【香港麗思卡爾頓酒店 SPA 體驗】每位 $1,690 起,包海景房 60 分鐘熱貝殼全身按摩、享免費小食及茶飲!另有 90 分鐘療程每位 $2,200 起!
終於等到 SPA 重開啦!近日小編就去體驗香港麗思卡爾頓酒店的熱貝殼全身按摩療程,其水療中心位於 116 樓之高,每位客人都會有獨立按摩間,私隱度夠高,房內提供温熱按摩床,而且有播放著輕音樂,環境相當舒適,最正是所有按摩客房及放鬆區都可以睇得到海景!按摩過程中,技師不時都會關心房內溫度及音樂夠唔夠,相當貼心,就連想飲杯水都唔使你郁,技師會直接調較床至座椅高度,再將水送到埋嚟,真係皇帝級待遇!另外,更衣室內有齊所有個人用品、洗面奶、護膚品及沐浴用品,真係可以咩都唔使帶,兩手空空咁去。歎完 SPA 之後,仲可於放鬆區享曲奇、腰果、果乾、乳酪等免費小食及熱茶添~宜家直接打去酒店就可以預約到今次療程,60 分鐘熱貝殼全身按摩療程每位 HK$1,690(連服務費 HK$1,859)起,90 分鐘熱貝殼全身按摩療程每位 HK$2,200(連服務費 HK$2,420)起。
另外,酒店 eshop 亦有提供多個按摩優惠,其中最抵生日水療之旅每位 HK$2,475 起(已連服務費),兩位 HK$4,620 起(已連服務費),包 90 分鐘舒緩按摩、每位客人免費香檳一杯、於行政酒廊享用輕盈之選美食或下午茶(不包括酒精消費在內),仲有得免費使用健身中心及泳池添。
查詢詳情及預約電話:2263 2040
香港麗思卡爾頓酒店 SPA eshop 預訂網址:https://www.ritzcarltonhkshop.com/zh/spa-wellness
▼療程開始之前,客人會先坐低填諮詢表,寫清楚身體狀況,亦可以圈起想加強按摩嘅部位,以提供更個人化的按摩服務。
▼填表期間仲有熱茶飲添~
▼跟住就會去更衣室換衫,呢到有齊晒洗面奶、化妝水及保濕霜,可以咩都唔使帶,直接嚟到再卸妝都無問題,仲有 GHD 風筒提供。
▼而淋浴間內亦有提供沐浴露、洗頭水及護髮素。
▼儲物櫃空間相當大,去完 Shopping 再嚟都夠位放戰利品。每位櫃內有提供拖鞋、浴袍、毛巾、化妝棉、棉花棒、髮圈、一次性內褲、搓澡布、梳、牙膏及牙刷。
▼單人按摩間私隱度夠高,而且播放著輕音樂,提供温熱按摩床,環境相當舒適。天氣好嘅時侯仲可以睇到海景!不過因為小編體驗當日落雨,比較可惜睇唔到海景。
▼今次小編體驗嘅係 90 分鐘熱貝按摩(Lava Shell Massage),正式開始身體按摩前,技師會先幫客人洗腳,同時亦會講解之後按摩流程、功效,並提供兩款不同味道嘅精油俾客人選擇使用。另外,療程中亦會有提供頭髮及頭皮泥用於按摩頭部,如果之後唔想花時間洗完頭再走,可以選擇唔用。
▼療程之中,技師不時都會詢問房內音樂、溫度等,相當貼心。就連需要飲水時,都唔需要你郁,技師會直接調較床至座椅高度,再將水送到埋嚟!
▼療程結束後,就可以到放鬆區休息,躺椅正對著落地大玻璃,可以睇到海景!(小編體驗當日因為落雨而且已經入夜,好可惜睇唔到海景)
▼放鬆區仲有免費提供曲奇、腰果、果乾、乳酪等小食,以及水與熱茶。
香港麗思卡爾頓酒店水療中心
地址:西九龍柯士甸道西 1 號環球貿易廣場 116 樓
▼查詢詳情及預約電話▼
2263 2040
▼香港麗思卡爾頓酒店 SPA eshop 預訂網址▼
https://www.ritzcarltonhkshop.com/zh/spa-wellness+
除了麗思卡爾頓酒店,香港四季酒店都有 Spa 優惠,可以睇埋:
https://shopfourseasonshk.com/collections/spa-treatment/?ref=rh