離心力,感覺好刺激!如果有戴埋 VR 眼鏡嘅話,就體驗由北極穿越地心抵達南極嘅旅程。

▼獲健力士世界紀錄「最高海上觀景台」稱號的北極星,360 度都係玻璃窗,小編在開船之前就上去睇過,可以睇到晒啟德碼頭同維港風景。

▼甲板衝浪有 12 米長摸擬器,潮浪長達 40 呎,仲有 30,000 加侖的洶湧水花迎面撲來,比你感受到海洋上沖浪感覺,而且其位於船頭位置,可以睇住一望無際的海景玩衝浪,好爽!

▼講到玩水,船上分別有室內及室外兩個泳池可以免費任玩,兩個泳池側邊都有池畔吧,仲有不定時提供雪糕添㗎!

▼泳池兩邊仲有唔少位可以坐低 Hea 下~

▼另外亦有適合小朋友的水上樂園可以玩,當中設有的水滑道、水砲、噴泉及泳池等。

▼位於船頭的日光浴場環境好舒服,亦都好適合打卡!

▼船上集結最多玩樂設施的地方就是海上多功能運動館,提供碰碰車、遊戲機、足球機、藍球、兵兵球等項目。

▼碰碰車只會於早上 9 點至 11 點左右的時段開放,今次小編去發現時間愈早人愈少,如果之後冇人預約都可以照坐係位繼續玩,又或者現場仲有空車位都可以即時入場玩,而無需預約。

▼海上歷奇青少年中心內有提供託管所、兒童遊樂設施、科學實驗、劇院演出和航行者體驗等,由 6 個月到 14 歲小童都可以喺到搵到啱玩的設施。

▼而 15 至 17 歲的青少年就可以去青少年迪士科到參加主題派對、唱卡拉 OK、跳舞等等。

▼海洋光譜號的招牌歌舞表演《魅舞今昔》,於皇家大劇院公演,小編個人認為呢個表演除咗欣賞台上各位的好歌喉同整齊舞步之外,每一幕的靚衫都好值得一睇!

▼另一個必睇表演之一,就是於 270 度景觀廳公演的《絲綢之路》,整個表演有故事性,而且給合了多個元素,可以一次過睇到晒小提琴 Solo、小提琴與中國鼓合奏、歌舞表演及體操雜技表演,非常精彩!

▼皇家娛樂場宜家亦都有開放,各種老虎機、推錢機、啤牌類嘅都有得玩。

▼海洋光譜號公海遊▼
http://www.royalcaribbean.com.hk/

大家可以去以下網址格下價,邊度平就去邊度訂
KKDAY 預訂網址:https://www.kkday.com/zh-hk/product/120063?cid=2058&ud1=Cruisecation
KLOOK 預訂網址:https://www.klook.com/zh-HK/activity/58091-2-3-4-night-hong-kong-cruise-royalcaribbean-spectrumoftheseas/?aid=16&aff_ext=Cruisecation
專業旅運預訂網址:https://www.texpert.com/tw/cruise/seacation.aspx?page=1?a_aid=RH

皇家加勒比郵輪上餐飲體,可以參考下一篇:https://www.runhotel.hk/royalcaribbean-facilities
【皇家加勒比郵輪體驗餐飲篇】食均 8 間餐廳及酒吧,免費自助餐有一日會加特殊菜式,主餐廳晚餐每日轉新款!

想知最新皇家加勒比郵輪優惠,可以參考:https://www.runhotel.hk/royalcaribbean-promo

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言