【尖沙咀凱悅酒店住宿體驗】房價 $1,180 起，包自助早餐、自助午餐、提早 10 點入住、延遲至 2 點退房，加 $400 轉食 3 道菜晚餐！
尖沙咀凱悅酒店推出的「自助餐 X 本地遊」，星期一至五入住二人房價由 HK$1,180 (連服務費 HK$1,298)起，星期六、日入住房價由 HK$1,380 (連服務費 HK$1,518)起，包標準客房住宿一晚、自助早餐、自助午餐或加 HK$400 可轉客房內享用希戈餐廳的 3 道菜晚餐（恢復晚市堂食就冇得揀呢個晚餐㗎啦），再送 K11 Select 港幣 $300 電子禮券一張，在星期一至四入住仲可以提早至 10 點入住、延遲至 2 點退房。如果想轉海景客房亦得，只要加 HK$200 就可以！另外，仲可以選擇加 HK$400 入埋嘉賓軒酒廊歎埋早餐、黃昏雞尾酒、小食，以及全日供應的飲品和茶點。
適用入住日期：即日起至 2021 年 3 月 31 日
官網預訂網址：
https://www.hyatt.com/zh-HK/shop/honhr
今次小編訂左貴少少既海景客房（大床），空間好闊落舒服，而餐飲就加錢揀了房內享用希戈餐廳的 3 道菜晚餐（餐牌按此），最驚喜是主菜燒牛助骨肉在上菜時，大廚會在房門口即場切片再淋上燒汁俾你！另外，Lounge 亦有驚喜，唔止有多達 14 款紅白酒提供，仲有不少飯類、熱食同甜品提供，午餐都可以係到食飽啊！講真 $1,180 包自助早餐、自助午餐真係超抵，不過 hyatt 既自助餐已經食過，所以今次就試晚餐。
▼酒店入口位於 K11 商場內，從港鐵尖沙咀站或尖東站 N4 出口上兩層就可找到。
▼酒店前台提供的筆都有消毒過，而且基本所有出入口及升降機位都提供消毒噴霧或搓手液，就連樓層走廊都設有空氣清新機，非常衛生！
▼然後就睇睇海景客房（大床）環境，一入門口右邊就是洗手間同衣櫃。
▼成間房都幾寬落，約 334 平方呎。
▼今次間房位於最高的 24 樓，由房望出去可以見到局部海景，建議升級海景房的大家可以試下 Request 高啲的樓層，咁先可以睇多啲海景。
▼房內有書枱位
▼枱上有提供兩個紙製口罩夾、4 包酒精消毒濕紙巾，旁邊櫃筒內有寬頻上網線。
▼有 Nespresso 膠囊咖啡機、果盤及茶具提供。
▼迷你吧有茶包、即沖咖啡、酒版及一筒薯片，而雪櫃內亦有齊啤酒、汽水。
▼床頭位置有電話、鬧鐘、USB 插頭位。
▼衣櫃內有浴袍、拖鞋、鞋抽等提供。
▼浴室有分開企缸、浴缸兩邊，而且都好寬落，兩個人同時用都唔會覺得逼。
▼衛生用品方面，就包括有洗面皂、牙刷、牙膏、化妝棉、棉花棒、浴帽、梳、指甲銼、衛生袋、Body lotion、剃鬚刀及膏。
▼比較特別的是，洗手間仲有連接衣櫃，沖完涼直接拎浴袍著就得，超方便！
▼今次我地有加 HK$400 入埋嘉賓軒酒廊， Lounge位於 23 樓，空間都幾大，靠窗位置仲可以望到海景。
▼Lounge 逢星期一至五早上 06:30 – 10:30 會提供歐陸早餐，星期六、日及公眾假期就會於早上 06:30 – 11:00 供應，而黃昏雞尾酒及小食就會於下午 16:00 – 18:00 提供，其餘時間來到亦可享用汽水、果汁、咖啡及茶，還有蝴蝶酥、曲奇、堅果等小食提供。
▼黃昏雞尾酒時段會提供多達 14 款紅白酒（疫情期間酒店會將酒收起來，大家想飲就同 Lounge 職員講聲啦！）
▼啤酒都有兩款提供，分別是嘉士伯同青島。
▼小食方面，有薄脆、芝士、餅乾等可以送酒食。
▼而熱食都有唔少飯類供應，Lunch 係到食都夠飽，不過最好就早啲嚟食，小編當日見飯類約半個鐘到就冇晒，想食就要再等第二輪。
