報導第一手酒店優惠消息
分享酒店優惠、訂機票、旅遊攻略


香港文華東方酒店由即日起至月底再推出限時住宿優惠啦!二人房價 HK$2,000 (連服務費 HK$2,200)起,入住市區景觀客房,包每日雙人早餐、三道菜雙人晚餐(餐牌按此),星期一至四仲可以提早至 11 點入住,延遲退房下午 3 點,最長可住足 24 個鐘。而 9 月份入住仲會送 SHISEIDO FUTURE SOLUTION 晶鑽珍寵體驗組合兩份(價值 HK$560)及體驗換領信,可用於換領永恆美肌基本修護組合乙份(價值 HK$950)、晶鑽多元日間修護乳液 SPF20 PA++++ 15ml (價值港幣 410 元)及可享雙倍積分等禮遇。今次晚餐可揀於客房或 Café Causette 享用,睇過 8 月份餐牌,主菜有西班牙黑毛豬、香煎三文魚扒寛條麵或印式烤雞伴印度香料飯可選,而 9 月除了同樣有黑毛豬之外,仲有香煎紅鯛魚同泰式瑪莎曼咖哩牛腱供應。

另外,預訂文華閣客房或套房,房價 HK$2,900 (連服務費 HK$3,190)起,可以歎埋行政酒廊專屬禮遇,可以享受埋早餐、下午茶、非酒精飲品、汽水、咖啡、茗茶、全日輕盈小食、晚間開胃小菜配香檳、葡萄酒、雞尾酒、指定烈酒、啤酒,就連房入面嘅迷你酒吧都係免費㗎!於 9 月 11 日前入住仲會再送「盛夏摩天輪」雙人套票(價值 HK$310),套票包括有入場券 2 張、爆谷兩包、攤位遊戲及機動遊戲代幣 22 枚,又有得食又得玩!

預訂日期:即日起至 2021 年 8 月 31 日
適用入住日期:即日起至 2021 年 10 月 17 日
官網預訂網址:https://bit.ly/3yEUMyL

今次小編入住的是 Verandah Style 的文華閣海景客房 (有埋文華閣 Club Lounge,即有早餐、下午茶和雞尾酒時段),二人房價 HK$3,500 (連服務費 HK$3,850),可以睇到 AIA 摩天輪同海景,窗邊仲有打卡梳化位,好正!入住文華閣客房,就可以去埋位於酒店 23 樓的全新文華閣,享用早餐、下午茶、餐前雞尾酒及小食,體驗當日嘅 Afternoon Tea 會以雙層架形式上菜,有包埋文華出名嘅 Scones 連玫瑰花果醬,仲有 7 款咸甜點,而雞尾酒時段嘅小食都高質,有春卷、叻沙咖哩汁青口等 4 款熱食,仲有多款麵包、芝士、小蛋糕、紅白酒同啤酒等。至於晚餐,小編揀於 Café Causette 享用,份量啱啱好夠飽,所以大家去 Lounge 嘅時候可以唔使就住食。不過餐廳人流比較多,如果想靜靜地食飯傾下計嘅話,建議都係房內食會比較好。最後,小編揀咗喺快船廊食自助早餐,食物選擇超豐富,重點係有一大個 Corner 嘅麵包同點心供應!

▼文華閣海景客房(Verandah Style)

▼房內電視有 Airplay 功能可以連接手機

▼仲可以望到 AIA 摩天輪添啊!

▼窗邊梳化位好適合打卡,而且 Size 超大,兩個人瞓低都好夠位

▼梳化對面就是辦公桌

▼有提供 Bose 藍芽喇叭及望遠鏡

▼另外亦有兩套「We Care」防疫套裝,內有口罩、消毒濕紙巾及膠手套提供

▼迎賓果盤及點心

▼今次優惠入住文華閣客房會包埋迷你吧飲品,所有非酒精飲品同啤酒都係免費㗎

▼另外仲有免費提供 Tea WG 茶包、普洱茶及 Nespresso 膠囊咖啡機

▼其他酒類及小食就需要額外收費

▼房內提供 Evian 礦泉水,唔夠可以再打電話去前台免費拎

▼床頭櫃仲有隱藏式 USB 插頭及萬用插頭

▼香港文華東方酒店仲有個好出名嘅置物櫃服務,酒店職員會將住客需要的物品放在門口旁邊的置物櫃內,住客等亮燈後就可以自行領取,更有私隱,夜晚梳洗完拎野都唔使擔心俾人睇到自己!

