報導第一手酒店優惠消息
分享酒店優惠、訂機票、旅遊攻略

琴平花壇2
因為三年一度的瀨戶內海藝術祭,令日本四國地區在今年又火熱左一把。但係山長水遠黎到日本又點可以齋行行睇睇,唔浸下溫泉享受一下咧?金刀比羅溫泉鄉位於四國香川縣的琴平站附近,係距離高松最近的溫泉鎮,而溫泉鎮入面係有三種源泉,分別係湯元金比羅溫泉華之湯、金比羅溫泉湯元、金比羅溫泉船舟湯。今次 Runhotel 就黎到琴平,為大家介紹琴平呢間擁有 400 多年歷史,正正位於海拔較高-日本最難參拜噶神社「金刀比羅宮」山腳下既「琴平花壇」旅館。

 

房型和房價

琴平花壇共有 42 間客房,房價有不含早餐、含早、含早晚三種選擇,但係既然都住到溫泉旅館,我就建議大家都選擇一泊二食(即包晚餐和早餐)的了。一泊二食住宿價格由 32,000 日元至 132,000 日元不等,視乎你選擇的房型以及晚餐用餐標準而定,亦視乎淡季或旺季。

 

交通

電車
如果大家從高松站前往琴平,除左乘坐高松琴平電鐵琴電線,從高松築港直接到達終點站琴電琴平(約 1 小時 2 分鐘,費用 630 日元)。

火車
亦都可以選擇乘坐 JR,在高松站上車,直達/轉車(視乎班次)到達琴平站(約 1 小時 3 分鐘,車費 870 日元)。到達前可以致電或Email旅館,就會有專車黎到車站接送喇,返程亦都係可以預約專車到車站。

機場大巴
從高松空港可以直接乘坐直達琴平的巴士,約 45 分鐘車程。一樣都係可以提前同酒店book到車站接送。

 

歷史


琴平花壇創立於 1627 年的江戶時代,是一家擁有接近 400 年歷史的日式旅館,自古以來深受日本大文豪們的喜愛,部分房內仲有歷史藏物,是當地最著名的溫泉旅館,古色古香,在旅館的中間仲有一個日式的庭院,是春天賞櫻,秋天賞楓的好地方。

初到旅館

酒店正門相對於一般的溫泉小旅館黎講是十分之有氣派,設計感十足。酒店主樓有三層高,一樓是酒店前台及小商鋪。右邊呢個,風格同安藤忠雄的清水混凝土好似的其實是旅館的電梯,可以直接到達三樓的休息室。

旅館前台
一樓休息區

旅全景
旅館全景

到達三樓一出電梯居然有個足湯,可以望住成個琴平花壇浸足湯,非常寫意啊!

在三樓的休息室有個cafe,部分客房的入住旅客可以享受24小時咖啡服務,仲有圖書角、按摩椅、電腦,即使唔外出都可以在旅館內歎一下,偷得人生半日閒 。

三樓休息區電腦區按摩區閱讀角

 

延壽閣

延壽閣是琴平花壇的三間獨棟客房之一,相傳是日本名人森鷗外最喜愛的客房。

 

長生殿

長生殿是琴平花壇面積最大的客房,內部有好多藝術品。

 

泉亭

泉亭是日本詩人北原白秋曾經使用過的客房,亦是三棟獨棟之一,小編最中意呢間,因為處於樹叢之中,露臺對出有一個魚池,好享受啊。

 

別館

今年琴平花壇的別館裝修完畢,內部設計風格日式簡約相信好多人都會好中意,特別適合住新唔住舊的讀者喇。

▼ 琴平花壇部分房型可以通過露台望到琴平景色,讚岐富士和琴平的街道盡收眼底,如果天氣好夜景仲會見到螢火蟲同繁星,迷人的夜景令人極有feel!所以建議大家揀房時選擇有風景的房間。

 

客房

我哋今次入住既係「 富士見臺·附露天浴池雙床房」,面積有 46 平方米,房內有私人溫泉。而我們今次透過日本 Relux 網站預訂,入住時發現仲可以享受以下優惠:

