【香港去深圳寶安國際機場的 5 種交通方法】附價錢、所需時間和時間表
而家資訊咁發達，唔少遊客揀咗喺深圳寶安國際機場起飛，唔單只有時飛機票價錢喺深圳會平啲，而家如果要飛國內某啲地方，深圳寶安國際機場有時仲會有更多班次可以揀。下面就會詳細講解由香港去深圳寶安國際機場嘅 5 種主要交通方法，包括每種方式的價錢、所需時間和時間表。
港鐵轉深圳地鐵
港鐵轉深圳地鐵：最經濟實惠一定係搭港鐵和深圳地鐵，唔驚塞車或者錯過巴士時間，坐港鐵去到福田口岸，之後就轉搭深圳地鐵 4 號或 10 號線喺福田口岸站落車，再轉 11 號線直達機場站。以成人票計，用八達通搭港鐵最貴都唔會過 HK$65 （呢個價錢係按最遠，即係計到落馬洲站為止）；至於深圳地鐵部分就要 RMB8 （差唔多HK$9 港幣），加埋兩邊車費最多加埋都唔會超過 HK$74 。根據小紅書啲用戶真實分享，如果朝早 6 點喺旺角東站上車，大約 7 點 35 就會到達深圳機場，全程 1 個鐘 35 分。
至於港鐵去到口岸之前嗰站上水站，朝早最早嗰班車係 6 點開，夜晚最後一班就係晚上 11 點 11 分開，即係話最早嗰班港鐵大概 6 點 10 分會到口岸，最遲嗰班就大約晚上 10 點 21 分到，呢個時間表適合大多數早到晚嘅航班。
港鐵轉深圳機場巴士
港鐵轉深圳機場巴士：乘坐港鐵到落馬洲站，在福田口岸入關後，步行約 6 至 8 分鐘至深港城市候機樓，轉乘機場快線 A10 深榮線，車程約 30 分鐘，單程票價 25 元人民幣。每天有 15 個班次往深圳機場，首班車 8:00 出發，末班車為 22:00。
時間表以下：（如需買票，可用 Wechat 掃以下 QR Code）
跨境巴士
跨境巴士：永東直通巴士、中旅巴士、環島中港通三家跨境巴士公司都有直達深圳寶安機場的路線，以環島為例，荃灣德海街上車，最早班次為早上 8 點，最遲一班為晚上 6 點半，每半小時一班，每日共有 22 班車，車費 HK$120。車程約 1 至 2 小時（視乎上車位置）。因為大部份直通跨境巴士時間只限在早上 7 點至晚上 7 點前運行，並沒有凌晨的班次。
中旅巴士購票網址：https://www.hkctgbus.com/
環島中港通購票網址：https://www.tilchinalink.com/ticketing.php
尖沙咀中港城碼頭到深圳機場碼頭
尖沙咀中港城碼頭客船：乘坐珠江客運的客船，從尖沙咀中港城碼頭出發，到達深圳機場碼頭，航程約 70 鐘。成人票價普通位 HK$160、頭等位 HK$260、特等位 HK$330，由中港城碼頭出發每日只有兩班船，第一班在早上 11 點，第二班在晚上 6 點 40 分開出。
珠江客運購票網址：https://www.cksp.com.hk/
叫中港車 （最貴但最方便）
中港車：可用中港叫車 App 跨28，程式會跟據香港上車地點距離而定價，舉例以沙田出發為例，車費 HK$1280.5，只需提早一至兩個小時前叫車即可。如首次下載，透過以下連結下載，會送 5 封 $10 利事，下載網址：https://kua28.app/login.jsp?device_type=1&parent=58564854842248
機場附近平酒店推介
如果同小朋友出遊，唔想太趕，可以考慮前一日先住機場附近的酒店， 講到「平靚正」，位置又近，就正正位於機場的「深圳機場凱悦嘉軒酒店(Hyatt Place Shenzhen Airport)」，Trip.com 上預訂，住一晚都係 4 百至 5 百蚊。酒店位於 T3 客運大樓東側（近機場地鐵站 C 出口），室內通道步行到機場客運大樓約 5 分鐘（地面交通中心 （GTC） 14 號門出口，乘坐電梯上 3 樓即達酒店。），所以勁方便。
深圳機場凱悦嘉軒酒店預訂網址：
https://hk.trip.com/hotels/shenzhen-hotel-detail-4690345/hyatt-place-shenzhen-airport/