▼酒店嘅 Pillow menu 都好正,有齊 6 款迷你枕頭俾住客可以先試下手感再揀要邊款。有需要睡枕菜單可以打去前台同酒店職員講。

▼洗手間設計配搭黑、白色大理石,風格現代,雖然浴缸旁邊窗廉無辦法拉起,但都可以隱約睇到窗外景色,洗手盤旁的鏡面仲有電視可以睇。

▼提供 Diptyque 沐浴用品、香皂及身體乳

▼提提大家,為支持環保,酒店提供的是粒狀牙膏,用唔慣嘅話就記得要自備牙膏啦。

▼今年 2 月新開的文華閣,位於酒店 23 樓,空間好大,部份窗邊位可以睇到皇后像廣場景。

▼現時文華閣下午茶時段有提供雙層架下午茶,可以試到文華著名既 Scones 連玫瑰花果醬,另外仲有 4 款咸點三文治及 3 款甜點小蛋糕(食物有機會定期更換)

▼雞尾酒時段小食選擇都好多,小編體驗當日就有春卷、辣魚餅、叻沙咖哩汁青口同蕃茄湯共 4 款熱食,另外仲有多款沙律、麵包、芝士、火腿同小蛋糕等。

▼雞尾酒時段有各式雞尾酒、紅白酒、啤酒等

▼文華閣飲品餐牌

▼今次晚餐可選擇於客房或 Café Causette 享用,首先會上份餐包,口感外脆內軟,而且好綿密。

▼前菜就揀咗香草忌廉蘑菇湯,味道好香濃,而且飲落有唔少白磨蘑片增加口感。

▼主菜揀咗西班牙黑毛豬配巴馬火腿燴洋薏米同香煎三文魚扒配白酒汁寛條麵,黑毛豬前得好香,而寛條麵亦都好 Creamy,但份量唔算好多,但小編食落都啱啱好夠飽

▼最後甜品有意式椰香奶凍伴熱情果忌廉及菠蘿果蓉、朱古力泡芙伴櫻桃果醬兩款可以揀,奶凍食落好清爽解膩,而泡芙咬開中間會有凍凍嘅朱古力忌廉,點埋櫻桃果醬一齊食就啱啱好可以中和返個甜味。

▼翌日早餐就可以揀於 Café Causette 享用早餐套餐或於快船廊享用自助早餐,入住文華閣客房或套房嘅住客亦可選擇於文華闊閣享用自助早餐。小編今次就揀咗去快船廊食,呢邊食物選擇超豐富,重點係有超多麵包款同點心提供,西式早餐的穀麥片、煙肉火腿、腸仔、沙律都有齊,而中式就有炒麵、雞肉粥、油炸鬼、菜肉包等等,連日式牛肉薯仔可樂餅都有!另外仲有即叫即製的雞蛋料理同麵檔。

房價包括:

  • 每日雙人早餐
  • 三道菜雙人晚餐套餐,可選擇於客房或 Café Causette 享用(餐牌按此)
  • 24 小時奢華住宿體驗,最早入住時間為上午 11 時,最遲退房時間為下午 3 時(適用於星期一至四入住之賓客)
  • 專享 SHISEIDO FUTURE SOLUTION 至臻奢寵體驗(只適用於 2021 年 9 月入住之賓客)
    • 免費獲贈 SHISEIDO FUTURE SOLUTION 晶鑽珍寵體驗組合兩份(價值港幣 560 元)
    • 免費獲贈體驗換領信乙張,以免費換領以下禮遇
      • SHISEIDO FUTURE SOLUTION 永恆美肌基本修護組合乙份(價值港幣 950 元)
      • 凡購買任何 SHISEIDO FUTURE SOLUTION 產品 , 可免費額外獲贈 SHISEIDO FUTURE SOLUTION 晶鑽塑顏緊緻再生精華 9ml 乙支 (價值港幣 390 元)
      • 由 9 月 1 日至 30 日,購買任何 SHISEIDO FUTURE SOLUTION 產品可享雙倍積分,新會員首次購物滿港幣 3,500 元,可立即成為 Yutaka Club 晶鑽美研會尊尚會員,尊享非凡珍寵禮遇
    • 免費獲贈體驗換領信兩封,以免費換領以下禮遇
      • SHISEIDO FUTURE SOLUTION 晶鑽多元日間修護乳液 SPF20 PA++++ 15ml (價值港幣 410 元)
      • 以港幣 880 元尊享晶鑽再生美容療程 (70 分鐘)(原價港幣 1,280 元),完成美容療程後,可全數換購 SHISEIDO FUTURE SOLUTION 晶鑽奢寵系列正價貨品。(不能與其他折扣及優惠同時使用)

