【金域假日酒店親子住宿優惠】兩大兩細房價 HK$1,388，包 HK$500 餐飲消費額、相片打印蛋糕，仲可以入 Lounge 食早餐、晚間雞尾酒！
5 月 3 日更新：官網再次接受預訂喇
====================
位於尖沙咀的金域假日酒店推出了「星級夢想家親子住宿計劃」，房價 HK$1,388 (連服務費 HK$1,527)，可最多兩大兩細入住，包親子主題房間住宿一晚、HK$500 餐飲消費額、相片打印蛋糕，Package 仲包埋兩大一細入行政會所，住客可以入 Lounge 食早餐、每晚 6 至 8 點有餐前雞尾酒及紅白酒、其它時段仲有甜點和小食等等，全日有咖啡、茶、飲料、小食提供。
今次親子主題房分為「星空戰士」同「夢幻粉紅獨角獸」兩款，小編之前就有去酒店參觀過呢兩個房型，發現房入面都有好多細節位是精心設計過，仲有多個相關主題的公仔提供，鍾意的話可以直接買走帶埋返屋企添！
適用入住日期：由即日起至 2021 年 6 月 30 日
▼金域假日酒店就位於港鐵尖沙咀站 N5 出口對面。
▼先帶大家睇睇「星空戰士」主題客房
▼成間房都充滿太空人、火箭、星球等公仔，小朋友見到都應該好鍾意！
▼房內地毯仲可以玩跳飛機！
▼提提大家房內的公仔唔可以帶走，但真係好鍾意的話可以同酒店買，酒店在房間內會有價單提供，大的火箭公仔 HK$280，細的火箭公仔 HK$100。
▼房內仲有提供太空人服裝，不過要買咗先可以著黎打卡，一套 HK$400。
▼今次酒店主題客房設計好用心，唔止換了床單同窗簾，仲有床頭燈、電掣上的裝飾、窗及鏡面的公仔貼紙等等都有配合同一主題。
▼每房提供一個安心包，內有口罩及酒精消毒用品
▼浴室設計都唔馬虎，唔止有太空人地毯，就連牙刷座都是太外人主題。
▼主題房內大部份的裝飾品都可以買走帶返屋企。
▼另一間「夢幻粉紅獨角獸」主題房間
▼呢間主題房內同樣有好多細節位，比如地毯、掛畫、床頭燈統統都是獨角獸主題，絕對可以滿足小女生！
▼房內有超大獨角馬公仔可以玩，大到足夠小朋友騎上去，而且是麻糬公仔質地，摸落超軟！鍾意的話仲可以買一個返去屋企，價格都合理，大的一個 HK$320，細的一個 HK$100。
▼仲有獨角獸拖鞋可以買，一對 HK$60。
▼而浴室內亦設有獨角獸牙刷座及地毯，就連紙巾盒都是公主風設計。
▼呢間房內的大部份裝飾擺設同樣都可以買㗎！
▼今次 Package 可以入埋行政會所食早餐、甜點同小食，每晚 6 至 8 點有餐前雞尾酒添！小編當日亦去 Lounge 睇過，沙律、芝士、火腿、朱古力卷、雞翼、炸雲吞等都有提供，而飲品方面亦有齊紅酒、白酒、啤酒、汽水、咖啡及茶。
常問問題：
問：房間可以兩大兩小入住嗎？
答：可以，房價 HK$1,526.8 ，已包兩大兩細早餐和享用行政會所（包括免費使用行政會所設施和行政會所晚間雞尾酒）
房價包括：
- 免費升級至「星空戰士」或「夢幻粉紅獨角獸」主題優尚豪華客房
- 免費使用行政會所（包括免費使用行政會所設施和行政會所晚間雞尾酒）
- 行政會所早餐
- 精美主題相片打印蛋糕
- 港幣 500 元餐飲消費額
- IHG®優悅會會員可獲相應的 IHG 獎勵積分
條款及細則：
- 預訂日期由即日起至 2021 年 6 月 30 日。
- 必須提前三天預訂客房。
- 促銷不能與其他促銷、折扣或優惠券一起使用。
- 房價以每房每晚計須另加 10% 服務費。
- 如須取消和更改預訂日期，必須在抵達日 72 小時前辦妥。
- 在任何爭議中，香港金域假日酒店保留最終決定權。
星級夢想家親子住宿計劃預訂網址：
https://eshop.higoldenmile.com/tc/dream_beyond_the_stars_staycation/?utm_source=runhotel&utm_medium=kidpost&utm_campaign=runhotel
香港金域假日酒店
地址：香港九龍尖沙咀彌敦道 50 號