▼仲有沙律、麻辣雲耳等冷盤。
▼甜品選擇都唔少，單是蛋糕卷就有 3 款口味，另外仲有楊枝甘露、切件蛋糕等。
▼飲品方面，除了酒之外，仲有牛奶、果汁、汽水、茶、咖啡等。
▼最後，就係重頭戲希戈餐廳 3 道菜晚餐，送餐時間會於 Check-in 的時候確認埋，首先會送頭盤上房，之後可以隔半個鐘到再送主菜同甜品，咁就唔怕食的時候會凍晒！而且餐車會 Set 係窗前，可以睇住個景食，都幾好 Feel～
▼頭盤有希戈經典大蝦咯嗲配白蘭地咯嗲汁、巴黎蘑菇及羅馬生菜，沙律食起嚟好開胃，特別是磨菇好索汁好好食！另外仲有跟 3 款麵包，分別是蒜蓉包、法包同洋蔥包，其中就以洋蔥包最驚喜，外脆內軟，口感略似牛角包。
▼主菜揀燒美國頂級牛助骨肉的話，上菜時大廚會在房門口即場切片再淋上燒汁俾你！
▼牛助骨肉仲有配約克布甸、焗薯同時令蔬菜，小編當日就 Order 五成熟，可以見到肉呈粉紅色，食落口感亦好嫩！
▼另一款主菜就是迪耶普式法國比目魚配褐蝦、時令青口、甘筍、西芹、青豆、薯仔、法式牛油汁，食落好香，唔會覺得油膩。
▼最後甜品就有法式焦糖燉蛋焗雲呢拿吉士，其焦糖面超脆，而下面吉士口感亦好順滑，就好似雪糕咁！建議大家要一啖連埋上面的覆盆子一齊食，咁就啱啱好中和了底下的吉士甜味。
▼預訂時見到「本地遊：自助午餐／自助晚餐」就係今次優惠
房價包括：
- 已登記的客人可於入住翌日享雙人自助早餐
- 以下選一項：
- 入住當天享用咖啡廳雙人自助午餐
- 自助晚餐：因應政府就飲食處所的晚市堂食限制，自助晚餐將改於客房內享用希戈餐廳的 3 道菜晚餐至另行通知，供 2 人用，除公眾假期及其前夕的星期一至四入住加港幣 $400，星期五至日、公眾假期及其前夕加港幣 $600 (按此查看菜單)
- 免費 K11 Select 港幣 $300 電子禮券乙張
- 上午 10 時提早登記入住及延長退房時間至下午 2 時 (適用於星期一至四的入住，公眾假期除外)
- 只需額外加港幣 $400，兩位客人即可升級至嘉賓軒酒廊禮遇，包括享用黃昏雞尾酒
條款及細則：
- 優惠適用於即日起至 2021 年 3 月 31 日。
- 已包括登記客人於入住翌日享用自助早餐，最多予 2 位成人，將因應餐廳座位之限制於咖啡廳或其他餐廳提供，敬請留意。
- 所有餐飲安排限入住期間使用，使用前請事先預約餐廳，需視乎其訂座情況，以及政府就飲食處所的堂食限制而定。
- 不適用於宴會服務。
- 此優惠不可與其他優惠、禮券或折扣同時使用。
- K11 Select 港幣 $300 電子禮券需於 K11 Select 消費滿港幣 600 元即可使用。 須先登記成為 KLUB11 會員。每客房可換領港幣 300 元 K11 Select 電子禮券乙張。受其他優惠及條款約束。
- 如需取消預訂，請於原定入住前 24 小時提出，否則酒店將收取 1 晚房費。
- 所有價目須另加 10% 服務費。
- 優惠另附其他條款及細則。
- 預訂需視乎房間供應情況而定。
- 價格以每晚每房計算，但不包含服務費、稅金及其他額外消費。
- 客房升級可能需要加收額外費用。
- 此優惠方案房間數量有限。
- 方案不適用於特定節假日或特殊活動期間，抵店/離店時間應符合酒店規定。
- 凱悅酒店集團保留任何時候修改或取消此項優惠的權利，無須另行通知。
尖沙咀凱悅酒店
地址：九龍尖沙咀河內道 18 號
官網預訂網址
https://www.hyatt.com/zh-HK/shop/honhr
尖沙咀凱悅酒店仲有另一個住宿優惠，詳情：
https://www.runhotel.hk/hyatt-regency-TST
