報導第一手酒店優惠消息
分享酒店優惠、訂機票、旅遊攻略

位於旺角嘅帝京酒店又有新親子 Package 推出,今次呢個住宿套票「叢林王者 │ 玩轉海洋主題客房住宿計劃」好啱一家大細齊齊入住,仲要超抵玩添!兩大兩細房價 HK$1,780 (連服務費 HK$1,958)起入住叢林王者或玩轉海洋主題客房一晚,包埋花月庭全時段自助晚餐、小食拼盤,仲可以喺房內免費睇收費電影頻道添!主題房內設有動物公仔、星空投影燈、小木屋造型帳篷、仿火爐燈等,氣氛超好!房間內仲有好多棋盤遊戲可以任玩,包括飛行棋、層層疊同扭扭樂等 Board game,大人小朋友都可以玩個痛快!另外酒店亦相當貼心,特別提供兒童浴袍、拖鞋、暖奶器及護理套裝,就連枱角位都有安全防撞護角,插頭位亦有安全電插保護,大人都可以放心俾小朋友喺房內玩餐飽!

今次嘅住宿套票包埋兩位成人及兩位 5 歲以下小童嘅花月庭全時段自助晚餐,呢個 4 位嘅自助晚餐都價值千五左右,等同食自助晚餐可以免費住一晚,真係勁抵!花月庭最新嘅自助晚餐主題係「盛饌.悅綻」自助晚餐,除咗有生蠔、花膠、龍蝦、麵包蟹、鴨肝等一系列嘅美食之外,仲加入咗「養生珍菌美饌區」,可以品嚐姬松茸、舞茸、松草花、椎茸、猴頭菇及金菇等,菜式包括燒雞卷釀松茸椎茸醬伴野菌燒汁、即煮野菌意粉區、黑醋猴頭菇、蠔皇舞茸椎茸雞煲、花膠松草花龍脷柳、黑松露金菇松草花炒麵、豉汁花膠姬松茸蒸雞球,以及猴頭菇松草花燉雞湯*及茶樹菇花菇燉雞腳湯*等等,超豐富!

*適用於星期五至日、公眾假期及前夕升級美食日子
所有食物輪流供應

適用入住日期:由即日起至 2021 年 10 月 31 日
官網預訂網址
https://reservation.royalplaza.com.hk/npres/mindex.jsp?lang2=TC&p_code=RUNHOTEL

▼叢林王者主題客房:房內設計真係相當用心,床單、枕頭、裝飾、帳篷等等全部都因應主題而有唔同,小朋友入住一定會超級開心!

▼ 另一間主題房:玩轉海洋主題客房

▼就連洗手間都貼滿裝飾,超可愛!

▼房內仲有個小帳幕,小朋友真係玩極都唔厭!

▼房間內有唔少專為小朋友而設嘅用品,包括兒童浴袍、拖鞋、暖奶器及護理套裝,帶埋小朋友入住就真係好方便喇!

▼尖銳嘅角位都貼上安全防撞護角,好貼心!

▼房內有唔少 board games 可以玩,大人小朋友都唔怕悶!

▼連電影都可以免費,仲有多套新戲都可以睇到架!

▼房價仲包埋小食拼盤,唔好以為份量好細,有牛角包、三文治、薯條、炸雞、雞翼、魚旦等,超級多!

▼帝京酒店嘅自助晚餐向來選擇多多,最新嘅「盛饌.悅綻」自助晚餐加入咗「養生珍菌美饌區」,鍾意食菇菌嘅朋友仔就真係唔好錯過喇!凍海鮮方面選擇依然唔少!

▼法國生蠔即叫即開!

▼鐵板蒜香野菌醬牛油波士頓龍蝦

▼酒店加入超多菇菌菜式,包括燒雞卷釀松茸椎茸醬伴野菌燒汁、即煮野菌意粉區、黑醋猴頭菇、蠔皇舞茸椎茸雞煲、花膠松草花龍脷柳、黑松露金菇松草花炒麵、豉汁花膠姬松茸蒸雞球,以及猴頭菇松草花燉雞湯*及茶樹菇花菇燉雞腳湯*等
*適用於星期五至日、公眾假期及前夕升級美食日子

▼帝京酒店嘅甜品口碑向來都好好,今次仲要加入咗生酮黑松露巴斯克蛋糕 ,減緊肥唔想食咁甜一點要試!

▼其他熱盤

▼刺身、壽司

▼星期一至四惠顧全時段自助晚餐,每位客人仲可額外獲贈火炙芝士菌皇醬鮑魚一客添!

▼預訂時見到「叢林王者主題客房住宿計劃」就係今次優惠

▼預訂時見到「玩轉海洋主題客房住宿計劃」就係今次優惠

優惠詳情:

  • 入住帝京酒店叢林王者或玩轉海洋主題客房一晚
  • 免費享用花月庭全時段自助晚餐(兩位成人及兩位5歲以下小童)(價值港幣$ 1425.6起)
  • 盡情於房內任玩棋盤遊戲(包括飛行棋、層層疊及扭扭樂)
  • 免費小食拼盤(四位用)
  • 客房內免費觀賞任何收費電影頻道
  • 免費使用客房無線及寬頻上網服務

專為攜帶兒童入住的家庭而設的設施 :

  • 兒童安全防撞護角及安全電插保護
  • 兒童浴袍和拖鞋
  • 暖奶器
  • 兒童護理套裝乙盒

條款及細則 :

  • 優惠有效期由即日起至2021年10月31日
  • 房間價目須另加一服務費
  • 預訂一經確認,須繳付全數房間費用,已繳之訂金將不獲退還
  • 所有預訂均不能取消或更改
  • 小食拼盤將於抵達酒店當日於客房內享用(15:00-21:30)
  • 花月庭全時段自助晚餐將於抵達酒店當晚享用(18:00-22:00),不需另行預訂
  • 如政府實施的《預防及控制疾病(禁止羣組聚集)規例》有變更,餐廳安排可能因而有所變更
  • 入住期間,除了房間費用及政府稅外,客人須以信用卡繳交每房每晚港幣$1,000按金。如於入住期間實際產生的金額已超越按金,酒店將要求客人繳付額外金額。如無任何額外消費或損毀酒店財產,按金會於退房時透過信用卡退還,而退還時間會因不同銀行處理手續而異。
  • 房間之確認視乎酒店客房供應情況而定;價目如有更改,恕不另行通知
  • 優惠不能與其他優惠及折扣同時使用
  • 如有任何爭議,帝京酒店保留最終之決定權

旺角帝京酒店
地址:旺角太子道西 193 號

▼官網預訂網址▼
https://reservation.royalplaza.com.hk/npres/mindex.jsp?lang2=TC&p_code=RUNHOTEL

────── 相關文章 ──────
====================
由即日起至 9 月 30 日期間,於永安旅遊網頁或手機 App預訂香港 Staycation 套票,輸入會員推廣碼「GC333」,每訂單即減 $100。
預訂網址:
https://bit.ly/3gPDDM3

於永安旅遊網頁或手機 App預訂香港酒店,輸入會員推廣碼「GH916」,訂滿 HK$300 (未連稅計) 即減$30,每訂單最高可減 $180。
預訂網址:
https://bit.ly/2VaHwDG
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言