賓客另可預訂文華閣客房或套房住宿,專享以下額外行政酒廊專屬禮遇及「盛夏摩天輪」多種遊樂體驗:

  • 私人入住和退房體驗
  • 供應早餐和下午茶
  • 供應非酒精飲品、汽水、咖啡及茗茶
  • 全日供應輕盈小食
  • 供應晚間開胃小菜,配以香檳、葡萄酒、雞尾酒、指定烈酒和啤酒佐餐
  • 迷你酒吧提供免費啤酒和非酒精飲品
  • 迎賓水果及每日夜床服務
  • 免費串流式無線寬頻網絡及本地電話服務
  • 每次入住可免費熨燙兩件衣服
  • 每次入住可使用文華閣行政會議室兩小時
  • 「盛夏摩天輪」雙人套票(價值港幣 310 元)(適用於 2021 年 9 月 11 日前入住之賓客)
    • 入場券 2 張
    • 攤位遊戲及機動遊戲代幣 22 枚
    • 爆谷兩包

條款及細則:

  • 住宿優惠的訂購日期為 2021 年 8 月 16 日至 31 日,適用入住日期有效至 2021 年 10 月 17 日。
  • 住宿優惠只適用於香港居民。登記入住時需出示有效之身份證明文件。
  • 客人可選擇於 Café Causette 或客房內享用三道菜雙人晚餐套餐。如有任何餐飲要求,客人必須提前通知酒店。如欲訂座,請電郵至 mohkg-restaurants@mohg.com 與酒店餐飲部聯絡,相關部門將於 48 小時內回覆。
  • 用餐地點受政府措施所限制,如有更改,恕不另行通知。
  • 文華閣開放時間為早上 7 時至晚上 10 時。賓客須穿著時尚休閒服裝。賓客應避免穿著破洞牛仔褲、背心、人字拖和男裝涼鞋。
  • 所有房價均不含佣金,並需另加一服務費。
  • 如禮品套裝或體驗換領信有任何損壞或遺失,酒店概不負責。
  • 住宿優惠只供客人作酒店住宿,房間不可用作活動場地或作其他商業用途。
  • 住宿優惠不可跟其他折扣、優惠或推廣同時使用。
  • 住宿優惠不可跟其他尚扇薈 (Fans of M.O.) 禮遇同時使用。
  • 住宿優惠僅適用於新預訂之房間,且不適用於團體預訂。
  • 取消預訂或沒有按日子登記入住之客人將不獲退還已預繳之款項。
  • 住宿優惠須視乎供應情況而定。
  • 如有任何爭議,香港文華東方酒店保留最終決定權。

香港文華東方酒店
地址:中環干諾道中 5 號

▼官網預訂網址▼
https://bit.ly/3yEUMyL

────── 相關文章 ──────
====================
由即日起至 9 月 30 日期間,於永安旅遊網頁或手機 App預訂香港 Staycation 套票,輸入會員推廣碼「GC333」,每訂單即減 $100。
預訂網址:
https://bit.ly/3gPDDM3

於永安旅遊網頁或手機 App預訂香港酒店,輸入會員推廣碼「GH916」,訂滿 HK$300 (未連稅計) 即減$30,每訂單最高可減 $180。
預訂網址:
https://bit.ly/2VaHwDG
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言