– 延遲退房11:00
-泰式按摩「Bankunmei」10%OFF
-Garden Lounge的咖啡和紅茶免费
-Garden Lounge的氣泡葡萄酒一杯免費(21:00~23:00)
-Garden Lounge的俱樂部房間2小時免費使用

Relux 預訂網址:
https://www.rlx.jp/21154/

如果大家未用過 Relux,透過以下連結去註冊做會員,然後首次預訂酒店仲有 9 折,折扣後好多日本酒店就平過其它網站,註冊網址:
https://rlx.jp/invite/IP_UDGE7
(或首次預訂時輸入優惠碼:IP_UDGE7)

▼ 一入客房就被小茶几上的歡迎小食吸引,呢個係琴平既特產「舟舟酥脆薄餅乾」,大家如果中意可以到旅館的小商店選購。

▼ 房間係和洋室,雙床房,訓落都好舒服,而且房間隔音效果好好,一覺到天明。

▼ 一般的溫泉旅館燈光都係非常暗,而且我哋入住的房間陽光都唔係好充足。好彩房間內有個化妝台,燈光幾好下,所以各位女士們就唔係擔心個妝化唔靚喇。

▼ 房間內有浴衣提供,大家可以穿上靚靚的浴衣前往旅館的園林影相,出片效果一定唔會差!

▼ 房間內有一個露天私人溫泉,容納兩個人都冇問題,完全唔洗驚公共溫泉太多人冇位浸,最犀利既係溫泉邊居然有電視機!所以大家就唔洗驚浸溫泉冇事做喇!不過小編需要提提大家浸既時候講秘密要細 D 聲,隔離樓上都會聽到~

淋浴室

淋浴室

▼ 酒店十分用心的在抽屜裡放有關於琴平花壇的歷史介紹及當日出遊資訊,好貼心。

▼ 雖然酒店休息室有咖啡提供,但是大家也可以選擇在客房內享用免費提供 Nespresso 咖啡機。

▼ 就連茶具都有,鍾意飲日本茶的讀者就有口福喇。

酒店的冰箱入面有好多地區限定的飲品,因為琴平隔離的善通寺市是其實就係空海法師的故鄉,所以有幾款飲品都帶有空海法師的 IP,感覺飲完會受到眷顧。

 

公共浴室/溫泉

▼ 如同大多數溫泉旅館,琴平花壇亦都有公共溫泉提供,叫做吉祥湯。

▼ 而且露天風呂的環境十分之唔錯,有竹林圍繞,加上我哋入住當晚琴平有拜祭儀式,浸溫泉噶同時加上傳統樂器的聲在環繞,感覺放鬆又寫意。

 

用餐

晚餐
既然住得溫泉旅館又點可以少左日式晚餐?琴平花壇的日式晚餐均使用瀨戶內海周邊生產的食材,更有香川特產「讃岐三畜」之赞岐牛,味道同分量都岩岩好!

不過小編就覺得用餐環境一般般了,即使朝早都冇咩風景可言。所以只可以Focus 在食物上喇!

▼ 前菜
前菜

▼ 刺身
刺身

讚岐和牛
讚岐和牛

煮物
煮物

主食
主食

甜品

早餐

題外話,大家又知唔知點解左邊插著這麼多木棍?其實係 for 行「金刀比羅宮」的,雖然係隨意領取,但係記得有借有還。

 

總結

小編點評,琴平花壇客房面積我就覺得比一般的溫泉旅館要大好多,好寬落,雖然係歷史悠久的酒店,但係沒有老舊的痕跡,都幾新淨下,即使一家大細黎住都好適合。最主要琴平花壇距離金刀比羅宮比較近,步行即可到達,地理位置係方便的。所以大家下次黎到琴平記得選擇琴平花壇啦~

琴平花壇
地址:香川県仲多度郡琴平町1241-5

預訂鏈接
大家可以去以下網站比較一下房價

Relux:
http://www.rlx.jp/21154

Agoda:
https://www.agoda.com/zh-hk/kotohira-kadan/hotel/kotohira-jp.html

Booking.com:
https://www.booking.com/hotel/jp/kotohira-kadan.zh-tw.html

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言