【帝都酒店「萌寵下午茶派對」登場！】$368 起與愛犬歎自助下午茶＋打卡＋寵物美容優惠
想同毛孩一齊歎下午茶，唔使再煩惱「狗狗去唔去得」！帝都酒店全新推出「萌寵下午茶派對」，由即日起至 2027 年 12 月 31 日，主人可以帶同愛犬到酒店指定戶外空間，一邊歎自助下午茶，一邊同毛孩玩樂、影靚相，仲有寵物美容優惠，最適合一班愛狗人士約埋一齊過個輕鬆又治癒嘅下午。
「萌寵下午茶派對」每位 HK$368 起，並設有最低消費，活動最多可容納 10 隻狗狗。套餐可使用帝都酒店 2+2 café & bar 及戶外露天場地 3 小時，時間由下午 2 時至 5 時。場地空間寬敞舒適，主人可以同毛孩一齊放鬆玩樂。活動期間更免費提供指定精美設計背幕，方便大家即場同毛孩打卡影相，無論係慶祝生日、毛孩紀念日，定係純粹約埋一班「狗奴」聚會都相當適合。
查詢及預訂：2694 3839 / 6111 7733
食方面亦唔馬虎！套餐包括 2 小時豐富自助下午茶小吃，提供多款精緻茶點，大家可以一邊食、一邊傾偈，慢慢享受下午茶時光。飲品方面，橙汁及汽水於席間 2 小時無限量供應。酒店亦特別為今次「萌寵下午茶派對」加入寵物友善設施，活動期間增設寵物專用廁所及簡便沖洗設施，方便主人處理毛孩日常需要。場地亦會於活動前後使用多用途消毒清潔劑清潔及消毒，保持活動空間潔淨，讓主人可以更安心同毛孩享受聚會。
帝都酒店特別聯乘寵物美容及生活用品品牌 PRIVATE i PETS，為每位預訂賓客送出專屬優惠券。憑券可以享任何寵物美容服務 8 折優惠乙次，另外仲可以免費享用純氧牛奶微泡水療或刷牙服務乙次。PRIVATE i PETS 於銅鑼灣及九龍塘設有店舖，提供專業寵物美容造型、天然皮膚護理 SPA、狗狗恆溫室內游泳，以及各款寵物用品。即係下午茶聚會完之後，仲可以安排毛孩去享受一輪美容護理，成個「寵物放假日」更加完整！
「萌寵下午茶派對」活動資料
供應日期：即日起至 2027 年 12 月 31 日
時間：下午 2 時至 5 時（場地使用 3 小時）
地點：香港沙田白鶴汀街 8 號帝都酒店
查詢及預訂：2694 3839 / 6111 7733
*另收加一服務費。
*如有任何爭議，帝都酒店保留最終決定權。
